Protestak AEB osora zabaldu dira, ICEk Minneapolisen gizon bat tiroka hil ostean
Bertako gobernadoreak gertatutakoari buruzko ikerketa iragarri du: "Ezin da gobernu federalaz fidatu ikerketa hau egiteko. Estatuak egingo du. Kito".
Ehunka pertsona bildu dira larunbatean Los Angelesen, New Yorken, Seattlen, Washington DCn eta Chicagon, besteak beste, ICEko agenteek Alex Jeffrey Pretti Minneapolisen tiroz hil dutela salatzeko.
Hilketa egin duten herrian ere izan dira protestak, eta herrialde osora zabaldu dira, ICEren aurkako mezuak zabaldu eta hildakoaren omenezko ekitaldiak eginez.
Washingtonen, esaterako, ehunka pertsona manifestazioan joan dira Segurtasun Nazionaleko Departamentuaren eraikinerantz, eta "lotsa" izan da gehien errepikatu duten leloa.
Protestarik jendetsuenak New Yorken, Los Angelesen eta Chicagon izan dira. Hain zuzen ere, leku horietan ere zabaldu nahi du Guardia Nazionala Donald Trump AEBko presidenteak, eta Minnesotako migranteen kontrako sarekaden aurkako mobilizazioak egin dituzte.
Ostiralean, milaka pertsonak Minneapolisko kaleak hartu zituzten azken asteetan ICEren operazioetan egindako gehiegikeriak salatzeko, urtarrilaren 7an agente federal batek Renee Nicole Good tiroz hil ostean.
Ostiraleko mobilizazioak protesta handiko egun batean egin zituzten. Herritarrak grebara deitu zituzten lan, hezkuntza eta kontsumo alorretan, "gobernu federalaren ekintzen aurka egiteko", ICE Out for Good (ICE kanpora behingoz) protesta-mugimenduaren barruan. Mugimendu horrek ehun erakunde baino gehiago biltzen ditu, sindikatuak, eskubide zibilen aldeko taldeak eta erakunde erlijiosoak tartean.
Ikerketa propioa
Tim Walz Minnesotako gobernadoreak, bestalde, Washingtoni jakinarazi dio estatuko agintariek ikerketa propioa abiatuko dutela hilketa argitzeko, "ezin baita gobernu federalaz fidatu ikerketa hau egiteko".
Gainera, Waltzek zalantzan jarri ditu agentzia federalek gertatutakoaren inguruan esandako "gezurrak". "Jainkoari eskerrak, bideoa dugu. Barne Segurtasun Departamentuaren arabera, zazpi tipo heroiko horiek batailoi baten kargari aurre egin behar izan zioten", adierazi du. "Ez du zentzurik. Gezurrak dira. Hau izan behar da 'aski da' esateko unea", gaineratu du.
Trumpek matxinada bultzatzea leporatu dio
Tim Walz Minnesotako gobernadorea eta Jacob Frey Minneapolisko alkatea "matxinada bultzatzen ari dira", Donald Trump AEBko presidentearen hitzetan.
Polizia-operazioa
Donald Trump buru duen gobernuak immigrazioaren aurkako Metro Surge operazioa abiatu zuen abenduan Minnesotan, bertan kriminalitatea areagotu egin dela argudiatuta. Gooden heriotzak eta bost urteko haur baten atxiloketak, besteak beste, haserrea piztu dute estatubatuar askoren artean.
Zure interesekoa izan daiteke
AEBren ia erdia larrialdi egoeran, elur eta izotz denboralea dela eta
Ameriketako Estatu Batuetako erdialdeko, hegoaldeko eta ekialdeko hogei estatu kbaino gehiagok larrialdi-protokoloak aktibatu dituzte larunbatean, izotz eta elur prezipitazio handiak uzten ari den fronte handi baten ondorioz. Datozen egunetarako tenperatura baxuak aurreikusten direnez, oinarrizko azpiegituretan arazoak izango diren beldur dira.
Abu Dhabin bildutako negoziatzaile errusiarrek eta ukrainarrek "lagunak" ziruditen, eta datorren astean bilduko dira berriro, AEBen arabera
Dena aurreikusitakoaren arabera joango balitz, bi aldeak datorren igandean bilduko lirateke berriro. Estatubatuarrek uste dute gatazkaren amaiera gertu dagoela.
Trumpek dio AEBek Groenlandian dituen base militarren lurren subiranotasuna izango dutela
"Nahi dugun guztia izango dugu. Elkarrizketa interesgarriak izaten ari gara", azaldu dio Trumpek "The New York Post" egunkariari, larunbat honeta kaleratutako elkarrizketa batean.
Giroa gaiztotuta Minneapolisen, ICEko agenteek gizon bat tiroz hil ostean
Dozenaka pertsona kalera atera dira protestan, hilketa baieztatu berritan. Bi aste baino ez dira beste agente federal batek Renee Nicole Good estatubatuarra hil zuela.
ICEko agenteek gizon bat hil dute Minneapolisen, tiroz
Beste agente federal batek Renee Good hil eta bi astera gertatu da hilketa. Immigrazioaren kontrako agenteen aurkako protestak are gehiago zabaldu dira azken egunotan, 5 urteko haur baten atxiloketaren irudiak mundu osoan zabaldu eta gero.
ICEren sarekadetan adingabeak atxilotzearen aurkako protestak areagotu egin dira Estatu Batuetan
Bost urteko Liam mutiko beldurtuaren irudiak munduari bira eman dio. Immigrazio-agenteek bera eta bere aita etxe sarreran atxilotu dituzte. Donald Trumpen migrazio krudelkeriaren aurkako protestak Estatu Batuetara zabaltzen ari dira.
Eros lezake, egiaz, Donald Trumpek Groenlandia?
Herrialdeak erosteko eta saltzeko merkaturik ez dagoenez, ezinezkoa da Groenlandiari arrazoizko prezioa jartzea. Dena den, ikerketa estrategikoen eta nazioarteko ikerketen zentroak Artikoan duen aditu Otto Svendsek uste du bilioi bat dolar ingurukoa izango litzatekeela kostua.
Errusiak, AEBk eta Ukrainak segurtasunari buruzko hiru aldeko lehen bilera egingo dute gaur Abu Dabin
Bilera gaur goizaldean adostu dute Moskun, AEBk eta Errusiak. Aurreratutako informazioaren arabera, bileraren ardatz nagusia Donbasen banaketa izango da.
Albiste izango dira: EBren "erabateko babesa" Danimarkari eta Groenlandiari, Errusia, Ukraina eta AEBren arteko bilera eta haizeak eragindako gorabeherak
Gaurkoan Orain-en albiste izango direnen laburpena, bi hitzetan.