ICEko agenteek gizon bat hil dute Minneapolisen, tiroz
Beste agente federal batek Renee Good hil eta bi astera gertatu da hilketa. Immigrazioaren kontrako agenteen aurkako protestak are gehiago zabaldu dira azken egunotan, 5 urteko haur baten atxiloketaren irudiak mundu osoan zabaldu eta gero.
Ameriketako Estatu Batuetako Immigrazioa eta Aduanak Kontrolatzeko Zerbitzuko agenteek (ICE, ingelesez) gizon bat hil dute tiroz larunbat honetan Minneapolis hirian, bertako Polizia Departamentuak baieztatu duenez. Hamabost egunetan egin duten bigarren hilketa da.
Minneapolisko Poliziaren buru Brian O'Harak baieztatu du heriotza Minnesota Star Tribune egunkariari egindako adierazpenetan.
Poliziaren buruak azaldu duenez, ICEko agenteek Minnesotako poliziei gertakarien lekutik erretiratzeko agindu diete, baina ez diete kasurik egin, eta O'Harak bertara joateko eskatu die bere agente guztiei, gaueko txandakoei izan ezik, ingurua kontrolatzeko.
Gertatutakoaren lekuko batzuk Estatuko Administrazioaren egoitza batera eraman dituzte, eta Minnesotako Atxiloketa Kriminaleko Bulegoko agenteak azken tiroketa izan den lekura joan dira.
"Etxe Zuriarekin hitz egin berri dut agente federalek beste tiroketa ikaragarri bat egin ondoren", argitaratu du Tim Walz Minnesota estatuko gobernadoreak bere sare sozialetan. "Minnesota nazkatuta dago. Hau nazkagarria da. Presidenteak amaiera eman behar dio operazio honi. Atera ditzala milaka agente bortitz eta formaziorik gabeko horiek Minnesotatik. Orain", gaineratu du.
Herritarrei lasai egoteko eta eremu horretara ez joateko eskatu diete.
Minneapoliseko alkateari eta gobernadoreari "matxinada" bultzatzea leporatu die Trumpek beak.
Aurrez, AEBetako administrazioak oharra kaleratu du hilketa justifikatzeko. Kaleratu duten oharraren arabera, hil duten gizonak (37 urteko gizon estatubatuar bat) agenteei mehatxu egin die arma batekin, eta "euren burua babesteko" egin diote tiro.
Tiroketa protesta batean izan da. Ostiral honetan, milaka pertsona atera dira berriz ere Minneapolisko kaleetara, azken asteetan ICEren operazioetan egindako gehiegikeriak salatzeko. Mobilizazio horietako batean gertatu da tiroketa.
Giroa are gehiago gaiztotu da Liam izeneko 5 urteko ume baten atxiloketaren irudiak zabaldu eta gero.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.