EBko 27en buruzagiak gaur bilduko dira erantzun bateratua adosteko, Trumpek mehatxuak erretiratu dituen arren
Washingtonekin gerra komertziala berriz irekitzea edo Trumpen "hertsaduraren" aurrean koertzioaren aurkako mekanismoa aktibatzea baloratu dute egunotan. Atzo, ordea, AEBko presidenteak iragarri zuen Europari muga-zerga berriak ezartzeko mehatxua bertan behera utziko zuela.
Bilera Antonio Costa Europako Kontseiluko presidenteak deitu zuen astearen hasieran. Argazkia: Europa Press
Europar Batasuneko 27 kideetako estatuburu eta gobernuburuak gaur bilduko dira Bruselan, Europako Kontseilu berezi batean. Horretan, Groenlandiaren harira AEBk egindako mehatxuen aurrean jarrera bateratua adostea aurreikusten dute. Antonio Costa Europako Kontseiluko presidenteak deitu du bilera, Washingtonen “presioaren” aurrean hartu beharreko neurriak adosteko.
Mahai gainean izango dituzte, besteak beste, AEBrekin gerra komertziala berriro irekitzea edo koertzioaren aurkako mekanismoa aktibatzea. Hala ere, bilera honen bezperan, Donald Trump presidente estatubatuarrak iragarri zuen Europari muga-zerga berriak ezartzeko mehatxua bertan behera utziko zuela.
Goi-bilera Groenlandia kontrolatzeko asmoa adierazi izanak sortutako tentsioaren testuinguruan egingo dute. Izan ere, Danimarkaren menpeko lurralde horren inguruko Trumpen adierazpenek krisi politikoa piztu dute Ebren eta AEBren artean.
EBko buruzagiak azken egunotan harremanetan egon dira Davosen, bertan egiten ari den Munduko Ekonomia Foroaren harira, baina Bruselako bilera honetan finkatuko dute Batasunak AEBren aurrean izango duen estrategia. Ursula von der Leyen Europako Batzordeko presidenteak, esaterako, Davosera ez itzultzea erabaki du, goi-bilera “oso garrantzitsu” honen prestaketan buru-belarri aritzeko.
Nolanahi ere, buruzagiek bestelako hainbat gai ere jorratuko dituzte, hala nola AEBk antolatutako Gazako Zerrendarako Bake Batzarrean EBk parte hartzeko aukera. Dagoeneko kide batzuek, Frantziak kasu, gonbidapen horri uko egin diote, Nazio Batuen printzipioak zalantzan jartzen dituelakoan.
Danimarkarekiko eta Groenlandiarekiko babesa
Europako Kontseiluko presidenteak azaldu duenez, adostasuna dago Nazioarteko Zuzenbidearen, lurralde-osotasunaren eta subiranotasun nazionalaren defentsan. Ildo horretan, Danimarkarekiko eta Groenlandiarekiko elkartasuna berretsi dute estatu kideek, eta adierazi dute Artikoko segurtasuna NATOren bidez bermatu behar dela.
Azken asteetan, Trumpek EBko sei herrialderi muga-zerga berriak ezartzeko mehatxua egin du behin eta berriz, eta europar buruzagiek irmotasunez erantzuteko beharra azpimarratu dute. Orain, ordea, AEBko presidenteak mehatxu horiek baztertu dituela iragarri ostean, ikusteke dago zer neurri zehatz adostuko dituzten etorkizuneko balizko presioei aurre egiteko.
Tresna komertzialak mahai gainean
Europako Parlamentuan egindako agerraldian, Costak adierazi zuen Europar Batasunak “tresnak eta gaitasuna” dituela edozein presio ekonomikori aurre egiteko. Horien artean dago Washingtonekin sinatutako merkataritza-akordioa bertan behera uztea eta joan den udaz geroztik etenda dauden 93.000 milioi euroko muga-zergak berriro aktibatzea.
Beste aukera bat koertzioaren aurkako mekanismoa da, EB behartzeko presio ekonomikoa erabiltzen duten hirugarren herrialdeei zigorrak ezartzeko aukera ematen duena. Tresna indartsua da, baina prozedura luzea duenez, ez litzateke berehalako erantzuna izango.
Gainera, azken asteotan pilatu diren beste gai batzuk ere mahai gainean jar daitezke, hala nola AEBk Venezuelan egindako operazio militarra, Irani ezartzeko prestatzen ari diren zigorrak edo Ukrainako bake-negoziazioak, besteak beste.
Zure interesekoa izan daiteke
Groenlandiako krisiari amaiera eman behar dion aurreakordioaren lau oinarriak
Asteazkenean AEBk eta NATOk Davosen (baina Munduko Ekonomia Forotik at) lortutako aurreakordioa lau zutabetan oinarritzen da. Horren barruan, Artikoko uhartean "Urrezko Kupula" misilen kontrako ezkutua eraikitzeko AEBko tropak ezartzeko akordioa birnegoziatzea eta Danimarkako lurralde autonomoan inbertsioak kontrolatzea sartzen dira.
Rutteren esanetan, Groenlandiako subiranotasuna "ez zen eztabaidatu" Trumpekin Davosen izandako bileran
Danimarkako Gobernuak "txalotu" egin du Trumpek "Groenlandia indarrez hartzea baztertu eta gerra komertziala bertan behera utzi izana". Mette Frederiksen Danimarkako lehen ministroaren esanetan, "gai politiko guztien inguruan negozia dezakegu: segurtasuna, inbertsioak, ekonomia. Baina ezin dugu gure subiranotasunaren inguruan negoziatu".
Europako Parlamentuak justiziara eraman du EB-Mercosur akordioa: orain zer?
Europar Batasuneko Justizia Auzitegiak 18 eta 24 hilabete bitartean eman ditzake erabakia hartzeko.
NATOrekin Groenlandiari buruzko aurreakordioa iragarri du Trumpek, eta muga-zergen mehatxua erretiratu du
Bestalde, Davosen egiten ari diren foro ekonomikoan eman duen hitzaldian, AEBko presidenteak ziurtatu du ez duela indarra erabili nahi Groenlandia bereganatzeko, baina erosi nahi duela berretsi du.
AEBko agintaldi erdiko hauteskundeak, Trumpen hurrengo "hordagoa"
Mid term hauteskundeak, edo agintaldi erdikoak, azaroko lehen astelehenaren ondorengo asteartean egiten dira, hauteskunde presidentzialik ez dagoen urteetan. Ordezkarien Ganberako kide guztiak aukeratzen dira (bi urterik behin berritzen da erabat), eta Senatuaren heren bat (sei urterako aukeratzen dira).
Europako Parlamentuak EB-Mercosur akordioa geldiarazi eta Europako justiziara bidali du
Europar Batasunak Hego Amerikarekin duen merkataritza libreko akordio polemikoa blokeko auzitegi gorenera bidaltzearen alde bozkatu du asteazken honetan Europako Parlamentuak, Batasuneko itunekin bateragarria den azter dezan. Bi urte ere jo dezake prozesuak, eta, akordioa ezereztera ere irits liteke.
Timothy Busfield aktorea digitalki ezabatuko dute bere hurrengo filmetik, haurrei sexu-abusuak egin izana leporatu diotela-eta
Urtarrilaren 9an Busfield atxilotzeko agindua eman zen adingabe baten aurkako sexu-abusuak egitea egotzita, eta handik egun batzuetara bera agertu zen agintarien aurrean. Mendekua dela dio, eta adingabeen gurasoek iruzurren historia luzea dutela. Epaile batek bere erantzukizunpean aske uztea agindu du, epaiketaren zain.
Trumpek ez du Macronen proposamena onartu eta ez du G7aren goi bileran parte hartuko
AEBko presidenteak hori erantzun dio G7aren ezohiko goi bileran parte hartzeko Frantziako estatuburuak egindako proposamenari. Trumpek ez du onartu, Parisen, Errusiaren parte-hartzearekin, egingo den bilerara joatea, uste baitu Macroni "gutxi" geratzen zaiola Eliseoan.
Macron, Davosen: "Ez gara kikildu behar Estatu Batuen mehatxuen aurrean"
“Koherentziaz jokatu ezean”, NATO “ahuldutako erakundea” dela ohartarazi du Frantziako presidenteak.