AEBk Israel uzteko eskatu die herritarrei, Iranek Ekialde Hurbilean egin ditzakeen erasoen beldur
Trumpek asteak daramatza Irani eraso egiteko mehatxua egiten, programa nuklearra mugatzeko akordiorik lortzen ez bada; Teheranek, berriz, helburu baketsuak baino ez dituela dio. Marco Rubio AEBko Estatu idazkaria Israelera joango da datorren astean, Netanyahuren gobernuarekin biltzeko.
Jerusalem. Argazkia: EFE
AEBko agintariek Israelgo enbaxada uzteko eta herrialdetik irteteko baimena eman diete "funtsezkoak ez diren langileei", segurtasun arrazoiak argudiatuta. Donald Trump AEBko presidenteak Iranen aurkako balizko eraso baten inguruan behin eta berriz egin dituen mehatxuen testuinguruan zabaldu dute abisua, AEBk Ekialde Hurbilean presentzia militarra indartu ondoren.
Mike Huckabee AEBk Israelen duen enbaxadoreak mezu bat bidali die ostiralean Jerusalemgo delegazioko langileei, eta herrialdetik atera nahi badute, "GAUR bertan" egin dezatela ohartarazi die, segurtasun arriskuak direla eta.
"Segurtasun gorabeherei erantzunez, eta aldez aurretik abisatu gabe, AEBko enbaxadak are gehiago murriztu edo debekatu ditzake langileen eta haien senideen joan-etorriak Israelgo, Jerusalemgo eta Zisjordaniako zenbait eremutara", adierazi du Huckabeek. Ildo horretatik, hegaldi komertzialak dauden bitartean Israeletik irtetea gomendatu die herritarrei.
Ekialde Hurbilak ziurgabetasun handiko uneak bizi ditu, AEBk Iranen aurka laster abiatu dezakeen operazio militarraren zantzuak nabarmen areagotu direlako. Teheran, aldiz, baikor agertu da programa nuklearrari buruzko azken elkarrizketen ostean.
Trumpek asteak daramatza Iranen aurkako eraso batekin mehatxu egiten, programa nuklearra mugatzeko akordiorik lortu ezean; Teheranek, berriz, helburu baketsuak baino ez dituela eta Israelen eta AEBren bonbardaketekin 2025eko ekainean kolpe gogorra jasan zuela esan du.
Testuinguru horretan, Marco Rubio AEBko Estatu idazkaria Israelera joango da datorren astean, Benjamin Netanyahuren gobernuarekin biltzeko asmoz, Iranekin tirabirak izan ondoren.
Washingtonek azpimarratu du akordioak misil balistikoen programaren amaiera barne hartu behar duela, baina Teheranek esan du uranioaren inguruan besterik ez dutela eztabaidatu behar.
Bestalde, akordioak Irango programa nuklearra erabat desegitea jasotzeko eskatzen du Israelek. Horren aurrean, gatazkak gora egin dezake une batetik bestera eskualde horretan.
Iragarpena USS Gerald R. Ford hegazkin-ontzi estatubatuarra (munduko handiena) Israelgo kostaldera iritsi denean egin dute. AEBk bere presentzia militarra handitu du Ekialde Hurbilean, edozein unetan Irani eraso egin ahal izateko.
Zure interesekoa izan daiteke
Ukrainan su-etena ezartzearen aurka egin du Putinek: "Bakea negoziatzeko ez dira zertan eraso militarrak eten behar"
Volodimir Zelenski Ukrainako presidenteak gutun irekia igorri dio gaur Putini, proposamen zehatz batekin. Bi mandatariak aurrez aurre elkartzea nahi du buruzagi ukrainarrak, gerrari amaiera emango dion bake-akordioa adosteko.
NBEko giza eskubideen buruak migrazio politika berria "berriz aztertzeko" eskatu dio EBri
Volker Türk goi-komisarioak adierazi duenez, arau berriek nazioarteko legeak eta EBkoak errespetatu behar dituzte, "migrazioaren kudeaketa justu, iraunkor eta giza eskubideekin duten konpromisoa islatuz".
Ukrainak 350 drone baino gehiago jaurti ditu Errusiara; tartean, Mosku eta San Petersburgora
Bezperan, Errusiako Armadak Ukrainako hainbat hiriren kontra egindako erasoetan gutxienez 21 pertsona hil eta ehun lagun baino gehiago zauritu ziren.
Trumpek agindu exekutibo bat sinatu du paperik gabeko migratzaileei finantza-sistemarako sarbidea mugatzeko
Presidente errepublikanoaren arabera, banku-sistema nazionaletarako sarbidea "herrialdean egoteko eskubide legala dutenek soilik izan behar dute", eta "legezko merkataritzan aritzen direnek".
Errusiak Ukrainaren aurkako eraso “masiboa” egin du, eta gutxienez hogei bat hildako eta ehun zauritu baino gehiago utzi ditu
"Kieveko erregimenaren eraso terroristei emandako erantzun" gisa deskribatu du bonbardaketa Moskuk.
Trumpek Netanyahuren aurka egin du Libanoren kontrako erasoengatik: "Zoratuta zaude"
AEBko presidentearen arabera, Irango gerrari amaiera ematea eta Ormuzko itsasartea irekitzea ahalbidetzeko akordiorako aukera egon daiteke datorren astean. Aitzitik, Teheranek iragarri du Washingtonekiko elkarrizketak eten egin dituela.
Trumpek iragarri du Israelek ez diola eraso egingo Libanori ezta Hezbollah-k Israeli ere
"Israelgo Netanyahu lehen ministroarekin oso dei emankorra izan dut, ez du Beirutera troparik bidaliko, eta bidean zeudenak bueltan dira", azaldu du Trumpek sare sozialetan argitaratutako mezu batean. Hezbollah-k ere ez duela erasorik egingo esan du.
Iranek adierazi du Libano su-eten akordioaren parte dela, eta Israelen erasoek ondorioak izango dituztela ohartarazi du
Su-etena ezarrita dagoen arren, Israelek erasoak areagotu ditu Libanon. Azken orduotan, Benjamin Netanyahu lehen ministro israeldarrak Armadari agindu dio Beirut inguruan dagoen Dahieh eskualdea bonbardatzeko, Hezbollahren gotorleku delakoan.
Hildako bat, dozenaka zauritu, 900 atxilotu inguru eta 178 agente kolpatu, PSGren garaipenaren osteko istiluetan
Barne ministroak azaldu duenez, iaz baino % 45 atxiloketa gehiago egin ziren; izan ere, istiluak egongo zirelakoan, polizia dispositibo handia zabaldu zen herrialde osoan. Emmanuel Macron Frantziako presidenteak esan du "nazkatuta" dagoela "indarkeria eszena onartezinez".
Kolonbiako ultraeskuinak irabazi du lehen itzulia, eta ezkerrak zalantzan jarri du zenbaketa sistema informatikoa
Abelardo de la Espirella ultraeskuindarrak ezkerra aurreratu du igande honetan Kolonbiako hauteskundeen lehen itzulian. Ekainaren 21ean izango da bigarren itzulia eta aurrez aurre izango du Ivan Cepeda ezkerreko hautagaia.