EBk erabaki du 2027rako Errusiatik gas naturala inportatzeari uztea
Hungariak eta Eslovakiak plana Europar Batasuneko Justizia Auzitegira eramango dutela iragarri dute.
Europar Batasuneko Kontseiluko eta Europako Parlamentuko negoziatzaileek asteazken honetan adostu dutenez, EBk behin betiko utziko dio, 2027ko irailaren amaierarako, Errusiako gas naturala inportatzeari. Gainera, gauza bera egingo du, pixkanaka-pixkanaka, petrolio-inportazioekin; helburua da inportazio horiek urte horretako amaierarako etetea ere.
Gas natural likidotuaren (GNL) inportazioak beranduenez 2026ko abenduaren 31n amaituko lirateke, eta gasbideko gasarenak, berriz, beranduenez 2027ko azaroaren 1ean, Europako Parlamentuak ohar batean adierazi duenez.
Zehazki, erregulazioa indarrean sartu eta sei astera, bi gas-moten inportazioak debekatuko dira, baina lehendik dauden kontratuetarako trantsizio-aldi bat hasiko da: 2026ko apirilera (GLN) edo ekainera (gasbidea) arte 2025eko ekaina baino lehen itxitako epe laburreko hornidura-akordioetarako, eta 2027ko urtarrilaren 1era arte epe luzeko gas natural likidotuko kontratuetarako.
Hungariak, bereziki, presio egin dio Batzordeari Errusiako petrolioaren erosketei eusteko, segurtasun energetikoaren alde eginez, eta ziurtatu du plana Europar Batasuneko Justizia Auzitegira eramango duela, Eslovakiarekin koordinatuta.
Bruselak legegintza-proposamen bat aurkeztuko du datorren urtearen hasieran.
"Aro berri baten egunsentia da, Europak Errusiarekiko independentzia energetiko osoaren aroa", ospatu du Ursula von der Leyen Europako Batzordeko presidenteak prentsari egindako adierazpen batean.
Gobernu komunitarioko buruaren arabera, GNL eta gasbideko gas errusiarraren inportazioak % 45etik % 13ra jaitsi dira Errusiak Ukraina inbaditu zuenetik; petrolioa, % 26tik % 2ra; eta ikatza, % 51tik zerora.
Von der Leyenek adierazi duenez, Europar Batasunaren independentzia energetikoa sustatzeaz gain, Errusiako erregai fosilak erosteari uzteak Moskuk gerra egiteko erabiltzen dituen diru-sarrerak murrizten ditu.
"Gerraren hasieran, hilean 12.000 milioi euro ordaintzen genizkion Errusiari erregai fosilengatik. 1.500 milioira jaitsi gara, eta oraindik asko da. Helburua zerora jaistea da", esan du alemaniarrak.
Europako Batzordeak azaldu duenez, EBko herrialdeek, beranduenez, 2026ko martxoaren 1ean aurkeztu beharko dituzte "dibertsifikaziorako plan nazionalak, gas eta petrolio hornidurak dibertsifikatzeko neurriak deskribatzen dituztenak", eta erregelamendua indarrean sartu eta hurrengo asteetan Batzordeari jakinarazi beharko diote Errusiako gasa hornitzeko kontratuak edo indarrean dauden legezko debeku nazionalak dituzten.
Zure interesekoa izan daiteke
Bizitza ospatzea erabaki dute Gazan 54 bikotek ezkontza masibo batean
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batzuek antolatu dute, eta esperantzaren sinbolotzat hartu.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.
Tentsioa gorenean da Hegoaldeko Txinako Itsasoan, defentsa eta botere militarraren bidegurutzean
Estatu Batuetako eta Txinako indarren artean talka arriskua eragin dezakeenik badago, Hegoaldeko Txinako Itsasoa da. Pekinek ur horien zati bat beretzat nahi du, bederatzi puntuko lerro bat eginez, Taiwan, Filipinetako zati bat eta uharte artifizialak eraiki dituen uhartetxoak barne. Horrek talka egiten du hainbat herrialderen subiranotasunarekin, hala nola Filipinak, Vietnam eta Malaysia. Horren aurrean, AEBk presentzia militarra sendotu du eremu horretan. Mikel Reparaz, EITBren Nazioarteko arloburua, bertan izan da.
Trumpek Venezuelatik ateratzeko iragan ostiralera arteko epea eman zion Madurori
Ameriketako Estatu Batuetako presidenteak baztertu egin zituen Venezuelako presidenteak herrialdea uzteko mahai gainean jarritako baldintzak. Ultimatuma amaituta, Venezuelako aire eremua itxi egingo zuela iragarri zuen Trumpek.
Gutxienez 631 pertsona hil dira Indonesian uholdeen ondorioz, eta milioi bat pertsona etxetik atera dituzte
Gutxienez milioi bat pertsona etxetik atera dituzte Sumatrako uhartean (Indonesia). Bitartean, agintarien arabera, 631 pertsona hil dira honezkero, eta 472 daude agertu barik. Gune horretan bizi diren 3,3 milioi pertsona inguru jo ditu aste honetako denboraleak.
Europako liderren babesa bilatu du Zelenskik Macronekin izan duen bileran, "gerrari amaiera justu eta luzarokoa" emateko
Bi agintariek bideokonferentzia bidezko bilera egin dute Steve Witkoff AEBko negoziatzailearekin. Ondoren, Europako hainbat liderrekin hitz egin dute, gerraren amaierari begira “koordinatzeko” eta “epe luzerako segurtasun bermeak” lotzeko.