21 palesinar hil eta 83 zauritu ditu Israelek azken 24 orduetan, Gazan
Hamas mugimendu islamista palestinarrak ohartarazi du Gazako su-etena hausteko arrisku handia dagoela azken orduetako erasoen ondorioz, eta goi-mailako ordezkaritza bat bidali du Kairora, nazioarteko bitartekariekin egoera aztertzeko.
Hildako bat, Gazan. Argazkia: EFE
Gazako Osasun Ministerioak jakinarazi du 21 palestnar hil dituela Israelgo Armadak azken 24 orduotan burututako erasoetan. Halaber, zehaztu du urriaren 11n su-etena indarrean jarri zutenetik, 339 lagun hil dituela Israelek.
Igande honetan zabaldutako datuen arabera, bestalde, 83 pertsona zauritu dituzte bart, eta hildako 21 lagunez gain, beste bi hilotz aurkitu dituzte hondakinen artean.
Guztira, 2023ko urriaren 7an Gazan genozidioa hasi zutenetik, 69.756 palestinar hil eta 170.946 zauritu dituzte.
Hamas mugimendu islamista palestinarrak ohartarazi du Gazako su-etena hausteko arrisku handia dagoela azken orduetako erasoen ondorioz, eta goi-mailako ordezkaritza bat bidali du Kairora, nazioarteko bitartekariekin egoera aztertzeko.
Israelgo Armadak Hamaseko goi-arduradunen aurkako bonbardaketak baieztatu ditu sare sozialetan larunbat honetan, eta argudiatu du Gazako Zerrendan Armadaren egungo posizioak markatzen dituen "lerro horia"ren inguruan edo haratago egindako erasoei eta jarduerei erantzuteko izan direla. Eraso larriena Gazako mendebaldean gertatu zen. Israelen eraso batean bost pertsona hil zituzten Rimal auzoan.
Israelek, aldiz, Alaa Hadidi Hamaseko milizien hornikuntza eta arma manufakturako komandantearen aurka egindako erasoa izan zela adierazi du.
Testuinguru horretan, Hamasek ohar bat argitaratu du urriaren 10ean hitzartutako "su-eten akordioaren urraketa sistematiko sionistak" salatzeko. Horren arabera, ehunka lagun hil ditu Israelek "asmaturiko aitzakiapean egindako sarekaden eta hilketen ondorioz".
Benjamin Netanyahu Israelgo lehen ministroak bere ministroen kontseiluaren aurrean astero egiten duen agerraldian, bere militarren erasoak defendatu ditu, eta erasoaldien etena hautsi izana leporatu die Hamaseko miliziei. "Su-etenaz geroztik, Hamasek urratu egin du, eta horren arabera jokatzen ari gara", esan du lehen ministroak.
Zure interesekoa izan daiteke
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira, eta giza-kateak osatu dituzte zentral elektriko eta zubietan. Irango banderak, erresistentziarako aldarriak eta liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.