Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Gutxienez 26 pertsona migratzaile hil dira eta beste 60 erreskatatu dituzte gaur Lampedusako kostaldean, Italiako hegoaldean, ontzi bat hondoratu ostean, kostazainek jakinarazi dutenez.
"Oraingoz 60 pertsona erreskatatu dituzte, dagoeneko Lampedusan lehorreratu direnak, eta gutxienez 26 hildako zenbatu dituzte. Balantzea behin-behinekoa da oraindik, eta eguneratzen ari dira", azaldu dute kostazainek ohar batean.
Italiako uhartetik 14 itsas milia hegoaldera gertatu da ezbeharra, bilaketa eta erreskate eremuaren barruan, helikoptero batek itsasoan iraulitako ontzi bat eta hainbat gorpu ikusi ostean.
Bizirik atera diren 51 gizonak, 4 emakume eta 5 adingabe, tokiko hedabideen arabera, Lampedusara eraman dituzte jada, eta desagertuta egon daitezkeenen bila jarraitzen dute, tartean haur gehiago egon daitezkeelakoan.
Sea Watch
Gure 'Aurora' ontziak eta beste batzuek minutu gutxitan erreskatatu ahal izango zituzten pertsonak, haien egoeraren berri eman izan baligute. Zergatik ez digute abisurik eman? Italiak ez al du ezer egin jendea itotzen zen bitartean?
Agintariek jasotako testigantzen arabera, goizaldean Tripolitik (Libia) abiatu diren bi ontzitan zihoazen migratzaileak. Horietako batean ura sartzen hasi da, eta, ondorioz, pertsonak bestean ontziratu dira.
Flavio Di Giacomo Migraziorako Nazioarteko Erakundeko (OIM) bozeramaileak baieztatu duenez, Libiatik "95 migratzaile inguru" abiatu dira, eta "hildakoak eta desagertuak gehituta biktimen kopurua 35era igo daiteke".
Ezbeharraren ostean, gobernuz kanpoko hainbat erakundek gertatutakoa salatu dute: "Amorrua eta frustrazioa. Hori da Lampedusatik milia gutxira dagoen enegarren hondoratzeagatik sentitzen duguna. Gure 'Aurora' ontziak eta beste batzuek minutu gutxitan erreskatatu ahal izango zituzten pertsonak, haien egoeraren berri eman izan baligute. Zergatik ez digute abisurik eman? Italiak ez al du ezer egin jendea itotzen zen bitartean?", salatu du Sea Watch erakundeak.
Giorgia Meloni Italiako lehen ministroak gaitzetsi egin du "gizaki trafikatzaileek bidaia ilun horiek antolatzeko erabiltzen duten zinismo ankerra".
Bestalde, Matteo Piantedosi Italiako Barne ministroak doluminak adierazi ditu biktimengatik, eta Mediterraneoan gertatutako "enegarren tragedia" dela erantsi du.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.