Hamdan Ballal zuzendaria askatu dute: Israelgo base batean igaro du gaua, eskuburdinak jarrita eta zaurituta
Israelgo agintariek Hamdan Ballal No Other Land dokumentalaren zuzendarikidea askatu dute gaur, Susyan, Zisjordania hegoaldeko herri okupatuan, kolonoek jipoitu eta Israelek atxilotu ostean.
"Gau osoan eskuburdinak jarrita eduki eta base militar batean kolpatu ondoren, Hamdan Ballal libre da eta bere familiarekin etxera itzultzear da", iragarri du Yuval Abraham filmaren zuzendarikide israeldarrak, X sare sozialean, 14:30ean.
Basal Adrak, dokumentalaren beste zuzendarikideak, ordu batzuk geroago Instagramen jakinarazi duenez, Hamdan Hebrongo (Zisjordania) ospitale batean dago une honetan, eta osasun-azterketa ari zaizkio egiten.
"Soldaduek eta kolonoek gorputz osoan kolpatu dute", salatu du Adrak. Ballalek Israelgo Kiryat Arba kolonoguneko polizia-etxe batean igaro du gaua, Hebronetik gertu, atxilotuaren senideek EFEri baieztatu diotenez.
Atzo gauean, Abrahamek eman zuen lagunaren atxiloketaren berri, esanez kolono talde batek jo egin zuela, eta buruan eta urdailean zauriak eragin zizkiotela.
Kolonoen erasoek izugarri egin dute gora Zisjordanian
2023ko urritik, kolonoek Zisjordania okupatuan palestinarren aurka egindako erasoak ikaragarri areagotu egin dira, baita Masafer Yattan ere, No Other Landen protagonista den eta Susya ere hartzen duen herrixka palestinarren multzoan.
No Other Land lanak bost urteko grabazioak biltzen ditu (2019-2023) Basel Adra kazetari palestinarraren etxean, At-Tuwani herrixkan, Masafer Yattan, Zisjordania okupatuan. Grabazio horietan, Israelgo Armadak etxebizitzak, eskolak, ur-putzuak eta errepideak eraitsi zituela erakusten da, eta gaur egun oraindik ere erasoek jarraitzen dute.
Nazioarteko Justizia Auzitegiak joan den udan ebatzi zuen Israelek Zisjordania okupatzea legez kanpokoa dela, eta Israeli eskatu zion kolonoak (700.000tik gora) kanporatu zitzan, kolonoguneak desegin eta lurralde palestinar hori inguratzen duen harresia ken zezan.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.