PROFILA | Friedrich Merz, CDU alderdiaren alde kontserbadoreenaren ordezkari eta Angela Merkelen "etsai"
Friedrich Merz Batasun Kristau-Demokrataren (CDU) buruzagia izango da Alemaniako kantziler berria, bere alderdiak eta Bavariako Batasun Sozial-Kristauak (CSU) osatutako bloke kontserbadoreak hauteskunde orokorretan lortutako garaipenaren ostean.
Oso gaztetan hasitako ibilbide politiko oparoaren ondoren iritsiko da Merz Alemaniako Gobernura, 12 urtez politikatik kanpo egon eta gero.
Alderdiaren alderik kontserbadoreena ordezkatzen du Merzek eta duela gutxi asko kritikatu zuten AfDren babesarekin legez kanpoko immigrazioari mugak ixteko mozio ez-lotesle bat onartzeko prest egon zelako. Bere alderdikide izandako Angela Merkel kantziler ohiak ere gogor hitz egin zuen erabakiaren kontra.
Aipagarria da harreman zaila izan dutela betidanik Merzek eta Merkelek. Friedrich Merz, Merkel ez bezala, ez da adostasunak bilatzearen zale eta orain arte bere jarrera zorrotzengatik nabarmendu izan da, batez ere.
Politika ekonomikoan beti izan da desregulazioen eta pribatizazioen, zerga-sistemaren erabateko sinplifikazioaren eta gizarte-prestazioen murrizketen defendatzailea.
Defentsan, irmoki defendatu du Ukrainari laguntza ematea. Gaur egungo Gobernuak baino haratago joango nahi izan du eta behin baino gehiogotan esan izan du Vladimir Putin Errusiako presidenteari ultimatuma eman behar zaiola eta Ukrainara irismen luzeko misilak bidali behar direla.
Merkelekin edukitako gorabeherak
Merz Brilonen (Alemaniako mendebaldean) jaio zen 1955ean, familia kontserbadore batean.
1972an Gazteria Kristaudemokratetan (JU) sartu zen, eta 1976 eta 1982 artean Zuzenbidea ikasi zuen CDUtik gertukoa den Konrad Adenauer Fundazioko bekadun gisa.
1989 eta 1994 artean eurodiputatua izan zen eta gero Parlamentu federalera pasa zen. Bertan aritu zen lanean 1994tik 2009ra, etenik gabe, garai hartan kantziler eta CDUren presidente zen Angela Merkelekin zituen desadostasunak zirela medio, politika aldi batera utzi zuenera arte.
2002an igaro ziren alderdiko lehen lerrora Merkel eta Merz, legez kanpoko dohaintzen eskandalu batek eragindako krisi sakon baten ondorioz. Eskandaloaren ondorioz, Helmut Kohl kantziler ohiari ohorezko presidente titulua kendu zioten, eta Wolfgang Schäublek alderdiko eta legebiltzarreko talderen buru gisa dimisioa eman behar izan zuen.
Merzek Schäuble ordezkatu zuen talde parlamentarioaren buru gisa, eta Merkel jarri zuten alderdiaren buru.
Urte hartan bertan izan zuten lehen talka. CDU Batasun Sozialkristauarekin (CSU) batera aurkeztu zen hauteskundeetara. Galdu egin zuten —Gerhard Schröderrek irabazi zuen— eta hauteskundeak galdu ondoren, Merkelek talde parlamentarioaren buruzagitza beretzat eskatu zuen eta Merz bigarren maila batean utzi zuen.
Are gehiago urrundu egin ziren Merkel 2005ean Kantzelaritzara iritsi zenean, orduan Alderdi Sozialdemokratarekin (SPD) koalizio handi bat egin baitzuen.
SPDrekin egindako koalizio horrek ez zuen ematen esperimentu neoliberalak egiteko tarte handirik, Merzek horiek zituen gustuko, eta sozialdemokratei egindako kontzesioak gehiegizkoak iruditzen hasi zitzaizkion.
2007an Merzek iragarri zuen ez zela 2009ko hauteskundeetara aurkeztuko eta Joachim Merz bere aitak CDUn baja eman zuen, 51 urteko militantziaren ondoren.
Sektore pribatuan
2009 eta 2021 artean, abokatu gisa aritu zen lanean Friedrich Merz, baita hainbat enpresatako gainbegiratze eta administrazio kontseiluetan ere. Horietatik garrantzitsuena, 2016 eta 2020 artean, Alemaniako BlackRock inbertsio funts estatubatuarrean, gainbegiratze kontseiluko presidente gisa.
2018an Bild egunkariari emandako elkarrizketa batean, urtean milioi bat euro irabazten zituela esan zuen, eta, horrekin, "klase ertain-altutzat" jotzen zuela bere burua. Pilotu afizionatua da, eta hegazkin pribatu bat ere badu.
Une horretarako, politikara itzultzea planteatzen hasia zen, Merkel krisialdian zelarik (2017-2021). Hark agur esan ondoren, CDUra itzuli zen Merz 2021ean. Armin Laschet zen orduan CDUren buru eta hauteskundeak galdu zituzten SPDren aurrean. Orduan, Merzek alderdiaren eta talde parlamentarioaren buruzagitza hartu zuen.
Zure interesekoa izan daiteke
Trumpek % 25eko muga-zergak ezarri dizkio Iranekin negozioak dituen edozein herrialderi
Donald Trump AEBko presidenteak nazioarteko goi-tentsioko neurri ekonomikoa iragarri du: Irango Errepublika Islamikoarekin harreman komertzialak dituzten herrialde guztiei % 25eko zerga ezarriko dizkie. Bitartean, gero eta protesta eta errepresio gehiago dago Iranen.
Donald Trumpek Maria Corina Machado hartuko du ostegunean Etxe Zurian
AEBko presidenteak baztertu egin zuen Venezuelako oposizioko burua eta Bakearen Nobel sariaren irabazlea bere herrialdeko presidente izateko, Nicolas Maduro atxilotu eta kartzelatu ostean.
Gazako agintea erakunde palestinar teknokratiko baten esku uzteko trantsiziorako argibideak eman ditu Hamasek
Donald Trumpek datozen egunetan Gazarako bake-batzordea osatuko dute kideak izendatuko dituela iragarri ostean egin dute iragarpena. Batzorde hori AEBko proposamenaren bigarren fasean aipatzen da.
Euroganberako instalazioetara sartzea debekatu diete Irango ordezkariei eta diplomatikoei
Errepresio bortitza izan da azken bi asteetan Iranen, protestan ari diren pertsonen kontra, eta Iran Human Rights (IHRNGO) gobernuz kanpoko erakundearen arabera, gutxienez 648 dira hildakoak.
Milaka pertsona atera dira kalera Iranen, Gobernuari babesa adieraztera
Milaka pertsona mobilizatu dira astelehen honetan Irango hiriburuan, Teheranen, eta herrialdeko beste hainbat tokitan, hango Gobernuari babesa adierazteko, azken egunotan izaten ari diren protesten aurrean.
Abbas Araghchi Irango ministroaren esanetan, Iranek "ez du gerrarik nahi, baina erabat prest dago", eta AEBrekin "bidezko" negoziazioak egitearen alde dago
Esmaeil Baqaei Atzerri Ministerioaren bozeramaileak astelehen honetan bertan adierazi duenez, AEBrekin komunikatzeko kanala "irekita dago". "Beharrezkoa denean, mezuak trukatzen dira", azpimarratu du, eta gaineratu duenez, Iran "diplomazia eta negoziazio printzipioari" eusten ari zaio.
Venezuelak iragarri du 116 preso politiko gehiago askatu dituela
Hala ziurtatu du Venezuelako Gobernuak. Italiako Gobernuak ordu batzuk lehenago adierazi du askatuko diztuzten bi pertsona italiarrak direla.
Groenlandia "modu batera edo bestera" eskuratuko duela esan du Trumpek
AEBko presidenteak ukatu egin du Danimarkako Gobernuari benetako eskaintzarik egin izana. Gainera, "Errusiak eta Txinak kontrola hartzea nahi ez duen" arren, Groenlandia ez babestea leporatu dio Danimakari. "Funtsean, txakurrek eragindako bi lerarekin defendatzen ari dira uhartea", salatu du Trumpek.
Trumpek esan du AEBko Armada Iranen esku hartzea "oso serio" aztertzen ari dela
AEBko presidentearen esanetan, Teheranek "marra gorria" zeharkatu du, protestetan ehunka pertsona hil ditu eta. Hortaz, ez du baztertu berehalako erabaki bat hartzea; bitartean, Iran harekin negoziatzeko harremanetan jarri da. Irango Gobernuaren arabera, AEBko armadari esku hartzeko "aitzakia" emateko oldartu dira manifestariak.
Irango protesten aldeko mobilizazioak, Europan zehar
Milaka pertsona atera dira kalera Parisen, baita Lisboan eta Londresen ere. Erresuma Batuko hiriburuan Irango enbaxadaren aurrean bildu dira eta bandera kendu dute. Bestalde, Frantziak, Alemaniak eta Erresuma Batuak Irango protestetan izandako heriotzak gaitzetsi dituzte.