Hamasek bizirik dauden 20 bahituak entregatu ditu, eta su-etenarekin konpromisoa duela agerian utzi du
Palestinako talde armatuak komunikatu bidez adierazi duenez, su-etenaren esparruan adostutakoa ezartzen jarraitzeko prest dago.
Erresistentzia Islamikoaren Mugimenduak (Hamas) Israelekin lortutako su-etenarekiko konpromisoa berretsi du astelehen honetan, joan den astean AEBk bake-akordioa lortzeko egindako proposamenaren harira, eta 2023ko urriaren 7ko erasoetatik euren esku bizirik zeuden 20 bahituak entregatu dituztela baieztatu du.
Gurutze Gorriaren eskutik jasotzen dituenean, Armadak Reimgo basera eramango ditu bahituak, Gazako mugaren ondora. Bertan, osasun azterketa egingo diete, eta ondoren familiekin bildu ahal izango dira.
Helikopteroz eramango dituzte Tel Aviveko kanpoaldeko hiru ospitaletara: hamar Sheba ospitalera, bost Beilinsonera eta beste bost Ichilovera.
Hildako 28 bahituen gorpuak ere astelehen honetan entregatzea espero da, baina ez dakite Hamasek horien guztien gorpuzkiak eman ahal izango dituen, horietako batzuk ezin izan baitituzte aurkitu.
Gurutze Gorriak Gazako tropei emango dizkie gorpuzkiak, eta Palestinako Zerrendaren barruan "zeremonia labur" bat egingo dute juduek, hilkutxetan Israelgo lurraldera eraman aurretik. Tel Aviveko Abu Kabir auzitegiko institutura eramango dituzte, identifikatzeko.
Su-eten akordioarekiko konpromisoa
Talde armatu palestinarrak komunikatu batean adierazi duenez, su-etenaren esparruan adostutakoa ezartzen jarraitzeko prest dago, eta "bitartekarien lanaren garrantzia" defendatu du, "sionistek ere bere partea bete dezaten".
"Gure preso heroien askapena, biziarteko kartzela-zigorra jaso dutenak eta hamarkadak burdin hesien artean daramatzatenak barne, Gazako Zerrendako herriaren eta erresistentziaren seme-alaben sendotasunaren emaitza da", adierazi du.
Zentzu horretan, Benjamin Netanyahu Israelgo lehen ministroari "bi urtez porrot egitea" leporatu dio, "sarraski eta suntsiketa gerra baten alde egin duelako, bahituak indarrez askatzeko".
"Erresistentziak bere esku dagoen guztia egin du bahitu horien bizitza babesteko, nahiz eta Netanyahuren gerra kriminala eta haren Armada terrorista horiek desagerrarazten saiatu", adierazi du, eta preso palestinarrak Israelgo kartzeletan "abusua, tortura eta hilketak" jasaten ari direla salatu.
Hori dela eta, presoen auziak "lehentasuna" izaten jarraitzen duela adierazi du Hamasek. "Palestinar herriak ez du atsedenik hartuko azken presoa askatu eta okupazioaren indarrek gure lurra eta leku sakratuak utzi arte", esan du.
Zure interesekoa izan daiteke
Kubak AEBtik ateratako ontzi bateko lau kide hil ditu, AEBk "helburu terroristak" zituelakoan
Marco Rubio AEBko Estatu idazkariak Kubari ohartarazi dio ikertu egingo dutela zer gertatu zen, eta horren arabera erabakiko dutela nola jokatu.
Venezuelako petrolio gordina Kubako sektore pribatuari saltzeko aukera emango du AEBk
Transakzioak baimentzeko, lehengai hori saldu eta merkaturatzeko ezarritako murrizketa batzuk bete beharko dira; esaterako, salmenten diru-sarrerak Washingtonek kontrolatutako kontu batean uztea.
Trumpek muga-zergak defendatu ditu eta migratzaileen eta demokraten aurka egin du, bi orduko hitzaldian
AEBko presidenteak historiako hitzaldirik luzeena egin, du eta duela urtebete Etxe Zurira itzuli zenetik herrialdea "handiagoa, hobea eta indartsuagoa" dela aldarrikatu du.
Frantziako Tourreko datak eta ordutegiak aldatzekotan daude, beroak eragin ditzakeen arriskuak saihesteko
Tenperaturak gero eta altuagoak direla eta gero eta bero-bolada gehiago daudela eta, zalantzan jarri dute udan kirol-ekitaldi handiak egitea, besteak beste, Frantziako Tourra. Ordutegiak edo datak aldatzea eztabaidatzen ari dira.
Europak babesa erakutsi dio Ukrainari, gerraren laugarren urteurrenean
Europak buruzagi nagusiek, horien artean, Ursula von der Leyen eta Antonio Costa Europako Batzordaren eta Europako Kontseiluaren presidenteak, hurrenez hurren, Volodimir Zelenskiri erabateko babesa agertu diote gaur goizean, Kieven. Errusiak Ukrainan inbasioa hasi zuenetik lau urte bete direnean, Santa Sofiako katedralean egindako zeremonian parte hartu dute, eta gerran hildakoak gogoratu dituzte.
Laurence des Cars Louvre Museoaren presidenteak dimisioa eman du
Emmanuel Macron Frantziako presidenteak dimisioa onartu du. Des Cars polemika baten erdian zegoen, 2025ean Frantziako hiriburuko pinakotekan izandako bitxi lapurreta handiaren ostean.
Lau urte, Ukrainako gerra hasi zenetik
Ukrainako presidenteak Europaren eta Estatu Batuen arteko batasunari eusteko deia egin du Errusiari aurre egin ahal izateko. Kremlinak, bere aldetik, adierazi du inbasioarekin jarraitzeko asmoa duela, helburu guztiak lortu arte. Errusiak inbasioari ekin zioneko urteurrena dela eta, Europako goi agintariak Ukrainara gerturatu dira babesa adierazteko eta hainbat euskal eragilek ekitaldiak antolatu dituzte, Bilbon eta Iruñean, bakea eskatzeko.
Indarrean sartu da AEBren % 10eko muga-zerga globala
Pasa den ostiralean onartu zen muga-zerga, 1974ko Komertzio Legearen 122 atalaren babespean, zeinak eskumena ematen baitio presidenteari nazioarteko ordainketa arazoei aurre egiteko, errekagu edo inportazio-murrizketa berezien bitartez. AEBko Auzitegi Gorenak baliogabetutako muga-zergen aldean, zerga global hori behin-behinekoa da, eta otsailaren 24tik, gehienez ere, 150 egunez aplikatu ahalko dira.
EBk ez du Errusiaren aurkako zigor gehiagorik onartu, ezta Ukrainari laguntza ematea ere, gerraren laugarren urteurrenaren bezperan
Hungariak betoa jarri die bi akordioei, eta baldintza gisa jarri du Ukrainak bere herrialdeari eta Eslovakiari Errusiako petrolioaren fluxua berrezartzea. Eslovakia ere zigor sorta berriaren aurka agertu da. Bien bitartean, Errusiak bere soldaduak omendu ditu Aberriaren Defendatzaileen egunean.
Indarkeria oldea zabaldu da Mexikon, "El Mencho" Jaliscoko kartel baten burua erail ostean
Nemesio Ruben Oseguera Cervantes "El Mencho" Jaliscoko Nueva Generacion kartelaren burua hil dute AEBko Inteligentziarekin elkarlanean egindako operazio militar batean. Horri erantzunez, narkoblokeoak izan dira Jalisco hegoaldeko hainbat puntutan, ibilgailuei su eman eta errepideak itxi baitituzte. Estatuko gobernuak "kode gorria" aktibatu du eta garraio publikoa eta aurrez aurreko eskolak bertan behera utzi ditu.