Gazarako Bake Batzordea eratzeko akta sinatu du Trumpek Davosen
Hogei bat estatuburuk eta gobernuburuk babestuta, Donald Trump AEBko presidenteak ofizialki aurkeztu du ostegun honetan Bake Batzordea, Washingtonek Gazako Zerrendan su-etena gainbegiratzeko eta eskualdearen egonkortasuna bermatzeko bultzatuko duen erakundea. Trumpek adierazi du batzordeak "arrakasta" izango duela eta, ondoren, bere jarduna beste eremu batzuetara ere zabaldu ahal izango dela.
Davoseko Munduko Ekonomia Foroan egindako ekitaldi batean, AEBko agintariak esan du bere Administrazioak sortutako erakundeak "arrakasta handia" izango duela Gazan, Hamas Erresistentzia Islamikoaren Mugimenduaren desmilitarizazioa gauzatuko dela azpimarratu ostean. "Hamasek agindutakoa betetzen ez badu, bere amaiera izango da", ohartarazi du.
Ildo horretan, Bake Batzordeak Ekialde Hurbil osoaren egonkortzea sustatuko duela adierazi du. "Uste dut gertatuko dela: hamarkada askotako sufrimenduari amaiera emango dio, gorrotoaren belaunaldiak eta odol-isuriak geldituko ditu, eta bake eder, iraunkor eta loriatsua ekarriko du eskualde osorako", esan du.
Ondoren, Trumpek adierazi du erakundeak bere irismena zabaldu eta "beste gauza asko" egin ahal izango dituela. "Batzordea erabat osatuta dagoenean, nahi dugun guztia egin ahal izango dugu", esan du, eta Gazako Zerrendan dituen helburuak lortu ahala, erakundea "hedatu" ahal izango dela gaineratu du.
Estatu Batuetako agintariak Nazio Batuen Erakundea ordezkatzeko asmoa izan dezakeela iradoki bada ere, Trumpek Davoseko Foroan azpimarratu du Bake Batzordeak NBErekin "elkarlanean" jardungo duela. "Beti esan dut Nazio Batuek potentzial handia dutela, baina ez dute behar bezala aprobetxatu", adierazi du.
Horrela, bi erakundeak "uztartzearen" aldeko apustua egin du, "munduarentzat oso baliagarria izan daitekeen egitura bakarra osa daitekeelako", eta azpimarratu du batzordea nazioarteko komunitate osoaren zerbitzura dagoela, ez soilik Estatu Batuen esku.
Bere hitzaldiaren ondoren, Bake Batzordea eratzeko akta sinatu dute kideek, besteak beste Hungaria, Bulgaria, Maroko, Jordania, Kazakhstan, Kosovo, Pakistan, Qatar, Paraguai, Saudi Arabia, Turkia, Uzbekistan eta Arabiar Emirerri Batuetako ordezkariek.
Hamasek "irmo" gaitzetsi du Netanyahu Bake Batzordean sartzea
Hamasek "irmo" gaitzetsi du ostegun honetan Benjamin Netanyahu Israelgo lehen ministroa Bake Batzordean sartu izana. Erakunde islamikoaren esanetan, erabaki hori "justiziaren eta erantzukizunaren printzipioen aurkakoa" da.
Netanyahuk atzo onartu zuen Trumpen eskaintza. Horrela, Israelgo lehen ministroak, bi urte baino gehiagoko erasoaldiaren ondoren eta oraindik Gazan tropak eta okupatutako lurraldeak mantentzen baditu ere, "gainbegiratze estrategikoa emateko, nazioarteko baliabideak mobilizatzeko eta erantzukizunak bermatzeko ardura duen organoko kide" izango da, Etxe Zuriaren arabera, Gaza gatazkatik bake eta garapenera igarotzen den bitartean.
Zure interesekoa izan daiteke
Trumpek esan du Zelenskirekin izan duen bilera "ona" izan dela
Donald Trump AEBko presidenteak Volodimir Zelenski Ukrainako buruzagiarekin Davosen egindako bilera amaitutakoan adierazi duenez, Ukrainako gerraren amaiera aztertzeko bilera "ona" izan da, eta bi aldeek bakea lortu nahi dutela esan du.
Defentsa gastua % 5era ez igotzeagatik "aprobetxategi" galanta izatea leporatu dio Trumpek Espainiari
"NATOren ia aliatu guztien konpromisoa dut Defentsara bideratzen duten gastua (BPGaren) % 5era igotzeko; guztiena, Espainiarena izan ezik... Ez dakit zer gertatzen den Espainiarekin", adierazi du Trumpek Davosen, Bake Batzordea eratzeko ekitaldian.
Trumpek berak sustatu duen Bake Batzordearen eratze-akta sinatu du
Davosko Foroaren (Suitza) auditorium nagusian egin da gaur goizean Bake Batzordea eratzeko ekitaldia. Hasiera batean, Gazarako bake plana ikuskatzeko sustatu du, baina orain beste gatazka batzuetara ere zabaldu nahi du.
Groenlandiako krisiari amaiera eman behar dion aurreakordioaren lau oinarriak
Asteazkenean AEBk eta NATOk Davosen (baina Munduko Ekonomia Forotik at) lortutako aurreakordioa lau zutabetan oinarritzen da. Horren barruan, Artikoko uhartean Urrezko Kupula izeneko misilen kontrako ezkutua eraikitzeko AEBko tropak ezartzeko akordioa birnegoziatzea eta Danimarkako lurralde autonomoan inbertsioak kontrolatzea sartzen dira.
Rutteren esanetan, Groenlandiako subiranotasuna "ez zen eztabaidatu" Davosen Trumpekin izandako bileran
Danimarkako Gobernuak "txalotu" egin du Trumpek "Groenlandia indarrez hartzea baztertu eta gerra komertziala bertan behera utzi izana". Mette Frederiksen Danimarkako lehen ministroaren esanetan, "gai politiko guztien inguruan negozia dezakegu: segurtasuna, inbertsioak, ekonomia. Baina ez dugu gure subiranotasunaren inguruan negoziatuko".
EBko 27en buruzagiak gaur bilduko dira erantzun bateratua adosteko, Trumpek mehatxuak erretiratu dituen arren
Washingtonekin gerra komertziala berriz irekitzea edo Trumpen "hertsaduraren" aurrean koertzioaren aurkako mekanismoa aktibatzea baloratu dute egunotan. Atzo, ordea, AEBko presidenteak iragarri zuen Europari muga-zerga berriak ezartzeko mehatxua bertan behera utziko zuela.
Europako Parlamentuak justiziara eraman du EB-Mercosur akordioa: orain zer?
Europar Batasuneko Justizia Auzitegiak 18 eta 24 hilabete bitartean eman ditzake erabakia hartzeko.
NATOrekin Groenlandiari buruzko aurreakordioa iragarri du Trumpek, eta muga-zergen mehatxua erretiratu du
Bestalde, Davosen egiten ari diren foro ekonomikoan eman duen hitzaldian, AEBko presidenteak ziurtatu du ez duela indarra erabili nahi Groenlandia bereganatzeko, baina erosi nahi duela berretsi du.
AEBko agintaldi erdiko hauteskundeak, Trumpen hurrengo "hordagoa"
Mid term hauteskundeak, edo agintaldi erdikoak, azaroko lehen astelehenaren ondorengo asteartean egiten dira, hauteskunde presidentzialik ez dagoen urteetan. Ordezkarien Ganberako kide guztiak aukeratzen dira (bi urterik behin berritzen da erabat), eta Senatuaren heren bat (sei urterako aukeratzen dira).