Europako Parlamentuak EB-Mercosur akordioa geldiarazi eta Europako justiziara bidali du
Europar Batasunak Hego Amerikarekin duen merkataritza libreko akordio polemikoa blokeko auzitegi gorenera bidaltzearen alde bozkatu du asteazken honetan Europako Parlamentuak, Batasuneko itunekin bateragarria den azter dezan. Bi urte ere jo dezake prozesuak, eta, akordioa ezereztera ere irits liteke.
Europako Parlamentuak Europar Batasunaren eta Mercosurren arteko merkataritza akordioa Europar Batasuneko Justizia Auzitegira (EBJA) bidaltzea erabaki du asteazken honetan, Europar Batasuneko gorteak EBko itunekin bateragarria den azter dezan. Erabaki horren ondorioz, tramitazioa geldiarazi da, epaileek beren iritzia eman arte; bi urte ere jo dezake prozesuak, eta akordioa ezereztera ere irits liteke.
Aldeko 334 botorekin, kontrako 324rekin eta hamaika abstentziorekin, Europako Parlamentuak oniritzia eman dio asteburuan Mercosurrekin sinatutako akordioak Europar Batasuneko itunak errespetatzen ote dituen zalantzan jartzen duen eta europako ezkerrak bultzatutako mozioari.
Ezbaian dago, batetik, akordioak barne hartzen duen oreka-mekanismoaren legez baliozkoa den —izan ere, hainbat eurodiputaturen ustez, Europar Batasunaren autonomia arautzaileari eragin dioezaioke—, eta, bestetik, hura onartzeko aukeratutako lege-oinarria, merkataritzan oinarritutako akordioaren kapituluak estatuetako parlamentue baimendu gabe onartu ahal izatea ahalbidetzen baitu.
Europar Batasuneko Justizia Auzitegiaren arabera, horrelako kontuen inguruko iritziak emateko 18 eta 24 hilabete artean behar izaten dituzte, batez beste, baina Gorteak "erabateko kontrola" du prozeduren gainean, eta "egoerak hala eskatzen duenean, lehentasuna eman diezaioke iritzi-eskaera bati".
Europako Parlamentuko hainbat kidek bezperan ohartarazi zuten bozketa oso estua izango zela, eta testua EBJAra bidalita akordioaren berrespena atzeratzearen aurkako jarrera agertu zuten, bereziki Donald Trumpek Groenlandiara tropak bidaltzeagatik egindako muga-zergen mehatxuen aurrean.
Europar Batasunak inoizko merkataritza itunik handiena sinatu zuen larunbatean Mercosurreko kide diren Argentina, Brasil, Paraguai eta Uruguairekin.
Igandean Paraguain ituna sinatzen izan zen Ursula von der Leyen Europako Batzordearen presidenteak gaurko saioan une "historiko" gisa defendatu du ituna osoko bilkuraren aurrean. Bozketaren ostean, erabakia deitoratu du, eta egoera aztertuko duela esan du, xehetasun gehiago eman aurretik.
Olof Gill EBren Merkataritzako bozeramaileak prentsaurreko batean esan duenez, Bruselaren iritziz, Europako Parlamentuak EBJAra jotzea "ez dago justifikatuta", eurodiputatuen kezka eta zalantzei erantzuteko Europa mailako neurriak hartu baitira.
Zure interesekoa izan daiteke
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko bide bakartzat.
Mundua Ormuzera begira dagoen bitartean, gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzeko itsasartean eta, ez kentzekotan, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.
Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.