Zelenskik preso guztiak askatzea eta su-etena proposatu du, Trumpek laguntza guztia geldiarazi ostean
Volodimir Zelenski Ukrainako presidenteak bi aldeetako preso guztiak askatzea proposatu du gaur, baita energia azpiegituren aurkako erasoei amaiera emango dien itsasoko eta aireko su-eten bat ere, Errusiarekin gerrarako irtenbidea negoziatzea lortzeko lehen urrats gisa.
"Prest gaude gerra amaitu dadin azkar lan egiteko, eta lehen faseak presoak askatzea eta airean eta itsasoan su-etena berehala ezartzea izan daitezke lehen urratsak, Errusiak gauza bera egiten badu", idatzi du Zelenskik, X sare sozialean argitaratutako mezu batean. Era berean, Donald Trump AEBko presidenteari bi estatuen arteko lankidetza berrezartzea eskatu dio.
AEBko agintariak Ukrainari ematen zaion laguntza militar guztia geldiaraztea agindu du gaur, baita aurretik hitzartutakoa eta bidean dagoena ere.
Gainera, bakea lortzeko AEBko presidentearen "lidergo sendoaren" esanetara jarri dela adierazi du Zelenskik, eta erantsi du Washingtoni lur arraroen akordioa "komeni zaion formatuan" sinatzeko prest dagoela.
"Nire gobernua eta biok Trump presidentearen gidaritzapean lan egiteko prest gaude, bake iraunkorra lortzeko", azpimarratu du Zelenskik sare sozialetan.
"Gutako inork ez du nahi gerra amaigaberik. Ukraina prest dago negoziazio mahaian lehenbailehen esertzeko, bake iraunkorra lortzeko. Inork ez du bakea nahi ukrainarrek baino gehiago", nabarmendu du Ukrainako presidenteak.
"Asko baloratzen dugu AEBk Ukrainari bere subiranotasuna eta independentzia mantentzen laguntzeko egin duena", esan du Zelenskik, eta eskerrak eman dizkio Trumpi bere Administrazioaren ahaleginengatik; hori da, hain zuzen ere, Trumpek berak eta JD Vance presidenteordeak ostiralean Bulego Obalean aurpegiratu zioten gauzetako bat.
Zelenskik deitoratu du joan den astean Trumpekin izandako bilera ez zela "espero bezala atera", baina "gauzak bideoneratzeko garaia" dela gaineratu du.
"Etorkizuneko lankidetza eta komunikazioa eraikitzaileak izatea gustatuko litzaiguke", adierazi du. Ildo horretan, Ukraina lur arraroei buruzko akordioa "edozein unetan eta formatutan" sinatzeko prest dagoela ziurtatu du, "segurtasun handiagoa lortzeko urratsa baita".
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.