Ukrainiar bat atxilotu eta behin-behinean espetxera bidali dute Italian, Nord Stream gasbideen sabotajean ustez parte hartzeagatik
Karabineroek atxilotu dute 49 urteko gizona Riminin (Italiako ekialdea), Alemaniako Justizia Auzitegi Federalak abuztuaren 18an eman zuen euroagindua betez. Hain zuzen ere, Alemaniara estraditatuko dute aurki.
Alemaniako Fiskaltzak ostegun honetan jakitera eman duenez, 49 urteko ukrainar bat atxilotu dute Italian, 2022ko irailean Nord Stream gasbideen aurkako sabotajea koordinatu zuelakoan.
Fiskaltzaren arabera, "akusatua operazioaren koordinatzaileetako bat" da, eta besteak beste, azpiegiturari kalte egiten dion karga lehergarria leherrarazi izana eta eraikitze lanen kontrako sabotajea leporatzen diote.
Atxiloketa, kasu honekin lotutako lehena, Rimini probintziako karabineroen (polizia militarizatua) agenteek egin dute, abuztuaren 18an Alemaniako Justizia Auzitegi Federalak igorritako euroagindu bat exekutatuz era horretan. Atxilotua, Serguí K, opor egun batzukj igarotzen ari zen Italian, familiarekin.
Atxilotu ondotik, Italiako Bologna hiriko (iparraldea) Fiskaltzaren aginduz, Riminiko espetxera bidali dute, eta han egon beharko du, kontrako xedapenik ezean, Alemaniara eraman bitartean. Behin hara iritsita, Justizia Auzitegi Federaleko instrukzioko epailearen aurrean eman beharko ditu kontuak.
Alemaniako Estatuko Fiskaltzaren (GBA) ustez, 2022ko irailean Nord Stream 1 eta 2 gasbideetan lehergailuak jarri zituzten pertsona talde bateko kidea zen, Baltiko itsasoaren ohean, Suediako Bornholm uhartetik gertu. Alemanian amaitzen dira gasbide horiek; hortik, sabotajeen egileak topatzeko Alemaniaren erabakimena.
2022ko irailaren 26an, Nord Stream 1 eta 2 gasbideen lau lerroetatik hirutan leherketak izan ziren. Nord Stream 1 Alemaniari gas errusiarra emateko erabiltzen zen aurretik, Nord Stream 2, berriz, ez zen inoiz martxan jarri, Errusia Ukrainaren gainerko erasoarekin hasi ondoren.
Atxilotuari operazioaren koordinatzaileetako bat izatea, azpiegiturak suntsitzea eta sabotajea leporatzen dizkiote.
Orain arte, GBAk egindako gertaeren ustezko nondik norakoen inguruko xehetasunak filtratu izan dira, baina fiskaltzak kasuaren inguruan informazioak ematen dituen aurreneko aldia da honakoa. Alemaniako Gobernuak ere ez du azken urteotan kontu honen inguruko adierazpenik egin nahi izan.
Komunikatuaren arabera, Fiskaltzak uste du saboteatzaile taldeak yate-belaontzi bat erabili zuela, nortasun agiri faltsutuak erabiliz alokatua, eta Rostockeko portutik (Alemania) irteten zela.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".