Etxe Zuriak eta Hamasek elkarrizketak izan dituztela baieztatu dute
Hamas Palestinako erresistentzia erakundearekin "elkarrizketak eta eztabaidak" dituztela baieztatu du gaur Etxe Zuriak. Era berean, Hamasek baieztatu du azken egunotan Adam Boehler Etxe Zuriaren ordezkari bereziarekin zuzeneko elkarrizketak izan dituela Gazako su-etenaren akordioaren gainean, Bassem Naim erakunde palestinarreko goi-kargudunak EFEri azaldu dionez.
Ameriketako Estatu Batuek ez dute inoiz Hamasekin zuzenean hitz egin, Washingtonek "erakunde terroristatzat" jotzen baitu 1997tik.
Karoline Leavitt Etxe Zuriaren bozeramaileak prentsaurrekoan azaldu duenez, elkarrizketa horien berri eman diote Israeli.
Hala ere, Leavittek ez du negoziazioen edukian sartu nahi izan, gaiaren konplexutasuna dela eta, baina berretsi du "elkarrizketak eta eztabaidak" badaudela.
Bozeramaileak Hamasekin hitz egiteko ikuspegi hori defendatu du, gatazkaren amaiera lortzeko bide posible gisa. Izan ere, gutxienez 48.000 palestinar hil dituzte Gazako sarraskian. Zerrendan 59 gatibu israeldar daude oraindik, eta uste dute horietatik 30 baino gehiago hilda daudela.
"AEBko herriarentzat onena dena egiteko, elkarrizketa eta mundu osoko pertsonekin hitz egitearen alde egiten du presidenteak. Fede oneko ahalegina da herri estatubatuarraren alde zuzen jokatzeko", azpimarratu du bozeramaileak.
Axiosek gaur jakitera eman duenez, elkarrizketen berri duten bi iturri aipatuta, Boehlerren eta Hamasen ordezkarien arteko batzarrak Dohan egin dituzte azken asteetan.
Elkarrizketak gatibu estatubatuarren askatzean oinarritu dira, Boehlerren eskumena baita eta Washingtonek gai horietarako bidali baitu; baina Gazan dauden gatibu guztiak askatzeko balizko akordio zabalago bati eta gatazkari amaiera emateko itun bati ere heldu diote, Axiosek aipatutako iturrien arabera.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.