Elkarrekiko akusazio eta mehatxuekin apurtu da Trumpen eta Musken arteko aliantza, zergen planaren ondorioz
Donald Trump AEBko presidentearen eta Elon Musk enpresariaren arteko harremanean tentsioa areagotzen ari da ostegun honetan, elkarren aurkako akusazio larriekin eta mehatxuekin.
Elon Musk etengabe ari da mezuak argitaratzen X sare sozialean, horietako asko Trump presidentearen aurka. Mezuetako batean "presidentea Epsteinen artxiboetan" dagoela ziurtatu du eta hori dela artxiboak "publiko ez egiteko benetako arrazoia". Halaber, "esker txarrekoa izatea" leporatu dio presidenteari eta bere babesik gabe "hauteskundeak galduko" zituzkeela ziurtatu du. Horrez gainera, jarraitzaileei galdetu die "ea garaia ote den zentroaren % 80 ordezkatzen duen alderdi politiko berri bat sortzeko".
Tesla eta SpaceXeko kontseilari delegatu eta X sare sozialaren eta xAi enpresaren jabeak gezurretan aritzea ere leporatu dio Trumpi, hark esan baitzuen Muskek ezagutzen zituela zerga-planaren nondik norakoak.
Donal Trumpek Truth Social sarean erantzun dio eta iradoki du Estatu Batuetako gobernuak Elon Musken enpresei emandako kontratuak eta dirulaguntzak bertan behera utzi ditzakeela.
Presidentearen zerga-plana izan da bi lagun ohi hauen arteko harremana apurtu duena. Behe Ganberak onartu du dagoeneko eta Senatuan izapidetzen ari diren egitasmoak 2,4 bilioi dolar handituko du herrialdearen zorra hurrengo hamarkadan Kongresuko Aurrekontu Bulegoak esandakoaren arabera.
Apirilean Muskek kritika batzuk egin zizkion proiektuari. Hilabete geroago, gastu publiko federala nabarmen murrizteaz arduratzen zen Gobernuaren Eraginkortasun Departamentuaren (DOGE) kudeaketa bertan behera utziko zuela iragarri zuen eta ondoren areagotu egin dira Muskek planari eta Trumpi egindako kritikak. Joan zen asteartean enpresariak "nazkagarritzat" jo zuen proiektu fiskala.
Zure interesekoa izan daiteke
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko bide bakartzat.
Mundua Ormuzera begira dagoen bitartean, gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzeko itsasartean eta, ez kentzekotan, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.
Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.