Zenbait gobernuk uste dute Nord Stream 1 eta 2 gasbideetan izandako ihesen atzean sabotajea egon daitekeela
Danimarkako Gobernuak larrialdi energetikoa ezarri du elektrizitatearen eta gasaren sektoreetan, azken orduetan Nord Stream 1 eta 2 gasbideetan hiru gas ihes antzeman ondoren. Testuinguru horretan, ihesak gertatu diren gunetik bost itsas miliara nabigatzea debekatu du, baita kilometroko eremuan hegazkinak igarotzea ere.
Bertako agintariek zabaldutako informazioaren arabera, hiru gas ihes izan dira guztira: bat, Nord Stream 2 gasbidean, eta bi, Nord Stream 1ean. Lehenengoa Baltikoan gertatu da, Danimarkako uretan, eta beste biak Danimarkako eta Suediako uretan.
"Hodiak haustea oso gutxitan gertatzen da, horregatik uste dugu arrazoiak daudela larrialdi maila handitzeko. Azpiegituraren zaintza areagotu nahi dugu hornidura bermatzeko", adierazi du ohar batean.
Nord Stream 1 eta 2 gasbideak zerbitzutik kanpo daude. Lehenak asteak daramatza itxita Errusiak olio ihesa iragarri ondoren, eta bestea ez da inoiz martxan egon.
Sabotajearen susmoak
Nord Stream 1 eta Nord Stream 2 gasbide errusiarretan atzemandako hiru ihesak sabotajearen ondoriozkoak izan daitezkeen susmoak daude.
Errusiako Gobernua "oso asaldatuta" agertu da bi gasbideetako hiru hodik aldi berean jasan dituzten kalteengatik, eta Dimitri Peskov Errusiako Presidentetzako bozeramaileak ziurtatu duenez, "ezin da baztertu inolako aukerarik".
Mateusz Morawiecki Poloniako lehen ministroak ere "sabotaje ekintza" bat izan dela esan du. "Argi eta garbi ikus dezakegu sabotaje ekintza bat dela, Ukrainan aurre egiten ari garen egoeraren igoeran hurrengo etapa markatuko duena", adierazi du.
Mette Frederiksen Danimarkako lehen ministroak adierazi duenez, "zaila da imajinatzea" ihesak "ustekabekoak" izan direnik, Kremlinek aukerarik ez baztertzea eskatu ostean. Azpimarratu duenez, "ezin da baztertu" sabotajea izan denik, eta, "ondorioak ateratzeko goiz" dela onartu arren, "ezohiko egoera" dela esan du.
Ukrainako Gobernuak "Errusiak planifikatutako eraso terrorista" izan dela esan du zuzenean, sabotajearen hipotesiarekin bat eginez. Mykhailo Podolyak Presidentetzako aholkulariak adierazi duenez, Errusiak, "eraso" honekin, Europako "egoera ekonomikoa ezegonkortu" eta "negua baino lehen izua eragin" nahi du. "Erantzunik onena", bere ustez, Ukrainara laguntza militar gehiago bidaltzea da.
Europako Batzordeak, bestalde, saihestu egin du sabotajeen inguruan "espekulatzea", oraindik ez baitauka "elementurik" arazoen zergatia ezagutzeko. "Ez dugu espekulatuko sabotajea den ala ez. Ez dugu informazio nahikorik ihesen arrazoia zehazteko", adierazi du Eric Mamer Europako Batzordeko bozeramaileak prentsaurrekoan.
Alemaniako Tagesspiegel egunkariaren arabera, bi gasbideen aurkako ustezko erasoen egiletzaren inguruan bi aukera aztertzen ari dira. Alde batetik, Ukrainako indarren edo Ukrainarekin zerikusia duten indarren ekintza izan daitekela ustea da; bestetik, Errusiaren "bandera faltsu" erasoa izatea, zalantza gehiago sortzeko eta, beharbada, gasaren prezioa berriro igotzeko.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.