Zuckerbergek Instagram defendatu du epailearen aurrean, eta haien adinaz gezurra esaten duten adin txikikoak kritikatu ditu
Instagram sare sozialak erabiltzaileen adina egiaztatzeko dituen mekanismoak defendatu ditu Metaren sortzaile eta buru denak, Los Angelesen egiten ari diren epaiketan.
Mark Zuckerberg, Metaren sortzaile eta burua, Los Angeleseko epaitegira iristen. Argazkia: EFE
Instagram sare sozialak erabiltzaileen adina egiaztatzeko dituen mekanismoak defendatu ditu, bart, Mark Zuckerberg Meta konpainiaren sortzaile eta buruak, Los Angelesen egiten ari diren epaiketan. Metaren barruan daude, besteak beste, Facebook, Instagram eta WhatsApp sare sozialak.
Sare sozialek adikzioa eragiten dutelakoan, Meta eta Google konpainien aurkako epaiketa egiten ari dira Los Angelesen, eta bart Zuckerbergek deklaratu du epailearen aurrean.
Metaren kontrako kereila jarri zuen 20 urteko emakumearen arabera, sare sozialak 10 urte izan baino lehen erabiltzen hasi zen, eta horrek teknologiarekiko mendekotasuna sortu zion eta depresioa eta pentsamendu suizidak areagotu zizkion.
Zuckerbergek epailearen aurrean azaldu duenez, 13 urtetik beherakoei ez zaie baimentzen Instagramen sartzea. Hala ere, erabiltzaileengan jarri du Instagram erabiltzearen ardura, eta sare soziala erabiltzeko haien adinaz gezurra esaten duten adin txikikoak kritikatu ditu.
Aurrez AEBko Ordezkarien Ganberan azalpenak eman baditu ere, epaiketa batean sare sozial baten jarduna defendatu behar izan duen lehen aldia da.
Pasa den otsailaren 9an hasi zen epaiketa Los Angeleseko Auzitegi Nagusian eta Zuckerbergen deklarazioak jakinmin handia piztu du.
Epaiketa horrek mugarria ezarri dezake gaiaren inguruan AEBn aurkeztu dituzten 1.500 demanda inguru ebazteko.
Zure interesekoa izan daiteke
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Munduko fabrika izatetik, Txina lider teknologikoetako bat izatera igaro da, eta etengabe hazten ari da
Txina Irango eta Golkoko beste herrialde batzuetako petrolio eta gas inportatzaile handia da. Hala ere, bere erreserbak maximo historikoetan daude, eta auto elektrikoaren eta energia berriztagarrien aldeko apustuari esker, gerrak ez dio gehiegi eragin, momentuz. Horrela, Iran bazkide estrategikoa den arren, Txina erantzun diplomatikoa ematera mugatzen ari da, bere estrategia epe luzerakoa baita.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, eta Irango portuetara joandako eta handik irtendako ontziak geldiarazi ditu.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.