Israelek bonbardaketekin jarraitu du, NBEri entzungor eginez
Bonbardaketek Zerrenda jotzen jarraitzen dute, ospitaleak gainezka dauden bitartean, eta guztia, ONUk gosete egoera deklaratu ostean.
Gazako Zerrendako familia bat, gosetea eta gerra pairatzen. Argazkia: Europa Press.
Gaza hirian, egoera ezegonkorra dute oraindik, bonbardaketa etengabeen ondorioz, eta gutxienez 36 pertsona hil dira azken 24 orduetan.
Horien artean, gutxienez zortzi pertsona hil dira laguntza humanitarioa jasotzeko zain zeudela, Israelen blokeoak eragindako krisi larriaren erdian, Al Yazira telebista kateak jaso duenez.
Eraso larrienetako bat larunbat goizaldean izan da. Israelgo Armadak kanpin-dendak bonbardatu ditu Asdaa hirian, Khan Yunisen, eta 17 pertsona hil dira, sei haur eta jaioberri bat tartean.
Herritarren egoera gero eta larriagoa da. Familia asko ebakuazio-zentro gisa atondutako ospitaleetan eta eskoletan babestu dira, hornidura mediko eta premiazko hornidura urriak dituzten bitartean. Gainera, oinarrizko zerbitzuen gaineko presioak krisi humanitarioa areagotzeko mehatxua ekarri du. Hala, gehienbat haurrei, adinekoei eta gaixoei eragiten die.
Zerrendako ospitaleak, horietako asko Gaza hiriburukoak, gainezka daude; izan ere, hegoaldeko zentro batzuk % 300ean okupatuta daude. Israelgo Armadak medikuei hegoaldera joateko eskatu zien arren, Gazako Osasun Ministerioak uko egin zion eskari horri, pazienteak ezin direla mugitu argudiatuta.
Gosetea
NBEk gosetea deklaratu zuen ostiralean ofizialki Gazako Zerrendan, eta milioi erdi pertsona baino gehiago muturreko gosetea pairatzen ari direla ohartarazi zuen.
Krisi humanitarioari azken orduotako erasoak gehitu behar zaizkio, biztanleria zibilaren egoera eta enklabearen osasun-azpiegitura larriagotu dituztelako.
Konfiantza galera
Israelgo bigarren egunkari garrantzitsuenak egin duen inkesta baten arabera, herritarren % 60k uste dute Netanyahuren gobernuak gizartearen konfiantza galdu duela. Edonola ere, ez horrek, ez Nazio Batuen presioak; ezerk ez du Israelgo lehen ministroaren estrategia aldatzea lortu.
Gauzak horrela, irailean abiatuko du Israelgo Armadak lurreko inbasioa.
Nazioarteari buruzko albiste gehiago
Lecornuk bere “misioa bukatutzat” eman du, eta Macroni gomendatu dio lehen ministro berria izendatzeko
Frantziako jarduneko lehen ministroak, oraindik, akordiorako aukera badela sinetsita dago. Horregatik, hauteskundeak ez aurreratzeko aholkatu dio Macroni, uste baitu Parlamentuaren gehiengoa ez duela halakorik nahi.
Bahituen eta preso palestinarren zerrendak trukatu dituzte Gazako su-eten planaren elkarrizketetan
Hamasek iragarri du elkartrukea elkarrizketen hirugarren egunean. AEBko Ekialde Ertainerako ordezkaria, Steve Witkoff, eta Trumpen suhia, Jared Kushner, Egiptora iritsi dira negoziazioetan parte hartzeko. Hurrengo orduetan Jihad Islamikoaren eta Palestina Askatzeko Herri Frontearen ordezkariak espero dituzte.
Susumu Kitagawak, Richard Robsonek eta Omar Yaghik irabazi dute Kimikako Nobel saria, egitura metalorganikoak garatzeagatik
2025eko Kimikako Nobel sariaren irabazleek espazio zabalak dituzten egitura molekularrak sortu dituzte, eta horietan barrena gasak eta beste substantziak kimiko batzuk jariatzen dira. Aipaturiko egitura metalorganiko horiek erabili daitezke, esaterako, basamortuko airetik ura ateratzeko, karbono dioxidoa xurgatzeko, gas toxikoak biltzeko eta erreakzio kimikoak katalizatzeko.
Israelek atzeman egin ditu Gazara zihoazen Askatasunaren Flotillaren bederatzi ontziak
Gazara Bidean kanpainak salatu duenez, Israelgo Armadak "nazioarteko uretan" eraso egin die, Gazako kostaldetik 110 itsas miliara zeudela. Ontzian 140 pertsona zeuden, tartean, medikuak, kazetariak eta funtzionario hautetsiak, eta 110.000 dolar baino gehiagoko laguntza humanitarioa zeramaten. Israelek jakitera eman duenez, tripulatzaileak "onik" daude, eta "arin" deportatuko dituzte.
Albiste izango dira: Gazako bake negoziazioak, EAJ eta PSE-EEren arteko desadostasunak eta Bernedo auzia
Gaurkoan Orain-en albiste izango direnen laburpena, bi hitzetan.
Gazarako bake akordioa ostegunean edo ostiralean irits daiteke, eta Trumpek iragarriko luke
Ameriketako Estatu Batuetako eta Turkiako negoziatzaileek bat egingo dute gaur Israelen eta Hamasen arteko elkarrizketekin, eta "giro positiboan" ari dira aurrera egiten, gertuko iturrien arabera.
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.