Australiako hondartza bateko juduen festa batean izandako eraso batek gutxienez 16 hildako eta 40 zauritu utzi ditu
Poliziak erasotzaileetako bat hil du, eta bestea atxilotu egin dute, hil ala biziko egoeran. Poliziak uste du aita-semeak zirela. Bondi hondartzan jazo da erasoa, 2.000 pertsona inguru bildu dituen juduen ospakizun batean.
Gutxienez 16 pertsona hil eta 40 zauritu dira gaur Australiako Sydney hiriko Bondi hondartzan, tiroka egindako eraso batean. Poliziak erasotzaileetako bat hil du, eta bestea atxilotu egin dute, baina oso larri dago. Australiako Poliziak aita-semeak direla uste dute, eta "atentatu terrorista"tzat jo du gertatutakoa.
Erasoa igande honetan jazo da, Australian 18:45 zirenean (08:45, Euskal Herrian), bi gizon armatu hondartza inguruan bildutako pertsonen aurka tiroka hasi direnean.
"Komunitate juduaren aurkako eraso terroristatzat jotzen dut gertatutakoa", esan du Mal Lanyon Hegoaldeko Gales Berriko komisarioburuak Chris Mimms estatuko lehen ministroarekin batera kazetarien aurrean egin dituen adierazpenetan.
Anthony Albanese lehen ministroak "Australiarentzako egun ilun hau" gaitzetsi du prentsaurrekoan. "Bondin lehertu den ankerkeria ezin da ulertu, gaur gauean hainbat eta hainbat familia pairatzen ari diren trauma eta galera amesgaiztorik txarrena baino haratago doa", adierazi du.
Erasoa gertatu den lekuan juduen ospakizun bat hastear zen. 2.000 pertsona inguru bildu dira bertan horren inguruan.
Herritar batek erasotzaileetako bati aurre egin eta geldiaraztea lortu du. Irudiak biralizatu egin dira eta gizona heroi nazional bihurtu da.
Antonio Guterres NBEko idazkari nagusiak gaitzetsi egin du "Sydneyn bildutako familia juduen aurkako eraso lazgarri eta hilgarria".
Halaber, Ursula von der Leyen Europako Batzordeko presidenteak elkartasuna adierazi die komunitate juduari eta Australiari tiroketaren berri izan ostean: "Bondi hondartzako eraso tragikoak hunkitu egin nau, eta doluminak helarazi nahi dizkiet biktimen familiei eta gertukoei. Europak elkartasuna adierazi nahi die Australiari eta mundu osoko komunitate juduei. Bat egiten dugu indarkeriaren, antisemitismoaren eta gorrotoaren aurka".
Netanyahuk Sydneyko erasoa Australiak estatu palestinarra aitortzeari egotzi dio
Bejamin Netanyahu Israelgo lehen ministroaren iritziz, Australiak egindako "Estatu palestinarraren aldeko deiak" zerikusia du tiroketarekin.
Netanyahuk ohar batean azaldu duenez, abuztuaren 17an gutun bat bidali zion Anthony Albanese Australiako presidenteari, bere gobernuak "antisemitismoa sustatzen" zuela ohartarazteko.
Zure interesekoa izan daiteke
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.