Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioak egiten espezialdua den eliteko unitate militarra— bidali nahi du Trumpek Ekialde Hurbilera, Iranen aurkako operazio militarrean parte hartzera.
Soldadu estatubatuarrak, artxiboko irudi batean. Argazkia: Europa Press
Ekialde Hurbilera 3.000 soldadu bidaltzea aztertzen ari da Ameriketako Estatu Batuetako (AEB) Administrazioa, Iranen aurkako operazioetan parte hartzeko. Hala jakinarazi diete hainbat hedabideri izenik eman nahi izan ez duten Etxe Zuriko bi funtzionariok. Horien arabera, datozen orduotan iritsiko da tropak bidaltzeko agindua.
Iturriok zehaztu dute 82. Aireko Brigadako unitateko soldaduak eramango dituztela Iranen aurkako operazioetara, eta horrek hainbat "aukera estrategiko" zabalduko dizkiola Pentagonoari. Halaber, jakinarazi dute oraindik ez dela erabaki Irango lurretara soldaduak sartzea.
Donald Trump AEBko presidenteak Irango zentral elektrikoen aurkako "erasoen oldea bost egunez atzeratzea" agindu eta biharamunean iritsi da berria. Larunbatean, 48 ultimatuma eman zioten Teherani Ormuzeko pasabidea zabaltzeko, baino atzo epea luzatu egin zuten estatubatuarrek. "AEBk eta Iranek azken bi egunetan elkarrizketa oso oparoak eta eraikitzaileak izan dituzte", esan zuen Trumpek, sare sozialetan zabaldutako mezu batean.
Irango Gobernuak berehala ukatu zuen elkarrizketak abiatu izana. Bitartekarien bidez negoziazioak abiatzeko eskaera jaso dutela aitortu badu ere Irango Atzerri Ministerioak, oraingoz ez dagoela elkarrizketarik abian ziurtatu du.
Zure interesekoa izan daiteke
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.