Irango Guardia Iraultzaileak ohartarazi du Iranen aurkako erasoei erantzungo diela, Trumpek abisua eman ostean
Irango Guardia Iraultzaileak igande honetan ohartarazi duenez, "modu suntsitzailean" erantzungo dio herrialdearen aurkako edozein erasori, Donald Trump AEBko presidenteak Yemengo huthien aurkako erasoa agindu eta Teherani talde xiita horri babesa emateari uzteko eskatu ostean.
"Arerio guztiei ohartarazten diet Iranen aurkako edozein mehatxuk erantzun gogor, erabakigarri eta suntsitzailea eragingo duela", esan du Hossein Salami Irango Guardia Iraultzaileko komandante buruak Urmia hirian, Mehr agentziak jakitera eman duenez.
Trumpek atzo iragarri bezala, AEBk Yemengo huthiei eraso zien, Itsaso Gorrian eta Arabian nabigazioaren aurka egindako erasoei erantzunez. Gutxienez 31 lagun hil eta ehundik gora zauritu dira eraso horietan.
Hezbollahk elkartasuna adierazi die huthiei
Hezbollah talde libanoar xiitak "elkartasun osoa" adierazi die igande honetan matxino huthiei, AEBk Yemengo hainbat hiritan aire-erasoak egin ostean. Israelen aurkako "erresistentziaren ardatza" osatzen dute bi taldeek.
"Gure elkartasun osoa adierazten diogu Yemen maite eta ausartari (...), eta munduko herri aske guztiei eta gure eskualdeko eta munduko erresistentzia-indar guztiei dei egiten diegu elkartzera, gure nazioaren herrien aurka abian den proiektu sionista estatubatuarrari aurre egiteko", esan du Hezbollahk ohar batean.
Horren esanetan, "Yemengo herri hauskaitzak, kausa palestinarraren eta Gaza setiatuaren alde epopeia heroikoak idatzi dituenak, ez du amore emango eraso koldar honen aurrean".
Milizia palestinarrek AEBren erasoa gaitzetsi dute
Gazako milizia palestinarrek, Hamas tartean, gaitzetsi egin dute AEBko Armadak larunbat honetan Yemengo hiriburuan, Sanan, huthi matxinoen aurka hasi duen eskala handiko erasoaldi berria.
"Gertatzen ari dena Ameriketako Estatu Batuek eta Erresuma Batuak Sanako etxebizitza-auzoen aurka egindako aireko eraso kriminala da", salatu du Hamasek, bonbardaketak "nazioarteko zuzenbidearen urraketa nabarmena" direla iritzita.
Sana agentzia palestinarraren arabera, Jihad Islamiarrak ere erasoak gaitzetsi ditu, eta "Yemenen jarrera ohoragarriarekin harro" agertu da, "Gazari, Palestinako herriari eta bere erresistentziari laguntzeko jarrera arabiar eta islamiarra erakusten duelako".
Herri Erresistentziaren Batzordeek gaineratu dutenez, "AEBren erasoa palestinar herriaren alde Yemengo herriak eta agintariek erakutsitako jarrera ausart eta jakintsuei erantzunez dator".
"Eraso honek ez du lortuko Yemengo herriaren borondatea haustea", erantsi dute.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.