Trumpek Musk deserriratzeko mehatxua egin du, nahiz eta Hegoafrikako handi-mandiak AEBko nazionalitatea izan
AEBko presidenteak "aztertuko" duela esan du, hura deportatzearen inguruan galdetu diotenean, kazetariekin izandako bilera labur batean. Ordu batzuk lehentxeago, Trumpek sare sozialetan adierazi du dirulaguntzarik gabe "Elonek denda itxi eta Hegoafrikara itzuli beharko luke".
Donald Trump, AEBko presidentea, hedabideen aurrean, gaur. Argazkia: EFE
Donald Trump AEBko presidenteak adierazi duenez, Elon Musk bere lagun ohia "haserre" dago auto elektrikoak erosteko dirulaguntzak kendu baititu, eta ohartarazi dio "askoz gehiago" gal dezakeela egungo Administrazioaren agintaldian. Hegoafrikako handi-mandia AEBtik kanporatzeko aukera mahai gainean jarri du Trumpek.
"Aztertuko dut", ziurtatu du Trumpek, kazetariek deportazioaren inguruan zuzenean galdetu diotenean. Ordu batzuk lehentxeago adierazi du "Elonek denda itxi eta Hegoafrikara itzuli" beharko lukeela, nahiz eta Muskek ere AEBko nazionalitatea izan.
Ildo horretan, presidenteak berretsi du bere aliatu politiko ohiaren enpresek dirulaguntza "ugari" jaso dituztela.
Trumpek azaldu duenez, "inork ez du auto elektrikorik nahi". "Nik ez dut auto elektrikorik nahi", erantsi du agintariak, nahiz eta martxoan Tesla bat erosi zuen, kameren aurrean, konpainiaren irudia garbitzeko asmoz.
Donald Trump
Inork ez du auto elektrikorik nahi
AEBko presidenteak ostirala baino lehen onartu nahi duen aurrekontu proiektuan jarri du arreta bere aliatu ohiaren aurka egindako erasoan; izan ere, Musken arabera, proiektu horrek Ameriketako Estatu Batuen zorra handituko luke.
Bere mezuan, Trumpek Muski ohartarazi dio dirulaguntzak amaituko balira, "koheteen eta sateliteen jaurtiketak, baita auto elektrikoen ekoizpena ere" bukatuko liratekeela, eta "gure herrialdeak dirutza" aurreztuko lukeela.
"Elon Muskek presidente gisa lagundu baino askoz lehenago bazekien ibilgailu elektrikoen aurkako jarrera nuela. Barregarria da, eta beti izan da nire kanpainaren zati handi bat", nabarmendu du Trumpek.
Muskek, ordezkari errepublikanoei
Datorren urtean barne-hauteskundeak galduko dituzue
Elon Muskek ordezkari errepublikanoei ohartarazi dienez, "datorren urtean barne-hauteskundeak galduko dituzte" Trumpen aurrekontu legearen eta zerga murrizketen proiektua babesten badute.
"Gobernuaren gastua murrizteko kanpaina egin eta berehala historiako zorrik handiena babestu zuen Kongresuko kide guzti-guztiak lotsatu beharko lirateke; datorren urtean barne-hauteskundeak galduko dituzte, nahiz eta egiten dudan azken gauza izan", idatzi du aberats ultraeskuindarrak.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".