NATOk Errusiako petrolioa erosteari uzteko eskatu du Trumpek Moskuri zigor berriak jartzeko
Halaber, Txinari % 100eko muga-zergak jartzeko eskatu die AEBko presidenteak aliatuei, Asiako herrialdeak Errusian duen eragina baliatu dezan eta gerrari amaiera eman diezaion.
Donald Trump, AEBko presidentea. Argazkia: Europa Press
Errusiako petrolioa erosteari uzteko eskaria egin die Donald Trump AEBko presidenteak NATOko herrialdeei larunbat honetan, eta bestela Moskuri ez diola zigor berririk jarriko iragarri du.
NATOko kideei bidalitako gutun batean, "Errusiari zigor handiak jartzeko prest" dagoela azpimarratu du Trumpek, "NATOko nazio guztiek gauza bera egiten hasten direnean eta Errusiari petrolioa erosteari uzten diotenean".
Turkiak, Hungariak eta Eslovakiak Errusiako petrolioa inportatzen jarraitzen dute, baina Europako herrialde gehienek hori egiteari utzi zioten Ukrainako gerra abiatu ostean.
Trumpek bere gutunean adierazi duenez, NATOko kideek Errusiari petrolioa erosteak "izugarri ahultzen du Errusiaren aurrean negoziatzeko duten jarrera eta ahalmena".
Halaber, aliatuek Txinari % 100eko muga-zergak jartzeko eskatu du Trumpek, Asiako herrialdeak Errusian duen eragina baliatu dezan gerra amaitzeko.
"NATOk esaten dudana egiten badu, gerra azkar amaituko da eta bizitza horiek guztiak salbatuko dira. Bestela, nire denbora, eta AEBren energia eta dirua alferrik galtzen ari dira", gaineratu du Trumpek.
AEBko presidentearen gutuna tentsio handiko une batean iritsi da, aste honetan 19 drone errusiarrek Poloniako aire-eremua urratu ondoren. Nolanahi ere, Poloniako defentsa-sistemek drone horiek eraitsi zituzten, NATOko herrialde batzuen laguntzarekin.
Zure interesekoa izan daiteke
Kanadak eta EBk aliantza estrategikoa adostu dute, baina 2027ra arte atzeratu dute harremana zehaztea
El Paso, Texas: harrera-hiri izatetik atxilotze-gune izatera
Frantziako Gobernuak ohartarazi du ordena publikoaren kontrako istiluak izateko “arrisku handia” dagoela larunbatean
Maria Corina Machadok eskerrak eman dizkio AEBri Venezuelan "askatasunari" atea irekitzeagatik
Netanyahuk eta Eisenkotek Israelgo bozetan atzerriko eragileen esku-hartzea izan den ala ez ikertzeko eskatu dute
Flavio Bolsonarok "Brasilgo presidente hautatu" izendatu du bere burua, eta gero atzera egin du
Bolsonaro AEBra heldu da, Brasilgo Justiziatik ihesi
Zeintzuk dira Israelen Gobernua osatzeko hurrengo urratsak?
Legea gogortzea erabaki du Frantziako Senatuak, arpilatzeak eta istiluak saiheste aldera
