Larri baina egonkor dago Berlingo Holokaustoaren Memorialean labanaz larri zauritutako turista bilbotarra
30 urteko turista bat larri zauritu zuten atzo Berlinen (Alemania), Holokaustoaren Memorialean labanaz eraso eginda. Bingen Zupiria Eusko Jaurlaritzaren Segurtasun sailburuak jakinarazi duenez, zauritua bilbotarra da, eta zauri larriak izan arren, gaur goizean ebakuntza egin ostean, egonkor dago.
Familiaren bidez jakin omen du Jaurlaritzak zauritua euskal herritarra dela, eta orduan jarri da harremanetan Espainiak Alemanian duen enbaxadarekin eta bertako Poliziarekin.
Zaurituaren familia Berlinera joateko bidaia prestatzen hasia omen da, zaurituak ospitalean egun batzuk igaro beharko baititu.
Poliziak susmagarri bat atxilotu zuen, eta Alemaniako komunikabideek zabaldu dute asiloa eskatuta duen gizonezko siriar bat dela ustezko erasotzailea. Labana bat aurkitu zuten erasoa izan zen lekuan bertan.
Oraindik ez dago argi zein izan den erasoaren motibazioa, ezta erasoa egiteko hautatutako lekuak horrekin lotura duen ere, baina Zupiriak esan du litekeena dela azkenaldian izan diren eraso indiskriminatuetako bat izatea.
Holokaustoaren oroigarria sinbolismo handiko gunea da, Bigarren Mundu Gerran naziek hil zituzten 6 milioi juduak omentzen baitituzte bertan.
Memoriala Berlingo erdigunean dago, Brandenburgoko atetik eta AEBren eta Frantziaren enbaxadetatik gertu.
Erasoa hauteskunde orokorrak egiteko bi egun falta direnean egin dute. Inkesten arabera, litekeena da eskuin-muturreko alderdi bat bigarren bozkatuena izatea 90 urtean lehen aldiz.
Arrazoi erlijiosoek bultzatu zuten erasoa burutzera, Poliziaren esanetan
Alemaniako agintariek baieztatu dute 19 urteko siriar bat dela atxilotua, Alemanian "legalki" bizi dena, eta ustez erasoa "arrazoi erlijiosoengatik" burutu zuela; izan ere, asteak zeramatzan juduak hil nahian.
Poliziak eta Fiskaltzak azaldu dutenez, "atentatuak lotura du Ekialde Hurbileko gatazkarekin", lehen ikerketen arabera.
Akusatuak Poliziari kontatutakoa egiaztatuz gero, erasotzaileak asteak zeramatzan juduak hil nahian.
"Erasoaren tokiaren aukeraketa ere testuinguru horretan egin omen zuen", dio oharrak.
Atxilotu zutenean, "otoi egiteko alfonbra bat, Korana, erasoan erabilitako arma eta paper zati bat zeramatzan motxilan. Paper zati horrek otsailaren 21eko data eta Koranaren bertsoak zituen", erantsi dute Poliziak eta Fiskaltzak aipatu oharrean.
"Orain arte erasotzailea ez dute gertatutakoarekin zerikusia izan dezakeen beste edozein pertsona edo talderekin lotu", horien esanetan.
Alemaniako agintariekin lanean ari direla esan du Marlaskak
Espainiako Barne ministro Fernando Grande-Marlaskak esan du "etengabeko lankidetzan" ari direla Alemaniako agintariekin, Berlinen zauritutako bilbotarraren familiari babesa emateko. Halaber, "lehenbailehen sendatzea" opatu dio zaurituari.
Zure interesekoa izan daiteke
Istiluak izan dira Belfasten, bigarren gauez jarraian
Poliziak ur kanoiak erabili ditu manifestariak sakabanatzeko, Belfasten eta Glengormleyn, horiek agenteei harriak eta botilak jaurti ostean. Derry, Newtownabbey eta Stormont hirietan ere protestak eta istiluak izan dira.
Futbola eta geopolitika: Mussoliniren Munduko Kopa, Maradonaren mendekua eta Frantzia multikulturalaren arrakalak
Futbola, eta bereziki Munduko Txapelketak, historikoki helburu politikoekin erabili izan dira, kirolaren esparrutik harago doazen xedeetarako. Historian zehar horren adibide ugari izan dira.
Ekialde Hurbila Estatu Batuen "infernu" bihurtzeko mehatxua egin du Iranek
Irango Armadak Ormuzko itsasartea "erabat" itxi duela iragarri du, baina AEBk ukatu egin du itxiera hori. Gainera, Irango Guardia Iraultzaileak eraso egin die AEBko base militarrak dituzten Ekialde Hurbileko zenbait herrialderi, tartean, Bahrein, Kuwait eta Jordaniari.
Istilu larriak Belfasten, Sudango gizon batek beste bat labanaz zauritu ondoren
Naomi Long Ipar Irlandako Justizia ministroak indarkeria giroa hauspotzea leporatu dio eskuin muturrari. Pasa den astelehenean Sudango 30 urteko migratzaile batek gizon bat labanaz larri zauritu ondoren istiluak lehertu dira Belfasten. Ipar Irlandako alderdi nagusietako agintariek lasaitasunerako deia egin dute.
Trumpek ere jokatuko du Munduko Kopa, "America is Back" kontakizuna zabaltzeko
AEBko presidenteak Munduko Txapelketarik "handiena, seguruena eta zoragarriena" agindu du, eta hitzordua probestuko du bere burua proiektatzeko, kontraesanak agerian gera daitezkeen arren.
AEBk Irani eraso dio, persiar herrialdeak atzo Washingtonen helikoptero baten kontra egindakoari erantzunez
Ameriketako Estatu Batuek aireko defentsa sistemak, lurreko kontrol estazioak eta Irango radarrak jo dituzte, Ormuzko itsasartetik gertu.
Sanchezek ia 40.000 botoko aldea atera dio Fujimoriri, Perun botoen % 96,6 zenbatu dituztela
Peruko Hauteskundeen Epaimahai Nazionalak (JNE) adierazi duenez, herrialdeko presidentea aukeratzeko hauteskundeen bigarren itzuliko emaitza ofizialak 30 eguneko epean jakinaraziko dituzte.
Trumpek esan du Ormuzkoa istripua barik "eraistea" izan dela, eta agindu du Iranen "erasoari" erantzun egingo diola
Bi pilotuak onik erreskatatu dituzte. Ameriketako Estatu Batuetako presidenteak, ordea, ez du gertatutakoaren zergatiei buruzko xehetasunik eman.
Txistukada ozena jaso du Donald Trumpek New Yorken NBAko finalean
Bart, Madison Square Garden estadioan, New York Knicks eta San Antonio Spursen arteko NBAko finaletako hirugarren partidan, txistukada gorgarria jaso du Donald Trump AEBko presidenteak pantailetan agertu denean. Karguan den presidente bat final horietara joaten den lehen aldia izan da.
Lyhanna neskatoaren bortxaketa eta hilketak haserrea piztu du Frantzian
Justiziak "akatsak" egin dituela onartu du Frantziako Gobernuak. Izan ere, hilketaren susmagarri nagusiak 5 salaketa zituen gutxienez, adin txikikoak bortxatu eta sexu-erasoak egiteagatik. Salaketa horietako batzuk artxibatu egin ziren eta inoiz ez zen neurririk hartu.