Tsunami arriskua bertan behera geratu da Txile hegoaldean eta Argentinan, 7,4 graduko lurrikara baten ostean
Gabriel Boric Txileko presidenteak Magallanes kostaldeko eskualdea ebakuatzeko agindua eman du gaur, hegoaldean (Txileko Patagonia), Richter eskalan 7,4 graduko lurrikara bat izan ostean tsunami arriskua dagoelako. Lurrikarak Argentinako hegoaldea ere gogor astindu du, eta agintariek Tierra del Fuego probintziako kostaldean badaezpada ebakuazioa aurrera eramateko agindua dute, tsunami alerta dela eta. Hala ere, ordu batzuk geroago neurriak bertan behera geratu dira, tsunami arriskua desagertu delako
Boricek bere agenda bertan behera utzi du eta La Moneda jauregian duen bulegora joan da, Puerto Williamsen jazotako 7,5 graduko lurrikararen ondorioz sortutako larrialdia jarraitzeko asmoz.
Mugimendu telurikoaren ondoren, kostaldeko eremu guztiak ebakuatzen hasi dira, Punta Arenas hiria, agintariaren jaiolekua eta Magallanes itsasarteko handiena barne.
Sismologia Zentro Nazionalak (CSN) argitaratutako aurretiazko informazioaren arabera, 08:58an (12:58 GMT) gertatu da lurrikara, eta epizentroa Puerto Williamsetik 218,1 kilometro hegoaldera izan du, 10 kilometroko sakoneran.
Argentinako Tierra del Fuego probintziako Babes Zibilak ere ohar bat igorri du, kontinentearen hegoaldeko eskualdean tsunami-alertaren aurrean prebentzio-neurriak hartzea, besteak beste, Beagle kanalean uretako eta nabigazioko jarduera guztiak geldiaraztea.
Puerto Almanzako (Ushuaiatik 75 kilometro ekialdera dagoen kostaldeko herria) biztanleei ere eskatu diete toki hori husteko, badaezpada, eta eremu garaietara eta seguruetara joateko.
6,1 graduko erreplika
Gainera, Ritcher eskalan 6,1 graduko erreplika batek Magallanes itsasartea astindu du gaur goizean, Puerto Williamsen 7,5 graduko lurrikara izan eta minutu batzuetara.
Txileko Sismologia Zentro Nazionalaren arabera, bigarren mugimendu telurikoa 09:07an izan da, Puerto Williamsetik 225 kilometro hegoaldera, Hornos lurmuturraren inguruan, 10 kilometroko sakoneran.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.