Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.
Herritar palestinarrak jantoki sozial batetik janaria jasotzeko itxaroten, gosete krisiaren erdian. Argazkia: Europa Press
Hamaika pertsona gehiago hil dira ostiralean Gazan, haur bat barne, "goseteak eta desnutrizioak jota". Ondorioz, 251 pertsona hil dira guztira Israelek Palestinako enklabean 2023ko urrian erasoaldia hasi zuenetik.
251 hildakoetatik 108 haurrak dira, Gazako Osasun Ministerioak gaur argitaratu dituen datuen arabera.
Osasun Ministerioak kaleratutako azken datuen arabera, desnutrizioak eragin dituen heriotzen kopuruak gora egin du azken asteetan. Erakunde humanitario askok Israelek 11 astez ezarritako erabateko blokeoari egotzi diote krisi hori, martxoaren 2a eta maiatzaren 19a bitartean elikagaiak, sendagaiak eta erregaia sartzea galarazi baitzuen, eta ordutik duten eskasiari. Nazioarteko presioaren aurrean, Israelek uztailaren amaieran "etenaldi humanitarioak" iragarri zituen zenbait ibilbidetan, laguntza sartu ahal izateko, baina tokiko agintariek salatu dutenez, zamaren zati handi bat arpilatu egiten dute herritarrek eta banda armatuek, banatu aurretik.
Erakunde humanitarioen hitzetan, egunean gutxienez 500 kamioi sartu beharko lirateke (25 tona ingurukoa bakoitza) Gazako Zerrendan, herritarren beharrei aurre egiteko. Hala ere, Israelgo datu ofizialen arabera, ekainean 50 eta 100 artean sartzen ziren egunean, etenaldi humanitarioa izan ostean egunean 200 sartzen hasi ziren eta gaur egun egunean 300 inguru sartzen dira. Edonola ere, Gazako Gobernuak zalantzan jarri eta nabarmen murriztu ditu datu horiek.
Gazte palestinar bat hil da Italian
Desnutrizio egoera larrian Gazako Zerrendatik Italiara eraman zuten Palestinako emakume gazte bat hil da gaur Pisa hiriko ospitale batean. Medikuek ezin izan dute ezer egin haren osasun egoera ahulari aurre egiteko.
Marah amarekin batera iritsi zen Italiara, abuztuaren 13an izandako hegaldi humanitario batean, eta berehala ospitaleratu zuten, baina egoera kritikoan zegoen, hainbat akats organiko zituelako, ospitaleak jakinarazi eta AdnKronos agentziak jaso duenez.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.