MMEk ohartarazi du Txinaren eta AEBren arteko merkataritza % 80 jaitsi daitekeela; eta munduko BPGa, % 7
Ngozi Okonjo-Iweala Munduko Merkataritza Erakundearen zuzendari nagusiak gaur ohartarazi duenez, Ameriketako Estatu Batuen (AEB) eta Txinaren arteko tentsio komertziala areagotzeak bi potentzien arteko merkataritza % 80 murriztu dezake, eta munduko BPGa % 7 jaitsi.
Donald Trump AEBko presidenteak Txinari ezarritako muga-zergak % 104tik % 125era "berehala" igotzea erabaki du gaur. Halaber, 90 eguneko etenaldia iragarri du muga-zergetan, haien aurka erantzun edo errepresalia komertzialik hartu ez duten estatuei.
Bestalde, Txinak Ameriketako Estatu Batuei, MMEn egindako bilera batean, nazioarteko arau komertzialak urratzea eta merkataritza sistema multilaterala ahultzea leporatu die gaur.
Txinako ordezkaritzaren arabera, ez dago "elkarrekikotasunik" Trumpek iragarritako muga-zergen igoera orokorrean, baizik eta Estatu Batuen interesen lehentasuna, beste estatu batzuen eskubide legitimoen kaltetan.
Gogorarazi du Estatu Batuak direla merkataritza sistema multilateralaren onuradun nagusietako bat, eta defizit edo superabit komertzialak soilik kontuan hartuta zenbatzea ikuspegi engainagarria dela.
Txina eta AEB, munduko merkataritzaren % 3
Okonjo-Iwealak gogorarazi du AEBk eta Txinak munduko merkataritzaren % 3 ordezkatzen dutela elkarrekin, eta bien arteko konfrontazioak "ondorio zabalagoak" dituela, "aurreikuspen ekonomiko globalak kaltetu ditzaketelako".
MMEren zuzendari nagusiak azaldu duenez, ondorio makroekonomiko negatiboak ez dira AEBra eta Txinara mugatuko, baizik eta beste ekonomia batzuetara, batez ere gutxien garatutako estatuetara.
MMEren ustez, munduko merkataritza "ildo geopolitikoetan" zatikatzeko arriskua dago, hau da, ekonomia globala gutxienez bi bloketan banatzeko arriskua. Horren ondorioz, munduko BPG erreala ia % 7 murriztu daiteke epe luzera, erantsi duenez.
"Merkataritza desbideratzea mehatxua da, eta erantzun global koordinatua behar du. Erronka horri lankidetzaren eta elkarrizketaren bidez konpontzea eskatzen diegu MMEko kide guztiei", esan du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".