Trumpek Hungarian bildu nahi du Putinekin, Orbanekin egon ostean esan duenez
Bestalde, Zelenskik esan du ez dakiela Trumpek zer esan nahi duen gatazkari amaiera emateko "urrats nabarmenak" ematen ari direla esaten duenean.
Donald Trump Ameriketako Estatu Batuetako presidentea eta Viktor Orban Hungariako lehen ministroa Etxe Zurian bildu dira ostiral honetan, Hungariak Errusiako petrolioarekiko duen mendekotasuna eta bi herrialdeen arteko balizko akordio ekonomikoak aztertzeko.
Urtarrilean Trumpek agintea berreskuratu zuenetik bi agintariek elkarrekin egin duten lehen bilera izan da. Zehazki, Moskuk Ukrainako gerran baliatzen duen finantziazioa nabarmen murrizteko estrategia aztertzeko egin dute topaketa; izan ere, Europako herrialdeek Errusiaren energia-iturrien erabilera murriztu nahi du AEBko agintariak.
Hungariak Errusiaren energiarekiko menpekotasun handia du oraindik, eta horrek kritikak eragin ditu Europar Batasunean eta NATOn. Orbanek salbuespenak nahi ditu AEBk ezarritako zigor energetikoengatik, eta Washingtonen eta Moskuren arteko bilera sustatu nahi du.
Trumpen eta Orbanen arteko elkarrizketak asko sendotu dira denborarekin, nahiz eta tentsioak egon Hungariako Gobernua Txinatik gertu dagoelako.
Hungaria, gainera, Errusiako energiaren mende dago neurri handi batean: 2024an erabili zuen gasaren % 74 eta petrolioaren % 86 Errusiatik jaso zituen, Nazioarteko Diru Funtsaren arabera. Halaber, horren esanetan, hornidura hori mozteak Hungariako BPGa % 4 baino gehiago murritz dezake, eta herrialdeko ekonomia oraindik ere ahula da, Azerbaijango eta Qatarko gasarekin dibertsifikatzeko ahaleginak egin arren.
Horren aurrean, Volodimir Zelenski Ukrainako presidenteak esan du ez dakiela Trump zertaz ari den gatazkari amaiera emateko "aurrerapauso esanguratsuak" aipatzen dituenean. Ildo horretatik, Trumpek azkenean Tomahawk misilak ematea espero duela adierazi du. "Gai hau mahai gainean dago jada. Denbora kontua baino ez da", gaineratu du.
"Etsaiaren helburua Pokrovsk lehenbailehen okupatzea da", esan du Zelenskik, eta 314 soldadu errusiarrek ukrainarren setioa hautsi dutela eta bertan sartu direla iragarri du.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.