AEB eta Japoniaren arteko merkataritza akordioa iragarri du Trumpek eta % 15eko muga zergak aplikatuko dizkiote elkarri
Ameriketako Estatu Batuetako presidenteak Japoniako inportazioei % 25eko muga zergak ezartzearekin mehatxu egin zuen. Halaber, AEBk 550.000 milioi dolar inbertituko ditu AEBn.
Donald Trump Ameriketako Estatu Batuetako (AEB) presidenteak merkataritza akordioa iragarri du Japoniarekin, eta horren arabera, % 15eko muga zergak ezarriko dizkiote elkarri.
Truth Social sare sozialean azaldu duenez, akordio "izugarria" da, "agian inoiz lorturiko handiena". Halaber, Trumpek aurreratu du Japoniak 550.000 milioi dolar inbertituko dituela AEBn.
Merkataritza akordioak ahalbidetuko du, Trumpen arabera, AEBko autoak, kamioiak, arroza eta nekazaritzako produktuak Japonian saltzea.
Ordu batzuk lehenago, Ryosei Akazawa Japoniako negoziatzaileak adierazi du abuztuaren 1a baino lehen lortu nahi duela akordioa AEBrekin.
Akordioaren aurretik, Japoniako inportazioei % 25eko muga zergak ezartzearekin mehatxu egin zuen Trumpek.
Nazioarteari buruzko albiste gehiago
Sebastien Lecornu Defentsa ministroa izendatu du Frantziako lehen ministro Macronek
39 urte ditu eta Macronen oso gertukoa da. Bere egiteko nagusienetakoa izango da datorren urteko aurrekontua onartzeko adostasunak jostea. Bihar hartuko kargua, Frantziako Gobernuak Matignonen duen egoitzan egingo den zeremonian.
Israelek Hamasen negoziazio taldea bonbardatu du Qatarreko hiriburuan, eta hainbat pertsona hil ditu
Hamaseko bost kide eta Qatarreko segurtasun kide bat hil dira erasoan. Negoziazio ordezkaritzako kideak, ordea, bizirik atera dira. Israelgo armadaren esanetan, "doitasunez egindako bonbardaketa" izan da. Etxe Zuriak adierazi duenez, Hamasi erasotzea "helburu duina izan daiteke", baina ez dator bat lekuarekin. Qatarreko Gobernuak "nazioarteko legeen urraketatzat" jo du gertatutakoa.
Nepal sutan dago ustelkeriaren aurkako protesten ondorioz, lehen ministroak dimisioa eman duen arren
Gazteek zuzendutako altxamendu batek Gobernuaren kolapsoa eragin dute. Matxinada horren ondorioz, gutxienez, 25 pertsona hil dira. Herrialdearen azken aldiko demokrazia historiako errepresiorik odoltsuena bizi da.
Bayrouk dimititu du, eta Macronek lehen ministro berria izendatu beharko du
Frantziako presidenteak laster izendatu beharko du lehen ministro bat, gobernua egonkortzeko, 2026ko aurrekontuak onartzeko eta gizartearen eta merkatuen presioa geldiarazteko.
Smotrich eta Ben Gvir ministro ultraeskuindar israeldarrei Espainian sartzea debekatu diete
Ministroen Kontseiluaren amaieran egindako agerraldian iragarri du neurria Jose Manuel Albares Espainiako Gobernuko Kanpo Arazoetako, Europar Batasuneko eta Lankidetzako ministroak. Pedro Sanchez Gobernuko presidenteak atzo iragarritako bederatzi neurriak ere gaur onartu dituzte.
Global Sumud Flotilla: "Misioak aurrera jarraituko du", bart Tunisian jasandako erasoa gorabehera
"Global Sumud Flotillak baieztatu du bere ontzi nagusietako baten kontrako erasoa egin dutela, 'Familiaren Itsasontzia' izenekoaren kontra, alegia, Zuzendaritza Batzordeko kideak zeramatzana, eta, susmoa da drone bat izan dela", adierazi dute X sareko elkartearen kontuan.
Nepalgo lehen ministroak dimisioa eman du, Gobernuaren aurkako protestetan 19 pertsona hil berritan
Sare sozial nagusietara sartzea debekatu dute, eta ustelkeria kasuak nonahi ari dira agertzen, horiek, besteak beste, piztu dituzte Gobernuaren kontrako protestak. Hala ere, K.P. Sharma Olik kargua uzteak ez du kaleetako egoera baretu, eta protestek aurrera segitzen dute hiriburuan.
Israelgo Armadak Gaza Hiri osoa husteko agindua eman du
Hirian dauden ia milioi bat laguni Gaza utzi eta Al Mawasi (hegoaldea) aldera "berehala" joateko esan diete. Al Shifa ospitaleko zuzendariak esan duenez, bertan geratuko dira "hegoaldean ez dago lekurik".
Itziar, Sumud Flotillatik: "Ez da inor zauritu, atentzioa Gazan jarri behar dugu"
Itziar euskal kooperanteak atzean duen 'Family' itsasontziari eraso egin diote gauean. Halere, ohartarazi du haien asmoa atentzioa Gazan jartzea dela.
Zer gerta daiteke orain Frantzian?
Emmanuel Macronek lehen ministro sozialista bat izendatzea erabaki dezake, baina denbora agortzen ari da; izan ere, ezegonkortasun politikoa zuzenean ari zaio kalte egiten, eta ekonomian eta kaleetan tentsioa begi bistakoa da.