Poloniak aireko espazioa itxi du aldi baterako, Errusia Ukrainan egiten ari den erasoengatik
Poloniako Indar Armatuen Aginte Operatiboak igande honetako lehen orduan jakitera eman duenez, gerra-hegazkinak zabaldu eta aire-defentsarako sistemak aktibatu ditu, "prebentziozko" neurri gisa, Errusiak Ukrainaren aurka egindako azken aire-erasoen ostean, "aire-espazio nazionalaren segurtasuna bermatzeko eta herritarrak babesteko".
Poloniako aire-indarrak, herrialde aliatuekin koordinatuta, Poloniako aire-espazioan lanean hasi dira, Errusiaren irismen luzeko hegazkinek Ukrainaren aurka egindako bonbardaketei erantzuteko, agintari operatiboak berak X sare sozialaren bidez zabaldutako ohar batean jakinarazi duenez.
Operazioaren parte gisa, Poloniako agintari militarrek mugako eskualdeen zaintza indartu dute, egungo egoeraren jarraipena egiteko, eta "baliabideak prest dituzte berehalako erantzuna emateko".
Indar Armatuen Aginte Operatiboak azpimarratu du Poloniako hegazkinen eta aliatuen operazioak defentsarako eta prebentziorako baino ez direla izan, balizko mehatxuak uxatu eta aire-espazio nazionalaren osotasuna babeste aldera.
Nazioarteari buruzko albiste gehiago
60.000 eta 100.000 pertsona artean manifestatu dira Berlinen, Gazako genozidioaren amaiera eskatzeko
Bestalde, Israelek jakitera eman duenez, 750.000 pertsona atera dira Gaza Hiritik erasoaldia hasi zenetik, eta 50 hilketa zenbatu dituzte dagoeneko, tartean haurrak, bi mediku eta kazetari bat.
Alemaniak iragarri du droneak botatzeko lege bat onartuko duela
Berlinek iragarri du lege bat onartuko duela bere armadak droneak bota ahal izateko. Europako agintariak alerta gorenean daude droneen presentziagatik Europako aire-espazioan. Hainbat izan dira Danimarkan, eta aire-zirkulazioa geldiarazi ere egin dute, eta Alemanian droneen begiztatzeak ikertzen ari dira.
Espainian dabilen Israelgo Armadako sarjentu bat salatu dute Auzitegi Nazionalean, Gazan gerra krimenak egitea leporatuta
Salaketa Espainian bizi den kazetari palestinar batek jarri du, sarjentua asteburuan Madrilera futbol partida bat ikustera joan dela egiaztatu ondoren. Sarjentuak Gazako Zerrendan egindakoak erakutsi izan ditu bere sare sozialetan, baita une honetan Madrilen zegoela ere.
Portlanden protestei aurre egiteko tropak hedatu eta indarra erabiliko dutela iragarri du Trumpek
Horrela, Portland hiria eta Immigrazio eta Aduanen Kontrolerako Zerbitzuaren (ICE) atxiloketa-zentroa "babestu" nahi ditu AEBko presidenteak.
AEBk bisa kenduko dio Petrori, soldadu estatubatuarrei Trumpi desobeditzeko eskatu dielako
Kolonbiako presidenteak esan du erabakiak NBEren "immunitate arau guztiak" hausten dituela, eta egoitza New Yorken egotea ere kritikatu du.
Elon Musken eta Jeffrey Epstein pederastaren arteko harremana frogatzen duten dokumentuak kaleratu dituzte
Kongresista demokratek argitaratutako dokumentuen arabera, Elon Musk, Peter Thiel eta Steve Bannon "uharte batera" joateko aukeraz aritu ziren Epsteinekin.
Hamasek su-eten baterako "bermeak" eskatu dizkio Trumpi, Gazan bahituak askatzeko
Talde palestinarrak egindako proposamenak Gazan dauden 48 bahituetatik erdiak askatzea jasotzen du, 60 eguneko su-eten baten truke. AEBko presidenteak aste honetan jasoko du proposamen ofiziala.
Erresuma Batuak nortasun agiri digitala sortu du legez kanpoko immigrazioa geldiarazteko asmoz
Gaur egun, herrialdeak ez du nortasun agiri nazionalik, eta herritarrak pasaportearekin, gidabaimenarekin edo bestelako egiaztagiriekin identifikatzen dira. Lan egiteko edo etxebizitza alokatzeko nahitaezkoa izango da erakustea, legez kanpoko immigrazioa eragozteko helburuarekin.
Netanyahuren esanetan, Israelek "lana amaitu behar du" Gazako Zerrendan
Israelgo lehen ministroa hitz egiten hasi denean, aretoa ia hutsik geratu da. Netanyahuk azpimarratu du ez duela Palestinako Estatua onartuko: "Erokeria da, ez dugu egingo".