Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
Palestinako Aginte Nazionaleko Kanpo Ministerioak laguntza eskatu dio nazioarteko komunitateari, Bezalel Smotrich Israelgo Finantza ministroak Zisjordaniako E1 eremuan 3.000 etxebizitza berri baino gehiago eraiki nahi dituela iragarri ostean. Hori "Israelek eragindako genozidio, desplazamendu eta anexio krimenen hedapena" da.
Lizitazio berri horiek "Israelen okupazio-planen jarraipena dira; Estatu palestinarra ezartzeko aukera oro zapuztuz, haren batasun geografikoa eta demografikoa murriztea bilatzen duena. Zisjordaniaren banaketa bultzatzea du helburu proiektu horrek, horren anexioa errazteko errazteko asmoz", deitoratu du Palestinako Aginte Nazionaleko Kanpo Ministerioak.
Benjamin Netanyahu Israelgo lehen ministroak "Israel Handiari" buruz berriki egindako adierazpenak berresten du horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
Testuinguru horretan, Israeli zigorrak ezartzeko eskatu dio Palestinako Kanpo Arazoetako Ministerioak nazioarteari, Zisjordanian plan horren ezarpena gelditzeko eta Israeli Palestinaren inguruko ebazpenak betetzera behartzeko.
Biztanleria bikoiztea helburu duen proiektua
Bezalel Smotrich Israelgo Finantza ministroak 3.000 etxebizitza berri eraikitzeko plana iragarri du, Jerusalem ekialdea eta Maale Adumim kokalekua lotzeko plan urbanistiko polemikoaren baitan. Ildo horretatik, neurri horrek Estatu palestinar baten ideia bertan behera uzten duela adierazi du.
"Eraikuntza-plana onartzeak bertan behera uzten du Palestinako Estatu baten ideia, eta jarraipena ematen die Gobernuaren eraketarekin hasitako subiranotasun-planaren zati gisa bultzatzen ari garen ekintza ugariei", adierazi du Smotrichek Israelgo albiste-agentziek jasotako adierazpenetan.
Hain zuzen ere, ekimen horrek 3.515 etxebizitza berri gehiago aurreikusten ditu Maale Adumim-eko Tzipor Midbar auzoan, eta, guztira, 6.916 izango lirateke juduentzako soilik diren etxebizitzak.
Plan honekin, ministroak asentamendu honetako biztanleria bikoiztea espero du, gutxi gorabehera 35.000 biztanle berri aurreikusten baitira inguruan datozen urteetan.
Smotrichek defendatu duenez, "hainbat hamarkadatako nazioarteko presioaren ondoren (...), konbentzioak hausten eta Maale Adumim Jerusalemekin lotzen ari gara". "Hau da sionismoa bere adierazpen gorenean: Israelen Lurrean gure subiranotasuna eraikitzea, finkatzea eta indartzea", gaineratu du, proiektuak Jerusalem eta Zisjordaniaren zati palestinarraren arteko lurralde jarraitutasuna behin betiko hautsiko lukeela esanez.
Planari ekinez gero, urrats garrantzitsu bat izango litzateke Zisjordaniako iparraldearen eta hegoaldearen arteko banaketa gauzatzeko. Giza Eskubideen aldeko taldeek eta nazioarteko komunitateko kideek hainbat urtez kritikatu dituzte asmo horiek, eta salatu dute kanporatzeak indigena palestinarrak mugiaraziko lituzkeela, Nazioarteko Zuzenbidearen urraketatzat jotzen baitute okupazio militarraren pean dagoen edozein eremuren kolonizazioa gerra-krimentzat.
Nazioarteari buruzko albiste gehiago
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.