Egiptoko Museo Handiaren inaugurazioa, "aurrekaririk gabeko ekitaldi historikoa"
Zibilizazio bakar bati eskainitako gune arkeologikorik handiena dena Gizako lautadan dago, izen bereko piramideetatik bi kilometro eskasera. 50 hektareako azalera du, eta 100.000 pieza baino gehiago daude bertan; Tutankamonen maskara eta Ramses II.a faraoiaren eskultura, besteak beste.
Zibilizazio bakar bati eskainitako munduko gune arkeologikorik handiena, Egiptoko Museo Handia (GEM, ingelesezko sigletan), inauguratuko da larunbat honetan, azaroaren 1ean, eta Egiptok irrikaz begira dago Gizako ordokian piramideetatik bi kilometro eskasera dagoen eraikin ikusgarrira.
Gizako piramideen oinetara, Niloren mendebaldeko ertzean dagoen 50.000 metro karratuko eraikin-multzoan miretsi eta aztertu ahal izango den 100.000 pieza baino gehiagoko bilduma erraldoian nabarmentzekoak izango dira Tutankamonen urrezko maskara eta Ramses II.aren koloso handia.
"Aurrekaririk gabeko gertakari historikoa" da, bai herrialdearentzat, bai kultura unibertsalarentzat, arabiar herrialdeko agintarien arabera.
Mundu osoko ehunka telebista-kate, Interneteko plataforma eta sare sozial, TikTok (ekitaldiaren babesle nagusietako bat) besteak beste, bertan izango dira, ekitaldia zuzen-zuzenean eskaintzeko. Horren edukirik, baina, ez dute aurreratu.
Egiptok mundura zabaldu nahi du bere irudia, eta Egiptoko Museo Handia turismoa eta ospea erakartzeko gune bihurtu. Aurreikuspenen arabera, urtero 5 milioi bisitari erakarriko ditu, Egipto turismo kulturalaren erreferentzia gisa finkatzeko, horren mende baitago, neurri handi batean, herrialdearen ekonomia.
Egiptoko Museo Handia. Argazkia: EFE
Bi hamarkada baino gehiago behar izan dira Egiptoko Museo Handia gauzatzeko, lanak asko luzatu baitira iraultza, pandemia eta krisi ekonomikoen ondorioz. 1.200 milioi dolarreko inbertsioa behar izan da eraikitzeko. Eraikinak triangelu-forma du, eta Keops eta Mikerinosen piramideetara bideratuta dago. Askok pozik hartu dute, ingurumenaren aldetik arduratsua izateaz gain, diseinu berritzailea baitu eta milaka urte dituzten artelanak zaindu eta erakusteko estandar gorenak izan baititu kontuan.
Tutankamonen maskara. Argazkia: Wikipedia
Tutankamonen maskara eta askoz gehiago
Egiptoko Museo Handiak 100.000 pieza baino gehiago bilduko ditu, 7.000 urteko historia hartzen dutenak, Egipto predinastikotik hasi eta greko-erromatarren garaira arte. Horietako 20.000 inoiz jendaurrean erakutsi gabekoak izango dira.
Museoaren erakargarritasun nagusien artean, Tutankamonen objetu-sorta erraldoia dago: 5.398 objektu. Horiek guztiak 7.500 metro koadroko espazio bakar batean bildu dira, faraoi-haurrari eskainitako eremu ikusgarrian. Tutankamonen maskara da, zalantzarik gabe, Egiptoko Museo Handiaren pieza nagusia. Bertan ikusi ahal izango dira, gainera, zeremonia-gurdia, bere hiru sarkofagoak —horietako bat 110 kilo urrez egina—, errege-tronua, bitxiak, sandaliak eta errituak egiteko altzariak, besteak beste.
Ramses II.aren kolosoa. Argazkia: EFE
Egiptoko Museo Handia zenbakitan
Inaugurazioa: Azaroak 1
Jendearteari zabalik: Azaroaren 4tik aurrera (Museoaren zati bat zabalik da duela bi urtetik)
Inbertsioa: 1.200 milioi dolar inguru, Japoniak finantzatua zati handi batean.
Sarreren prezioa:
- Helduak (atzerritarrak): 1.450 libera egiptoar (26 euro inguru)
- Haurrak eta ikasleak (atzerritarrak): 730 libera egiptoar (13 euro inguru)
Zure interesekoa izan daiteke
Nick Reiner atxilotu dute, Rob Reiner zinemagilearen eta Michel Singerren semea, gurasoen heriotzarekin lotuta
Zinema zuzendaria eta bere emaztea hilda agertu ziren igande honetan Brentwoodeko bere egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.
Adierazpen-askatasunak okerrera egin du munduan: % 10, 2012tik
Lehen Mundu Gerran edo Gerra Hotzaren unerik txarrenean izandako beherakadaren pareko da azken urteotakoa. 2022-2025 epean, 185 kazetarik galdu dute bizia, aurreko lau urteetan baino % 67 gehiago.
Kast, Txile demokratikoan boterera iritsi den lehen pinochetista
59 urteko Alderdi Errepublikanoaren burua datorren martxoaren 11tik aurrera delinkuentziaren eta migrazio irregularraren aurkako programa neoliberal bat ezartzeko prestatzen ari da, igandeko hauteskundeetan Jeannette Jara ezkertiarrari tarte handiz irabazi ondoren.
Jose Antonio Kast ultraeskuindarrak irabazi ditu Txileko hauteskundeak
Kastek iragarri du migratzaileak masiboki kanporatuko dituela, migrazioa delitu gisa tipifikatuko duela eta segurtasun goreneko kartzelak eraikiko dituela.
Atzerrian dauden israeldarrei kontuz ibiltzeko eskatu die Gobernuak, Sydneyko erasoaren imitatzaileak egon daitezkeelakoan
Janucaren ospakizuna bertan behera geratu da Moskun eta juduen gurtza lekuen segurtasuna indartzea erabaki du Frantziako Gobernuak.
Zelenski Trumpen ordezkariekin bildu da Berlinen, bake akordioa negoziatzen jarraitzeko
Lehen informazioen arabera, Ukraina prest legoke NATOn sartu gabe geratzeko, Errusiak berriz ere erasotzea eragotziko luketen segurtasun bermeak ematen badizkote. Astelehenean berriz ere bilduko dira bi aldeak.
Australiako hondartza bateko juduen festa batean izandako eraso batek gutxienez 16 hildako eta 40 zauritu utzi ditu
Poliziak erasotzaileetako bat hil du, eta bestea atxilotu egin dute, hil ala biziko egoeran. Poliziak uste du aita-semeak zirela. Bondi hondartzan jazo da erasoa, 2.000 pertsona inguru bildu dituen juduen ospakizun batean.
Bi hildako eta bederatzi zauritu Rhode Islandeko unibertsitate batean izandako tiroketan
Zaurituetako bat egoera kritikoan dago. Poliziak atxilotu egin du susmagarri nagusia.