Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
Benjamin Netanyahu Israelgo lehen ministroaren agerraldi publikoetako bat, azken egunotan. Argazkia: Europa Press
Benjamin Netanyahu Israelgo lehen ministroak astean hiru aldiz agertu beharko du azarotik aurrera ustelkeriagatik egiten ari diren bere aurkako auzian, "epaiketak aurrera egin behar duelako", auzitegiak gaur erabaki duenez. Azken hilabeteetan epaiketaren hainbat saio bertan behera utzi dituzte arrazoi ezberdinengatik.
Israelgo bozeramaile judizial batek jakitera eman duenez, gaur auzitegiko epaileek hartutako erabakiaren arabera, azaroaren 2tik aurrera epaiketa igandetik asteazkenera bitarteko saioetan abiatuko da berriro, eta egun horietako hirutan lehen ministroari deklarazioa hartuko diote, funtzionario-eroskeria, iruzurra eta konfiantza-abusua egotzita.
Hainbat saio, bertan behera
Joan den uztailean, auzitegiak bertan behera utzi zituen Netanyahuren agerraldi batzuk, haren abokatuak osasun arazoak argudiatu eta Israel Siriaren aurka egiten ari zen bonbardaketengatik, Siriako Al Sueida herrian beduinoen eta drusoen artean piztu ziren liskarrengatik.
Ekainaren amaieran, epaileek ere bertan behera utzi zuten deklarazioa, agintariak diplomazia eta segurtasun nazionaleko arrazoiak argudiatuta, eta Donald Trump AEBko presidenteak sare sozialetan eskatu ostean.
Trumpek "sorgin ehizatzat" jo zuen 2020an Netanyahuren aurka abiatutako auzia, eta "berehala bertan behera uzteko" edo indultua emateko eskatu zuen.
Netanyahu Israelen historian jardunean dagoela epaitzen duten lehen gobernuburua da, eta funtzionario-eroskeria, iruzurra eta konfiantza-abusua leporatu dizkiote.
Hiru auzien gai nagusia da Netanyahuk onura pertsonal eta politikoa lortzeko nola bultzatzen zituen harremanak komunikabide garrantzitsuetan eragina zuten handi-mandiekin.
Zure interesekoa izan daiteke
Muga-zergen inguruko jarrera "irmoa" erakutsi du Trumpek, % 10eko muga-zerga globala ezarriko lukeen aginduarekin
AEBko presidenteak agerraldia egin du ostiral arratsaldean, eta epaia "guztiz etsigarria" dela esan du. Trumpek esan du "lotsatu" egiten dela "Auzitegi Goreneko zenbait kiderekin, gure herriarentzat zuzena dena egiteko adorerik ez dutelako".
AEBko Auzitegi Gorenak legez kanpokotzat jo ditu Trumpek ezarritako muga-zergak
Ebazpen honen ondorioz, inportazioak garestituta kaltetu diren milaka enpresak auzitara jotzeko aukera izango dute, eta dirua itzultzea eska dezakete.
Venezuelako Parlamentuak aho batez onartu du amnistia legea, eta "une politiko berri bat" ireki du
Delcy Rodriguez Venezuelako presidente arduradunak azpimarratu du "herriak modu baketsuan elkarbizitzen ikasteko" balioko duela, eta Helicoideko kartzela ixteko eskatu du.
10 egun eman dizkio Trumpek Irani akordio batera iristeko
AEBko presidenteak ez du Ekialde Hurbilean ekintza militarra egitea baztertzen. Hain zuzen ere, hainbat hedabideren arabera, larunbaterako prest egon daiteke armada erasoa hasteko.
Hamarkada bat igaro da Epstein kasuak Andrew Ingalaterrako printze ohia zipriztindu zuenetik
Karlos III.ak printze titulua kendu zion pasa den azaroan Andrew anaiari, eta Windsorretik kanporatu egin zuen, Jeffrey Epsteinekin izandako loturengatik.
Andrew printze ohia aske utzi dute, Epsteinekin lotura izatea egotzita hamar orduz atxilotuta egon ondoren
Aylsham herriko polizia-etxetik irten da ibilgailu baten atzealdean. BBC telebista kateak jakitera eman duenez, fidantzapean aske utzi dute, ikerketak aurrera egin bitartean. Funtzio publikoetan jokabide txarra izatea egotzi diote.
Zuckerbergek Instagram defendatu du epailearen aurrean, eta haien adinaz gezurra esaten duten adin txikikoak kritikatu ditu
Instagram sare sozialak erabiltzaileen adina egiaztatzeko dituen mekanismoak defendatu ditu Metaren sortzaile eta buru denak, Los Angelesen egiten ari diren epaiketan.
AEBko Armada Irani erasotzeko prest dago, baina Trumpek ez du erabakirik hartu oraindik
Azken egunotan, Pentagonoak hegazkin eta itsasontzi gehiago mugitu ditu Ekialde Hurbilera, eta inguru horretan duen presentzia nabarmen handitu. Gainera, Ekialde Hurbilean dituen langile batzuk Europara eta Estatu Batuetara mugiarazi ditu, Iranen gertatu daitekeenaren aurrean.
Zelenskik iragarri du Errusiarekin lan egiten dabilela, Ukrainako balizko su-etena egiaztatzeko mekanismoak ezartzeko
Ukraina, Errusia eta Ameriketako Estatu Batuetako ordezkariek Genevan egin dituzten hiruko bileraren ostean Zelenskik adierazi duenez, ordea, ez da aurrerapausorik izan arlo politikoan.
Iranek aurreratu du "oinarrizko akordio nuklearra" lortu duela AEBrekin
Helburu eta gai tekniko garrantzitsuenetan ados jarri dira, eta, orain, hori guztia testu batean ezarri beharko dute. Hala jakinarazi du Teherango Atzerri ministroak.