Abu Dhabin bildutako negoziatzaile errusiarrek eta ukrainarrek "lagunak" ziruditen, eta datorren astean bilduko dira berriro, AEBen arabera
Dena aurreikusitakoaren arabera joango balitz, bi aldeak datorren igandean bilduko lirateke berriro. Estatubatuarrek uste dute gatazkaren amaiera gertu dagoela.
Hiruko bilera, Abu Dhabin. Argazkia: EFE
Larunbat honetan Ukrainako gerrari amaiera emateko hiru aldeko negoziazioen lehen txanda izan da Abu Dabin (Arabiar Emirerri Batuak). Topaketa amaituta, Errusiako eta Ukrainako negoziatzaileek "ia lagunak" ziruditela esan dute AEBko bitartekariek, eta datorren astean beste bilera bat egiteko asmoa dutela ere iragarri dute.
"Sarraski ugari izan dira, heriotza asko, baina errespetu handia ikusi dugu bi aldeen artean, benetan irtenbideak aurkitu nahi zituztelako", esan die hedabideei funtzionario estatubatuar batek.
"Datorren asteko igandean, Jainkoak nahi badu, beste bilera bat egongo da akordio hau azken amaierarantz eramateko", aurreratu du.
Borrokak aurrera darraio
Bien bitartean, gutxienez pertsona bat hil da eta lau zauritu dira larunbat goizaldean Errusiako Armadak Kieven, Ukrainako hiriburuan, egindako eraso masibo baten ondorioz, bertako agintariek jakitera eman dutenez.
"Oraingoz hildako bat eta lau zauritu daudela jakin dugu. Zaurituetako hiru ospitaleratu egin dituzte. Hiriburuaren ezkerraldean berokuntza eta ur hornidura etenaldiak daude", adierazi du Vitali Klitxko Kieveko alkateak Telegram bidez zabaldutako mezu batean.
Zure interesekoa izan daiteke
Ordezkari ugarik NBEren batzarra utzi dute Netanyahuren hitzaldia hastean
Trumpek elkarrekin lan egitea eskaini dio Xi Jinpingi, bi herrialdeentzat "etorkizun hobea" lortzeko
Kontrola galdu aurretik AA arautzeko beharraz ohartarazi dute gobernuek eta adimen artifizialaren sektoreko buruek
CNN, MSNBC eta Politico hedabideei Etxe Zurira sartzen utz diezaiela agindu dio epaile batek Trumpi
Harvey Weinstein berriz zigortu dute: 15 urteko espetxealdia emakume baten aurkako sexu-erasoagatik
Pezexkianek terrorismoa egitea leporatu die Estatu Batuei eta Israeli, NBEren batzarrean
Iranek eta AEBk batzarra egin dute New Yorken, negoziazio prozesuari berrekiteko ahaleginean
Delcy Rodriguezek historikotzat jo du Trumpekin izandako bilera, eta emandako "babesa" eskertu dio
Trumpek uste du azaroko hauteskundeen ostean akordioa lortuko duela Iranekin, herrialdea “suntsitzeko” mehatxua bota du hala izan ezean
