Hildako bat eta hainbat zauritu Frantziako Mulhouse hirian, labanaz egindako eraso batean
Pertsona bat hil da eta hainbat zauritu dira Mulhouse Frantziako hirian, Alemaniako mugatik gertu, gaur arratsaldean arma zuriz egindako eraso batean. Ustezko erasotzailea terrorismoagatik fitxatuta zegoen, hainbat komunikabidek esan dutenez.
16:00ak orduko gertatu da erasoa hirigunean, Les Dernières Nouvelles d'Alsace egunkariaren arabera. Oraindik, baina, ez dute hildakoaren izen-abizenik eman.
Kazeta horrek, bestalde, zehaztu duenez, Merkatu plazaren eta Lavoisier kalearen artean gertatu da erasoa, eta tokian bertan hartu dute atxilo ustezko erasotzailea, 1987an Frantziatik kanpo jaiotako gizonezko bat. Frantziatik kanporatzeko agindua ezarri zioten.
Esan bezala, France Info irrati-kateak Fiskaltza aipatuta aurreratu du terrorismoagatik fitxatuta zegoela.
Frantziako Justizia, bere aldetik, eraso terrorista gisa ari da ikertzen hilketa. Terrorismoaren Kontrako Fiskaltzak bere gain hartu du ikerketa, eta aurreratu du erasotzaileak hainbat udaltzaini egin diela eraso, arabieraz "Ala handiena da" oihukatzen zuen bitartean.
Tartean sartu den pertsona bat da hildakoa, eta gutxienez hiru agente daude zaurituta, horietako bat hil edo biziko egoeran.
Macronek terrorismoa desagerrarazteko konpromisoa berretsi du
Frantziako presidente Emmanuel Macronek azpimarratu du beharrezkoa dela terrorismoa lehenbailehen desagerraraztea.
Hildakoaren familiari elkartasuna adierazi ostean nabarmendu du bai Gobernua eta baita bera ere duela zortzi urtetik egiten ari diren lanarekin aurrera jarraituko dutela, "terrorismoa guztiz ezabatu arte".
Estatuburuak gogora ekarri du Terrorismoaren Kontrako Fiskaltzaren esku dagoela ikerketa, baina, erasotzaileak esandakoak kontuan hartuta, "ekintza terrorista islamiarra" dela gaurkoa.
Hilabete honetan Europan labanaz egindako hirugarren erasoa
Hilabete honetan Europan labanaz egindako hirugarren erasoa da gaurkoa; ustez terrorismo islamiarrarekin lotuta daude guztiak.
Atzo bertan, Berlin erdigunean Bilboko bizilagun bat larri zauritu zuen terrorismoagatik fitxatuta zegoen gizon batek.
Otsailaren 15ean, 23 urteko siriar batek (Austrian egoitza-baimena duena) 14 urteko nerabe bat hil zuen eta 5 pertsona zauritu zituen Villach hirigunean, Vienatik 350 kilometrora, "Ala handiena da" oihukatzen zuen bitartean.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.