Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Israelek Gazako Zerrendan ezarritako laguntza banatzeko sistema "jendea hiltzen ari da", Antonio Guterresen hitzetan, eta "ez da beharrezkoa gurpila berrasmatzea metodo arriskutsuekin", nahikoa baita berriro Nazio Batuen agentziei eta beste erakunde batzuei lan hori egiteko ardura berreskuratzen uztea.
"Etsita dauden zibilak militarizatutako eremuetara bideratzen dituen edozein operazio da arriskutsua", deitoratu du Guterresek, NBEren New Yorkeko egoitzan egindako agerraldi batean, eta azpimarratu du NBEk badituela baliabideak eta esperientzia "gizatasunez, inpartzialtasunez, neutraltasunez eta independentziaz" jokatzeko eta laguntza banatzeko "arazoa" konpontzeko.
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
NBEko arduradun nagusiak zuzenean seinalatu du Israel, Nazioarteko Zuzenbideak behartu egiten duelako "potentzia okupatzaile gisa" okupatzen duen lurraldean (Gazan, kasu) laguntza humanitarioa ematera.
Aste honetan Israelek eta Iranek su-etena adostu ostean, Guterres "itxaropentsu" dago Zerrendan ere lor daitekeela iritzita: "Orain, Gazako su-etena gauzatzeko ausardiaren unea da".
Ildo horretan, eta Palestinaren zati horretan "neurrigabeko krisi humanitarioa" dagoela ikusita, aldeek "berehalako" su-etenerako zubiak eraikitzea espero du. Era berean, Hamasi eskatu dio bere esku jarraitzen duten bahituak baldintzarik gabe askatzeko.
Aurrera begira, gatazkaren sakoneko konponbidea "politikoa" izango dela azpimarratu du Guterresek, eta bi estaturen konponbidetik etorri beharko dela nabarmendu. Hala ere, oraingoz Benjamin Netanyahuren gobernuak ez du konponbide hori aukeratzat hartu ere egiten, horrek Palestina estatu gisa onartzera behartuko lukeelako.
Nazioarteari buruzko albiste gehiago
Trumpek pozik hartu du Israelen eta Hamasen arteko balizko akordioa, eta nazioarteko lankidetza eskertu du
Minutu eta hamar segundoko bideo bat argitaratu du Etxe Zuriko kontuetan AEBko presidenteak, eta bertan adierazi du "tratu justua" jasoko dutela guztiek.
Trumpen planaren lehen fasea "berehala" ezartzeko prestatzen ari da Israel
"AEBko presidentearekin eta bere taldearekin elkarlanean jarraituko dugu gerrari amaiera emateko, Israelek mahai gainean jarritako printzipioei jarraikiz, Trumpen ikuspegiarekin bat baitatoz gerra amaitzeko", adierazi du Benjamin Netanyahu Israelgo lehen ministroaren prentsa bulegoak ohar labur batean.
Hamasek bahitu guztiak askatzea onartu du, baina Trumpen bake planaren baldintzak negoziatzea eskatu du
AEBetako presidenteak proposatutako plana hainbat egunez aztertu ondoren, talde palestinarrak adierazi du proposamenaren puntu batzuk onartzen dituela, baina negoziatzen jarraitu nahi duela.
Trumpek igandera arte eman dio Hamasi Gazarako plana onartzeko, edo "inoiz ikusi ez den infernua piztuko da"
Planak gerra berehala amaitzea, bahituak askatzea eta Gazarako trantsizio gobernu bat eratzea proposatzen du, agintari estatubatuarrak eta Tony Blair Britainia Handiko lehen ministro ohiak gainbegiratuta.
Poliziak baieztatu du Manchesterko sinagogako biktimetako bat agenteen tiroen ondorioz hil zela
Poliziaburuaren arabera, Jihad Al-Shamie susmagarriak ez zeraman suzko armarik, eta tiro bakarrak poliziek egin zituzten, baimendutako armekin, erasotzailea sinagogan sartzea eragozten saiatu zirenean. Hori dela eta, biktimaren bala-zauriak agenteek egin behar izan zituzten, nahi gabe bada ere.
Israelek Gazara zihoan Sumud ontzidiaren azken ontzia atzeman du
Itsasontzi militar bat hurbiltzen eta soldadu israeldarrak ontzira igotzen ikusi dituzte, zuzenean, ontziko kameren bidez. Gazako kostaldetik 42,5 itsas miliara zegoen Marinette itsasontzia abordatu dutenean.
Sumud Flotillak salatu du Israelen atxilotutako kideek ez dutela laguntza legalik jaso
473 atxilotu Israel hegoaldeko espetxe batera eraman dituzte. Bertako iturriek adierazi dutenez, atxilotu gehienek berehala deportatuak izatea onartu dute. Bestetik, flotillako kide ziren parlamentari eta eurodiputatu italiarrak arratsaldean iritsi dira Erromara eta gainerako atxilotuak askatzeko eskatu dute.
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.