Lecornuk dimisioa eman du, Gobernua izendatu eta ordu gutxira
Ohar labur batean, Eliseoak adierazi du Macronek onartu egin duela Lecornuk aurkeztutako dimisioa; horrek ateak irekitzen dizkie hainbat aukerari, tartean hauteskundeak aurreratzea.
Lecornu, artxiboko irudi batean. Argazkia: EFE
Sebastien Lecornu Frantziako lehen ministroak dimisioa aurkeztu dio Emmanuel Macron presidenteari, gobernua iragarri eta ordu gutxira.
Ohar labur batean, Eliseoak adierazi du Macronek onartu egin duela Lecornuk aurkeztutako dimisioa; horrek ateak irekitzen dizkie hainbat aukerari, tartean hauteskundeak aurreratzea.
"Sebastien Lecornu jaunak bere Gobernuaren dimisioa aurkeztu dio Errepublikako presidenteari, eta honek onartu egin du", adierazi du Eliseoak ohar labur batean, Macronek eta orain arteko lehen ministroak lehen orduan egindako bileraren ostean.
Lecornuk bere Gobernuaren hautaketa defendatu zuen igandean eta "Legebiltzarrean sostengatzen gaituen oinarri komunaren antza" duela argudiatu zuen.
Jarduneko ministroek bertan behera utzi dituzte gaurko zituzten agendak, horietako batzuk Parisetik kanpo, Gerald Darmanin Justizia ministroa kasu, egoera berriak izango dituen ondorioen zain.
Hori guztia Errepublikako presidenteak Gobernu berriaren osaketa izendatu eta 13 ordu eskasera gertatu da. Lecornu irailaren 9an izendatu zutenetik zegoen gobernu horretan lanean, bere aurrekoa, François Bayrou lehen ministroa egun bat lehenago konfiantzazko mozio batean erori zenetik.
Lecornuren ezusteko dimisioaren atzean Errepublikanoak alderdi kontserbadorearen jarrera dago. Bruno Retailleau alderdiko buruak atzo adierazi zuen ez zegoela konforme kabinetearen osaketarekin, presentzia handiagoa nahi baitzuten, eta gaur goizean bere alderdiaren bilera deitu du Gobernua utziko zuten ala ez erabakitzeko.
Exekutiboa bertan behera uzteko mehatxu horrek, betetzekotan, praktikan ezinezkoa egiten zuen haren jarraipena, kontuan hartuta ez zuela, ezta urrutitik ere, gehiengo parlamentariorik.
Oposiziotik, Jordan Bardella Elkarte Nazionaleko presidentea izan da erreakzionatzen lehena, eta Macroni Asanblea Nazionala desegiteko eskatu zion, Lecornuk dimisioa eman ostean.
"Ezin da egonkortasuna berrezarri botoa ematera itzuli gabe eta Batzar Nazionala desegin gabe", adierazi zuen Bardellak Marine Le Pen buru duen alderdiaren egoitzara iritsi zenean.
"Atzerakontua hasi da. Macronek alde egin behar du", adierazi du sare sozialetan Mathilde Panotek, Frantzia Intsumisoa ezker muturreko alderdiaren Asanblea Nazionaleko taldeko buruak.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.