Milaka palestinar behartu ditu Israelek Rafahetik beste behin ihes egitera
40.000 gazatar inguruk, horietako askok autoak, bizikletak eta atoiak goraino kargatuta zituztela, Rafahetik alde egin dute gaur, Gazako zerrendaren hegoaldeko muturrean, bertako Alkatetzak baieztatu duenez, Israelgo Armadak lekualdatzeko agindu berriak bidali ostean, hiria eta inguruko eremuak bonbardatu aurretik.
"Jada ez zaigu ezer geratzen, ez kontsumitzeko, ez dirurik. Ezin ditugu lehen mailako beharrak asebete", azaldu du Sabri Abu Lainin gazatarrak, 2023ko urriaren 7tik hamar aldiz desplazatu beha izan denak.
Lainin, Rafaheko Alkatetzaren datuen arabera, su-etena hastearekin batera hegoaldeko hirira itzultzeko aukera ikusi zuen 50.000 pertsonetako bat da, Israelgo bonbek suntsitutako bere etxea berreraikitzeko asmoz.
"Hilabete daramagu Rafahen. Ez genuen urik, baina gure etxeetara itzuli behar genuen hutsik gera ez zitezen", dio etsita Mohamed el Imanek, Rafaheko beste gazatar batek.
Bien asmoak, hala ere, zapuztu egin dira berriro Israelek Palestinako lurraldearen aurka martxoaren 18an berriz abiatutako bonbardaketekin, baita azken asteetan Egiptorekin muga egiten duen eremu horren aurka egindako lurreko eraso berriekin ere.
NBEk joan den astean emandako datuen arabera, Zerrendaren % 20 inguru Israelen "ebakuazio" agindupean dago, Netzarim korridorea kontuan hartu gabe.
Gainera, "ebakuazio" agindu berri hauek gazatarrentzat bereziki garrantzitsua den une batean heldu dira, Aid al Fitr, Ramadanaren hilabete sakratuaren amaiera markatzen duen hiru eguneko jai musulmanaren bigarren eguna baita.
Hamas erresistentzia erakunde palestinarrak Israelgo Armadak Rafaheko herritarrak eta inguruko eremuak husteko emandako aginduak gaitzetsi ditu gaur, "gerrako krimenak" direla iritzita.
"Nazioarteko zuzenbidearen eta nazioarteko zuzenbide humanitarioaren urraketa nabarmena da, bortxazko lekualdatzea eta garbiketa etnikoa", salatu du Hamasek ohar batean.
Igande honetan, Palestinako Ilargi Gorriaren Larrialdi Zerbitzuak (PRCS, ingelesez) jakinarazi zuenez, 15 gorpu aurkitu dituzte, tartean zortzi paramediko eta NBEko langile bat, Tal al Sultan auzoan, non 15 osasun-langilek osatutako taldea igandean bertan desagertu zen, Israelgo indarrek eraso egin ostean.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.