Gazan hildakoak uste dena baino hamar aldiz gehiago izan daitezke, NBEko errelatore bereziaren arabera
Francesca Albanesek adierazi du gutxienez 680.000 palestinar hil ahal izan dituela Israelek erasoak hasi zituenetik, % 75 emakumeak eta adingabeak. Datuak baieztatuz gero, horietatik 380.000 bost urtetik beherako haurrak lirateke.
Aita batek bere haurraren hilotza darama besoetan, Gaza Hirian. Argazkia: EuropaPress
NBEk Lurralde Palestinar Okupatuetarako daukan errelatore bereziak, Francesca Albanesek, ohartarazi duenez, Israelek Gazako Zerrendan egindako erasoen ondorioz hildako pertsonen kopurua hamar aldiz handiagoa izan daiteke. Gazako agintariek ia 65.000 biktima kontatu dituzte baina Nazio Batuetako Ordezkariak adierazi du gutxienez 680.000 izan daitezkeela. Horietatik % 75 emakumeak eta haurrak.
"Hori da akademiko eta zientzialari batzuen arabera, hildakoen benetako zifra baina zaila izango da frogatzea edo ezeztatzea, lurralde palestinarrera sartzeak debekatuta jarraitzen badu", azaldu du Genevan eman duen prentsaurreko batean.
Albaneseren arabera, balantze hori berretsiz gero, 380.000 biktima bost urtetik beherakoak izango lirateke. 1.581 biktima osasun-langileak ziren, 252 kazetariak eta 346 Nazio Batuetako langileak.
Gainera, 10.000 palestinar atxilotu dituztela ere salatu du, gehienak "modu arbitrarioan", eta "gosez hiltzea, torturatzea eta presoak bortxatzea" leporatu diete Israelgo Indar Armatuei.
Albanesek jakinarazi duenez, Gazako zerrendaren % 85 birrinduta dago eta Zisjordaniako egoera ere ez da ona. "1.000 palestinar baino gehiago, 212 haur barne, hil dituzte azken 710 egunetan. 1.600 eraso erregistratu dira, aurreko urteetan baino % 22 gehiago palestinarrak bizi diren eremuetan", zehaztu du.
Era berean, 40.000 palestinar nahitaez desplazatuak izan direla ziurtatu du. "Anexioek etenik gabe jarraitzen dute", azaldu du prentsaurrekoan.
"Traumak eta minak belaunaldiz belaunaldi iraungo dute. Bitartean, estatu gehiegik jarraitzen dute ezikusiarena egiten, sufrimendua normalizatzen eta sufrimenduaz etekina ateratzen. Armen merkataritzak eta Israelekiko harreman diplomatikoek etengabe jarraitzen dute. Eta hori ez da moralki zuzena, legez kanpokoa ere bada", argudiatu du.
"Gazako genozidioa historiara pasatuko da"
"Gazako genozidioa historiara pasatuko" dela ere esan du Albanesek: "Genozidio hau zerbait desberdina da, argi eta garbi bultzatzen da, zinikoki ukatzen da eta gupidagabe sostengatzen da; arma gisa erabiltzen da, eta aurka egiten dutenak isilarazi, jazarri, kriminalizatu eta iraindu egiten dira", adierazi du.
Zure interesekoa izan daiteke
Arma nuklearrekin probak egitea agindu du Trumpek, "beste herrialde batzuen" ustezko entseguen ondotik
Errusiak gezurtatu egin du Trumpek aipatzen dituen maniobrak entsegu nuklearrak izan zirenik, aurretik jakinarazitako "errutinazko" proba hutsak izan direla esan du, eta Errusiak entsegu nuklearren gaineko luzamendua mantentzen duela berretsi du.
Louvreko Museoan bitxiak lapurtzeagatik bost susmagarri gehiago atxilotu dituzte
Agintariek adierazi dute ez dituztela bitxiak oraindik berreskuratu, baina aurkitu eta Parisko pinakotekara itzuliko dituzten esperantza dutela gaineratu dute.
Gutxienez 132 pertsona hil dira Rio de Janeiroko faveletan, krimen antolatuaren aurkako polizia-operatibo batean
Rio de Janeiron, Brasilen, 132 pertsona hil dira krimen antolatuaren aurkako polizia-operatibo batean, hiriko faveletan. Hiriaren historian biktima gehien eragin dituen operatiboa izan da. Inguruko bizilagunek 70 gorpu baino gehiago eraman dituzte plaza batera, senideek identifika ditzaten.
AEBk % 10era jaitsiko ditu fentaniloagatik Txinari ezarritako muga-zergak; trukean, Pekinek lur arraroen esportazioen gainekoak bertan behera utziko ditu
Ameriketako Estatu Batuetako presidenteak iragarri du akordioa, 2019tik Txinako buruzagiarekin izandako lehen bileraren ostean. Halaber, Txinak soja estatubatuarra berriz kantitate handitan erosiko du, eta fentaniloaren trafikoaren aurkako kontrolak indartuko ditu. Xi Jinpingek, berriz, epe luzerako lankidetza eskatu dio AEBri, "gurpil zoro batean ez erortzeko".
Milioika lagun argindarrik gabe eta kalte ugari Kuban, oraindik ere irla gainean jarraitzen duen Melissa urakanaren ondorioz
Kuba ekialdeko muturreko biztanleak izan dira Melissa urakanaren ondorioak sumatzen lehenak, hura jo baitu lurra bertako 03:10 zirenean (08:10 Euskal Herrian), orduko 193 kilometroko orduko haize-ufada etengabeekin, nahiz eta gero ahulduz joan den.
Israelek iragarri du berriro ezarri duela su-etena Gazan
"Estamentu politikoaren zuzentarauaren arabera, eta hainbat erasotan terroristak neutralizatu ondoren, Armada su-etena aplikatzen hasi da berriro", nabarmendu dute ohar bidez.
Albiste izango dira: Israelen erasoak Gazan, GOIDIak urtebete eta Donostiako alkate berria
Gaurkoan Orain-en albiste izango direnen laburpena, bi hitzetan.
Melissa urakana ahuldu egin da Kubara iristear dagoenean, 205 km/h-ko haize-ufadekin
Melissa urakana laster iritsiko da Kubako hego-ekialdeko kostaldera, Saffir-Simpson eskalan 3. kategoriako urakana bihurtuta, eta izaera "oso arriskutsuarekin", Ameriketako Estatu Batuetako Urakanen Zentroaren (NHC, ingelesez) arabera. 205 kilometro orduko euri-erauntsi eta haize-ufada suntsitzaileak eragingo dituela aurreikusi da.
Bonba-erasoak, Gazan: Israelen misilek 100 hildako utzi dituzte, gutxienez
Benjamin Netanyahuren Gobernuaren arabera, erasoak Hamasek su-etena urratu duelako gertatu dira, baina talde islamistak ukatu egin du hori.
Gazaren kontrako erasoak berrabiarazita, Israelek dagoeneko hainbat hildako utzi ditu
Erabaki hau Israelgo tropei ustez Zerrendaren hegoaldean eraso egin eta astelehenean Israeli entregatutako bahituaren gorpuzkiak 2023an berreskuratu zuten beste gatibu batenak zirela identifikatu eta gutxira etorri da.