Clintonek dio ez zekiela ezer Epsteinen delituei buruz eta ez zuela "ezer txarrik" egin
Hillary Clinton emazteak atzo egin bezala, AEBko presidente ohiak telematikoki deklaratu du Jeffrey Epsteinekin zuen harremanaren berri emateko. Kongresuko ikerketa batzorde baten aurrean lekukotza ematera deitu duten AEBko lehen presidente ohia da.
Clinton, Epsteinen artxiboko argazki batean. Argazkia: EFE (AEBko Justizia Saila)
Bill Clinton AEBko presidente ohiak Kongresuko ikerketa batzorde baten aurrean ostiral honetan adierazi duenez, ez zekien ezer Jeffrey Epstein pederastaren delituen inguruan, baina "ez zuen ezer txarrik egin".
Clinton da Kongresuko ikerketa batzorde baten aurrean lekukotza eman behar izan duen lehen presidente ohia. Epstein kasuaren harira deklaratu behar izan du.
Hillary Clintonen txanda ostegunean izan zen, eta Jeffrey Epstein ez zuela ezagutu berretsi zuen. Bill Clinton senarrak ezin izan du gauza bera esan, 2000ko hamarkadaren hasieran Epsteinen hegazkin pribatuan hainbat bidaia egin zituela onartu baitzuen, baina ukatu egin zuen pedofiloaren delituen berri izan zuela.
Bill eta Hillary Clintonen deklarazioa James Comer Behe Ganberako Gainbegiratze Batzordeko presidenteak deitu zuen, 2019an espetxean hildako pederastarekin dituzten loturak azaltzeko.
Bi demokraten adierazpenak grabatu egin dituzte, eta irudiak geroago argitaratzea espero da.
Hillary Clintonek ukatu egin du Epstein ezagutu izana, baina aitortu du Ghislaine Maxwellekin (20 urteko kartzela-zigorra ezarri zioten Epsteinen konplizea izatea egotzita) behin baino gehiagotan egon zela.
Clintondarrek, hasiera batean, uko egin zioten Kongresuaren aurrean lekukotza emateari, baina agintariari men ez egiteagatik akusatuko zituztela mehatxatu ostean, Epsteinekin zituzten harremanak azaltzeko agerraldia onartzea erabaki zuten, eta Hillary Clintonek zuzenean emititzeko erronka jo zien errepublikanoei.
Horien ustez, Donald Trump AEBko presidenteak Epsteinekin zuen harremanaren inguruan arreta desbideratzeko estrategia baten parte da agerraldia.
Zure interesekoa izan daiteke
Azken hamarkadetako gatazka krudel eta bortitzenetakoa bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon da sarritan. Hildakoen kopuru zehatza jakiterik ere ez dago: 150.000 izan daitezkeela aipatzen da, nahiz eta askoz gehiago direla uste izan. Gosetea zabalduta dago eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatu asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.