Trumpek Groenlandiari buruzko erasoa areagotu du, adimen artifizialak egindako irudiak erabilita, Davosera iritsi aurretik
"Davos interesgarri oso izango da", aurreratu du presidenteak, bere hitzen eta keinuen aurrean ikusminak markatutako goi-bileran.
Donald Trump Davoseko Munduko Ekonomia Forora iritsiko da, eta Groenlandia izango du nazioarteko gai nagusi gisa. Bere mintzaldirako egun gutxi falta direnean, AEBko presidenteak areagotu egin du erasoaldi politiko eta sinbolikoa. Adimen artifizialak sortutako irudi bat zabaldu du Truth Socialen. Bertan, uhartea Estatu Batuetako lurralde modura agertzen da, anexio data 2026an ezarria duelarik.
Trumpek dio Groenlandia kontrolatzea “nahitaezkoa” dela AEBren eta munduaren segurtasunerako, eta “atzera martxarik” ez dagoela dio; Txinak eta Errusiak Artikoan ustez duten mehatxua era aipatu du.
Mandatariak iragarri du Davosen inplikatutako “aldeekin” bilduko dela, duela gutxi Mark Rutte NATOren idazkari nagusiarekin hitz egin duela azpimarratu ostean; Trumpek berak filtratutako mezuen arabera, “irtenbide” bat bilatzeko prest agertu da Rutte.
Trumpek Davosen du hitzordua Rutterekin, Groenlandiari buruz hitz egiteko. Argazkia: EFE.
Groenlandiakoaz gain, Trumpek adimen artifizialarekin sortutako beste argazki bat argitaratu du: Bulego Obalean Europako buruzagiekin egindako bilera batean agertzen da Groenlandia, Kanada eta Venezuela Estatu Batuetako banderapean erakusten dituen mapa batekin. Trumpek bere mezu espantsionista indartu eta polemika diplomatikoa eragin nahi du horrela.
Adimen artifizialak sortutako eta Donald J. Trump presidenteak Truth Social sare sozialean duen kontuan argitaratutako argazkia.
Trumpek egindakoek tirabirak sortu dituzte hainbat aliaturekin. Emmanuel Macron Frantziako presidenteak ez du ulertzen Washingtonek Groenlandiari buruz egin dituen mugimenduak, eta G7aren goi-bilera bat proposatu du Parisen, Danimarkaren, Ukrainaren eta Errusiaren parte-hartzearekin. Aldebiko tentsioa areagotu egin da, gainera, Trumpek Frantziako ardoaren eta xanpainaren gainean % 200eko muga-zergak ezartzeko mehatxua egin duelako.
Macronek eta Ruttek Groenlandiari buruz bidali zioten mezua filtratu du Trumpek. EFE.
Bestalde, AEBko presidenteak Erresuma Batua kritikatu du Chagos uharteak Mauriziori uzteagatik, eta adimen artifizialaren irudietara jo du berriz ere, AEBren ikuspegi espantsionista erakusteko, bere lurraldea Kanadara eta Venezuelara zabaltzen duten mapak barne. “Davos interesgarria izango da oso”, aurreratu du presidenteak, bere hitz eta keinuen aurrean ikusminak markatutako goi-bileran.
Zure interesekoa izan daiteke
Israel UNRWAk Jerusalem ekialdean dituen eraikinak suntsitzen hasi da
Israelgo Atzerri Ministerioak erasoa justifikatu du "Israelgo Estatua Jerusalemgo Unrwa konplexuaren jabea" dela esanda. Jonathan Fowler UNRWAren bozeramaileak, bere aldetik, azpimarratu du eraikin multzo hori "Nazio Batuen egoitza" dela.
Sarekadak, deportazioak, inflazioa, langabezia... Horrela aldarazi du Trumpek AEB, urtebetean
AEBko gizartea polarizatuta zegoen duela urtebete, baina arrakala hori are gehiago zabaldu da azken 12 hilabete hauetan. Mikel Reparaz EITBren nazioarteko buruak Trump Etxe Zurira iritsi zenetik AEBko barne politikaren aldaketaren gakoak aletu ditu.
Kieveko zati bat argi, ur eta berokuntzarik gabe geratu da, -12 gradu direla, Errusiak abiatutako eraso zabal baten ondorioz
Gaur goizaldekoa Errusiak Kieveko energia-azpiegituraren aurka egindako hirugarren eraso handia da, urtarrilaren 9az geroztik. Izan ere, misilekin eta droneekin egindako beste bonbardaketa batek ia hiru egunez argirik eta berkuntzarik gabe utzi zuen hiriaren zati handi bat, gaur arte jarraitzen duen hotz-bolada hasi zenetik.
Trumpen "praktika autoritarioek" giza eskubideen "higadura" eragin dutela ohartarazi du Amnistia Internazionalak
Donald Trump Etxe Zurira bigarrenez iritsi zenetik urtebete betetzen den honetan, txosten bat argitaratu du gobernuz kanpoko erakundeak. Dokumentu horretan jasotzen denez, gizarte askeen oinarriak "ahultzen" ari dira, eta horren adibide jarri ditu adierazpen askatasunaren, oposizioaren eta oro har kritiko direnen kolektiboen aurkako erasoak.
Danimarkak eta Groenlandiak NATOk uhartean misio bat egitea eskatu diote Mark Rutteri
Bruselan egindako bileraren ostean, Danimarkako Defentsa ministroak adierazi du AEBk Groenlandia bereganatzeko duen asmoaren ondorioz herrialdeak are beharrezkoagotzat jo duela eskualdearen Defentsan inbertitzea.
Kanpainan agindutakoa betetzen ari da Trump, baina bizimoduaren kostua murriztea kostatzen ari zaio
Donald Trump boterera itzuli zenetik urtebete betetzen den honetan, EITBk Pennsylvaniako Lancaster konderria bisitatu du. Azken hauteskunde presidentzialetan Donald Trump garaile argia izan zen bertan. Datuek bizimodua gero eta garestiagoa dela erakusten duten arren, Trumpen boto-emaileek denbora eman behar zaiola diote.
Trumpek ohartarazi duenez, ez duenez Nobel saria lortu, ez dago "bakean soilik pentsatzera behartuta"
AEBko presidenteak Norvegiako lehen ministroari bidalitako gutun batean azaldu duenez, "orain AEBren onerako" jardungo du, eta "NATOren alde beste edonork baino gehiago" egin duela gaineratu du.
EBko herrialdeak deituko ditu Costak datozen egunetan, Trumpi erantzun bateratua emateko
Igande honetan Europako enbaxadoreekin izandako bileraren ostean, Europako Kontseiluko presidenteak azpimarratu du EBko herrialdeak prest daudela "edozein hertsapenen" aurrean bere burua defendatzeko, baina baita "interes komuneko gai guztietan AEBrekin modu eraikitzailean hitz egiten jarraitzeko ere".
Ia 4.000 hildako eta 9.000 zauritu izan dira Irango protestetan, GKE baten azken balantzearen arabera
HRANAk (Human Righs Activists News Agency) eman du kopuru hori; eta IHRNGOren arabera (Iran Human Rights), berriz, 3.428 dira hildakoak. Gainera, Interneteko zerbitzuak etenda jarraitzen du.