Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Handala ontzia, Askatasunaren Ontzidia nazioarteko koalizioak pleitatua, Sirakusako portutik abiatu da igande honetan Gazako Zerrendara bidean.
Ontziak laguntza humanitario sinbolikoa eta elkartasun mezu bat eraman nahi du Israelek ezarritako blokeoaren aurrean, aurrekaririk gabeko krisi humanitario baten erdigunean. Izan ere, Gazan 58.000 hildako baino gehiago dira jada Israelgo Armadaren azken bonbardaketen ondoren.
"Berriro itsasoratuko gara", iragarri du Freedom Flotilla Coalition erakundeak bere sare sozialetan
Itsasoratu diren momentuan, dozenaka lagunek "askatasuna" oihukatuz agurtu dute ontzia, bandera palestinarrak astinduz.
Nazioarteko koalizioak berretsi duenez, bere misioaren helburua Israelek enklabearen gainean duen "legez kanpoko blokeo hilgarria desafiatzea" da, mundu osoko pertsona guztien aldeko mezu bat eramanez, Gaza "gosearen menpe, bonbardatuta eta hondakinen azpian lurperatuta dagoen bitartean".
Bigarren bidaia
Askatasunaren Ontzidiak azken asteetan Gazara iristeko egingo duen bigarren saiakera da honakoa. Izan ere, ekainean Israelgo itsas armadak beste ontzi bat geldiarazi eta portura eskoltatu zuen.
Horretan, besteak beste, Greta Thunberg klima-ekintzailea, Sergio Toribio espainiarra eta Rima Hassan eurodiputatu frantziarra zihoazen.
58.000 biktima baino gehiago
Bien bitartean, Zerrendako biktimen kopuruak gora egiten jarraitzen du. Gazatarren Osasun Ministerioak aditzera eman duenez, hildakoak 58.026 dira dagoeneko Israelen erasoak hasi zirenetik.
Gainera, igande honetan gutxienez beste 37 pertsona hil dira, tartean hainbat adingabeak.
Israelgo Armadak azaldutakoaren arabera, 150 "helburu terrorista" baino gehiago eraso ditu Zerrenda osoan azken 24 orduetan, baina misil batean izandako "matxura tekniko batek" aurreikusitako helburutik kanpo kalteak eragin dituela onartu du.
Wafa agentzia ofizial palestinarrak zehaztu duenez, Israelgo "matxura tekniko" horretan 16 pertsona hil dira, sei haur barne, Nuseirateko errefuxiatu kanpalekuko ura banatzeko gune baten aurka egindako erasoan.
Beste bonbardaketa batzuek gutxienez hamasei hildako utzi dituzte enklabeko hainbat gunetan, etxebizitzak eta desplazatuen kanpamentu bat barne.
Zure interesekoa izan daiteke
AEB eta Txina, Hego Pazifikoko uharte urrun eta gutxi populatuak kontrolatzeko lehia bizian. Zergatik?
Ozeano Barea Asia eta Amerika arteko itsaso neurrigabea da. Bertatik itsasbideak, urpeko kableak eta era guztietako merkataritza trafikoa pasatzen da etengabe. Horregatik, bide horiek menderatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak eta, kasu askotan, militarrak direlako. Hain zuzen, Estatu Batuak eta Txinak Pazifikoko 14 herrialde horien kontrola bereganatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, baino beste batzuek Txinarekin defentsa akordioak sinatu dituzte dagoeneko, Salomon Uhartea da hori. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.
Tentsioa gorenean da Hegoaldeko Txinako Itsasoan, defentsa eta botere militarraren bidegurutzean
Estatu Batuetako eta Txinako indarren artean talka arriskua eragin dezakeenik badago, Hegoaldeko Txinako Itsasoa da. Pekinek ur horien zati bat beretzat nahi du, bederatzi puntuko lerro bat eginez, Taiwan, Filipinetako zati bat eta uharte artifizialak eraiki dituen uhartetxoak barne. Horrek talka egiten du hainbat herrialderen subiranotasunarekin, hala nola Filipinak, Vietnam eta Malaysia. Horren aurrean, AEBk presentzia militarra sendotu du eremu horretan. Mikel Reparaz, EITBren Nazioarteko arloburua, bertan izan da.