Gobernua hartzeko prest egoteko eskatu die Trumpek Irango herritarrei
Gainera, armak uzten badituzte "erabateko immunitatea" izango dutela agindu die Irango segurtasun indarretako kideei.
Hitzaldia eman du Donald Trumpek. Argazkia: EFE
Donald Trump Ameriketako Estatu Batuetako presidenteak Iranen aurkako erasoaldia hasi eta minutu gutxira emandako hitzaldiak argi utzi du operazioaren azken helburua 1979an islamiar errepublikan ezarritako botere egiturak ezabatzea dela: estamentu klerikala eta Guardia Iraultzailea, Irango Armadaren oinarri ideologikoa, baita horren programa nuklearra ere.
Irango botereak Teheranen dituen egoitzen aurkako erasoen erdian, Trumpek Irango Armadaren eta Poliziaren erabateko errendizioa eskatu du, amnistia aginduta, eta herritarrak estamentu klerikalaren aurka behin betiko altxatzea exijitu du. "Irango herriari esaten diot bere askatasunaren ordua eskura duela", adierazi du Trumpek, Irango agintariak boteretik kentzeko izango duten "aukera bakarra" izango baita.
"Zuen patuaren agintea hartu eta zuen esku dagoen etorkizun oparo eta loriatsua askatu. Ekiteko unea da", esan du Trumpek. Askoz gogorrago mintzatu zaie segurtasun indarrei: "Guardia Iraultzaile Islamiarreko kideei, indar armatuei eta Poliziari, gaur gauean esaten diet armak utzi behar dituztela. Justiziaz eta erabateko immunitatez tratatuko zaituztet, hala eginez gero; bestela, heriotzari egingo diozue aurre".
Trumpen diskurtsoaren karga historikoaren erakusgarri izan da Iranekin izandako krisi guztiei buruz egin duen errepasoa, AEBk Teheranen duen enbaxada 1979ko urrian hartzetik hasita, eta "Ekialde Hurbilean dauden indar estatubatuarren aurkako eraso ugari" egiten jarraitzea leporatu die "Irango erregimenaren aliatuei", Iraken jarduten duten Iranen aldeko miliziei edo Yemengo huthiei erreferentzia eginez.
Trumpen hitzetan, Iranek ez du inoiz bonba atomikoa izango. "Ezingo dute inoiz arma nuklear bat izan", adierazi du AEBko presidenteak, Irani eskaintza guztiak errefusatzea leporatu aurretik.
EKIALDE HURBILA
Netanyahu: "Erasoak Irango erregimenaren mehatxu existentziala ezabatuko du"
Iranek misilekin erantzun dio Israelek bere lurraldean egin duen erasoari, eta Netanyahu herrialdeari zuzendu zaio.
"Arrazoi horiengatik, AEBko Armada operazio masibo bat egiten ari da diktadura zital eta erradikal honek AEB eta gure segurtasun nazionaleko oinarrizko interesak mehatxatzea saihesteko. Haien misilak suntsitu eta misilen industria ezerezera eramango dugu. Erabat suntsituta geratuko da", azpimarratu du.
AEBko presidenteak ohartarazi duenez, egoera odoltsu bat aurreikusten du, baita soldadu estatubatuarren artean ere. "Nire gobernuak neurri posible guztiak hartu ditu eskualdean dauden estatubatuarrentzako arriskua txikitzeko. Hala ere, estatubatuar heroi ausarten bizitzak gal daitezke, eta bajak izan ditzakegu", adierazi du.
Hori guztia "munduaren etorkizunaren alde" egingo duela adierazi du Trumpek. "Arriskuan dauden gure heroi guztiak babesteko eskatzen diogu Jainkoari, eta, Haren laguntzarekin, indar armatuetako gizon-emakumeak gailenduko direlakoan gaude. Munduko onenak ditugu, eta gailenduko dira", esan du.
Zure interesekoa izan daiteke
Netanyahu: "Erasoak Irango erregimenaren mehatxu existentziala ezabatuko du"
Iranek misilekin erantzun dio Israelek bere lurraldean egin duen erasoari, eta Netanyahu herrialdeari zuzendu zaio.
Israelek eta AEBk Iranen aurkako erasoa egin dute
Trumpek iragarri du "borroka operazio handia" hasi dutela "Irango erregimena deuseztatzeko". Iranen erantzuna hasi da, eta misilak jaurti ditu jada Israelera.
Gutxienez bi pertsona hil dira Milanen, tranbia bat errailetik aterata
Bi pertsona hil eta dozenaka zauritu dira ostiral honetan Milanen (Italia), tranbia bat errailetik atera ondoren. Istripua hiriaren erdialdean gertatu da, eta tranbiak oinezko batzuk harrapatu ditu.
AEBk Israel uzteko eskatu die herritarrei, Iranek Ekialde Hurbilean egin ditzakeen erasoen beldur
Trumpek asteak daramatza Irani eraso egiteko mehatxua egiten, programa nuklearra mugatzeko akordiorik lortzen ez bada; Teheranek, berriz, helburu baketsuak baino ez dituela dio. Marco Rubio AEBko Estatu idazkaria Israelera joango da datorren astean, Netanyahuren Gobernuarekin biltzeko.
Clintonek dio ez zekiela ezer Epsteinen delituei buruz eta ez zuela "ezer txarrik" egin
Hillary Clinton emazteak atzo egin bezala, AEBko presidente ohiak telematikoki deklaratu du Jeffrey Epsteinekin zuen harremanaren berri emateko. Kongresuko ikerketa batzorde baten aurrean lekukotza ematera deitu duten AEBko lehen presidente ohia da.
Pakistanek gerra deklaratu dio Afganistani, eta Kabul bonbardatu du
Bi herrialdeek informazio kontrajarria eman dute erasoen emaitzei buruz, baina biktimak ehunka dira dagoeneko. Talibanen Gobernuak ziurtatu du, edozein erasori aurre egiteko prest dauden arren, beren azken helburua dela Pakistanekin duten krisiaren inguruan negoziatzea eta konponbide bat bilatzea. Handik ordu gutxira, baina, beste erasoaldi bat abiatu dute.
Europako Batzordeak iragarri du behin-behinean aplikatuko duela EB-Mercosur akordioa
Ursula von der Leyenek gogorarazi duenez, “akordioa ezin izango da erabat burutu Europako Parlamentuak bere onespena eman arte”.
Netflixek Warner erosteko borroka utzi du Paramountek beste eskaintza bat egin ostean
Enpresak azaldu duenez, Paramounten azken eskaintza berdintzeko behar zen prezioarekin, Warner Brosekin zuen akordioa "dagoeneko ez da finantzarioki erakargarria", eta, beraz, uko egin dio aste honetan eskaintza hobetu duen Paramounten zenbateko berbera eskaintzeari.
Hillary Clintonek ukatu egin du Kongresuaren aurrean Epstein ezagutzen zuela
Bill Clinton AEBko presidente ohiaren emazteak Epstein kasua ikertzen ari den batzordeari —errepublikanoek gehiengoa dute— egotzi dio "arreta desbideratu" nahi izatea eta Donald Trump presidentearen jokabideak "estaltzea". Fokua Trumpengandik aldentzeko deitu dutela deklaratzera esan du.