Erasoen amaiera, soldadu israeldarrak Gazatik ateratzea eta laguntza banaketa bermatzea nahi du Hamasek, su-eten akordioa babesteko
Palestinako erresistentzia erakundeak adierazi duenez, "erantzukizun handiarekin" ari da lanean Israelgo Armada Zerrendaren aurka egiten ari den "erasoa bukatzea" lortzeko.
Hamaseko milizianoak aske utzitako hainbat gatiburekin, Israelekin adostutako aurreko akordioen ondorioz . Artxiboko argazkia: EFE
Hamas erresistentzia erakunde palestinarrak "aldeen arteko distantziak murrizteko" lan egingo duela ziurtatu du, Gazan su-eten akordio bat lortze aldera, baina itun horrek Israel Zerrendaren aurka egiten ari den erasoaldiaren amaiera, soldadu israeldarrak Zerrendatik ateratzea eta herritarrei laguntza banatzeko eskaria jasotzea eskatu du berriro.
"Gure neba-arreba bitartekariengandik jaso ditugun proposamenak eztabaidatzeko kontsulta nazionalak egiten ari gara, erasoaren amaiera, soldaduak ateratzea eta gure herriari premiazko laguntza ematea bermatuko duen akordio bat ixteko helburuarekin", azpimarratu du Hamasek ohar batean.
Gainera, Hamasek ziurtatu du "erantzukizun handiarekin" jokatzen ari dela Israelgo Armada Zerrendaren aurka egiten ari den "erasoa amaitzea" lortzeko.
Gaur ere, erakunde palestinarrak Kairoko negoziazioan duen iturri batek onartu duenez, akordio bat adosteko "aukera handia" dago, baina desadostasunak daude oraindik.
Hamas
Gure neba-arreba bitartekariengandik jaso ditugun proposamenak eztabaidatzeko kontsultak egiten ari gara
Donald Trump AEBko presidenteak Israelek 60 eguneko su-eten proposamena onartu duela iragarri ostean egin ditu adierazpenok. Ameriketako Estatu Batuetako hedabideek gaineratu dutenez, mahai gainean dagoen proposamenak Hamasen esku bizirik dauden 10 gatibu eta beste 14 pertsonaren gorpuak trukatzea proposatzen du. Guztira 50 gatibu geratzen dira Gazan, horietatik 20k bizirik jarraitzen dutela uste da.
Hamasek, bere aldetik, erasoak behin betiko bukatzea ekarriko duen su-eten akordio baten alde egin du, batez ere Israelek martxoaren 18an azken menia hautsi ondoren.
Netanyahuren Gobernu ultraeskuindarrarentzat, gerraren amaierak Hamas boteretik kentzea eta haren beso militarra desegitea ekarri behar du; erresistentzia palestinarrak, berriz, tropa israeldarrak lurraldetik erabat ateratzea eskatzen du.
Dagoeneko 57.000 palestinar baino gehiago hil ditu Israelek Gazaren aurka egindako erasoetan, baina kopuru hori askoz handiagoa izan daiteke.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.