Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Munduko potentzia handiek nazioarteko zuzenbideari muzin egiten dioten unean Europa indartzeko deia egin du Friedrich Merz Alemaniako kantzilerrak, harreman transatlantikoa konpontzea erabakigarria dela iritzita.
Municheko Segurtasun Konferentziaren (MSC) irekieran, europarrei arreta eskaintzeko deia egin du Alemaniako kantzilerrak. 120 herrialdetako 200 estatuburu, gobernuburu eta ministro biltzen dituen hitzordu horrek aldebiko kontaktu eta bilera informal ugari ahalbidetzen ditu, hala nola, Merz bera Volodímir Zelenski Ukrainako presidentearen artean izandako topaketa edota Marco Rubio AEBko Estatu idazkariarekin izandako elkarrizketa.
Merzek azpimarratu du munduko potentzia handien portaerak baldintzatutako aro batean murgilduta gaudela, nazioarteko zuzenbidea errespetatzen ez duena: "Eskubide eta arauetan oinarritutako nazioarteko ordena suntsitzen ari gara. Beldur naiz oraindik argiago esan behar dugula: ordena hori, bere garairik onenetan ere inperfektua izan arren, ez da existitzen jada".
Gainera, Alemaniako kantzilerrak agerian utzi du Aliantza Atlantikoarekiko eta AEBekiko harreman emankorra izatearekiko duen atxikimendua. Azken hilabeteotan, ordea, Groenlandiarekiko jarrerak, adibidez, nabarmen zaildu ditu harremanak.
"Konpon dezagun konfiantza transatlantikoa eta berpiztu dezagun elkarrekin", eskatu die Merzek AEBko "lagunei", aurrean Marco Rubio bera eta AEBko Kongresuko berrogei ordezkariko talde bat zituela.
"Duela hiru belaunalditik hona , aliatuen, bazkideen eta lagunen arteko konfiantza izan da NATO garai guztietako aliantzarik indartsuena bihurtu duena. Europak badaki horren balioa ", esan du Merzek , eta nabarmendu du AEB mugan egongo dela nazioarteko politikaren garai berrietako erronka guztiak berak bakarrik bere gain hartzen baditu.
Zelenskik, nazioarteko hainbat buruzagiren babesa jaso du, eta Ukrainako energia sektorea nola babestu aztertu dute, negu honetan Errusiak egindako azken bonbardaketen helburu izan baita. Trumpek, Errusiarekin akordioa sinatzeko eta uda aurretik presidentetzarako hauteskundeak egiteko eskatu dio behin eta berriro azkenaldian.
Bestalde, Rubiok, larunbatean Municheko konferentzian parte hartuko duenak, X sare sozialean azaldu duenez, AEBren eta Europaren arteko elkarkidetza indartzea izan da Merzekin jorratutako gaietako bat, nahiz eta bere bileran premiazko beste gai batzuk ere jorratu dituzten, hala nola Errusiaren eta Ukrainaren arteko gerrari amaiera emateko ahaleginetan aurrera egitea.
Emmanuel Macron Frantziako presidenteak, berriz, "Errusiarekin komunikazio bidea berrezartzeko" asmoa agertu du, Ukrainako presidentearekin izandako bileraren ondoren.
Zure interesekoa izan daiteke
La Guairako portua gorputegi inprobisatu bihurtu da hildako pertsonak identifikatzeko
Erreskate-lanek aurrera jarraitzen dute Venezuelan, baina bizirik topatzen dituzten pertsonak gero eta gutxiago dira. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.
Hilik topatu dute Jon Sustacha, Venezuelan bilatzen ari ziren ingeniari bilbotarra
Bilaketa-lanetan ari zirela aurkitu dute haren gorpua, igande arratsaldean, La Guaira estatuan kolapsatutako eraikin bateko hondakinen artean. Bere familiak herritarren laguntza eskatu du zenbait egunez, hura aurkitzen saiatzeko.
11 pertsona hil dira Frantziako ekialdean izan den hegazkin istripu batean
Hamaika pertsona hil dira gaur Tomblainen, Frantziako ipar-ekialdean dagoen Nancy hiriaren inguruan, hegazkin batek istripua izanda. Meurthe eta Mosela departamenduko prefeturak zabaldu duenez, hegazkinak paraxutistak zeramatzan, eta bertan zihoazen guztiak hil dira. Pilotua, bost instruktore eta tandemean paraxutean jauzi egiteko asmoa zuten bost pertsona dira hildakoak.
Europar Batasunak 5 milioi euro bidali ditu Venezuelara
Hainbat estatu kidek erreskate taldeak, suhiltzaileak eta medikuak bidali dituzte, eta Copernicus satelite sistema larrialdietako taldeei laguntzeko eskaini dute.
Itxaropena Venezuelan: haurtxo bat erreskatatu dute hondakinen artetik
Erreskate taldeek haurtxo bat eta horren ama bizirik atera dituzte Venezuelan lurrikarek utzitako hondakinen artetik. Azken datuen arabera, 1.000 hildako baino gehiago zenbatu dituzte dagoeneko. NBEren esanetan, 50.000 pertsona daude desagertuta, eta bi euskal herritar daude horien artean.