Trumpek apirilaren 6ra arte luzatu du Ormuzko itsasartea berriro irekitzeko ultimatuma
AEBk Ekialde Hurbilera 10.000 soldadu gehiago bidaltzea aztertzen ari da, Teheranen gaineko presioari eusten dion bitartean eta arazoak luze joko duela ikusita.
Trump, kazetarien galderei erantzuten. Argazkia: EFE
Donald Trump AEBko presidenteak apirilaren 6ra arte luzatu du Ormuzko itsasartea berriro irekitzeko Irani emandako ultimatuma, zentral energetikoei eraso egiteko mehatxupean. Erasoak gora egiten ari direnean iritsi da erabakia, negoziazioek emaitzarik ematen ez dutela ikusita.
Trumpek 10 eguneko luzapena iragarri du Irango azpiegitura energetikoei eraso egiten hasi aurretik. Horren arabera, neurriak Teheranen eskaera bati erantzuten dio eta harreman diplomatikoak erraztea du helburu.
Hala ere, Iranek behin eta berriz ukatu du Washingtonekin negoziatzen aritzea, nahiz eta zeharkako harremanak baieztatu diren. Testuinguru horretan, Pakistan bitartekari lanetan ari da, eta AEBko Gobernuaren 15 puntuko proposamena helarazi dio Teherani.
Trumpen esanetan, Iranek hamar petrolio-ontziri utzi die Ormuzko itsasartetik igarotzen, borondate oneko keinu gisa.
AEBren errefortzu militarra
Pentagonoa Ekialde Hurbilera 10.000 soldadu gehiago bidaltzea aztertzen ari da. Lehorreko tropak izango lirateke, eta agerian utziko luke Iranen gaineko presio militarra areagotu nahi dutela. Washingtonek ez du baztertzen, gainera, balizko lurreko operazio bat.
Duela ia hilabete hasi zen gerra, eta 1.500 hildako baino gehiago utzi ditu Iranen, tartean goi kargudun politiko eta militarrak. Bitartean, Israelen eta eskualdeko beste eragile batzuen arteko eraso gurutzatuak ez dira eten.
Iranek salatu du militarrak daudela bertako hoteletan
Bestalde, Abbas Araghtxi Irango Atzerri ministroak Golkoko herrialdeei eskatu die hoteletan militar estatubatuarren erreserbak ez onartzeko. Teheranen arabera, soldadu estatubatuarrek base militarrak utzi ostean hartzen dute ostatu establezimendu horietan, eta horrek, horren hitzetan, arriskuan jartzen ditu herritarrak.
Gainera, Golkoko zenbait herrialdek droneak eta misilak atzeman dituzte azken egunotan, eta horrek agerian uzten du gatazka hedatzeko arriskua dagoela.
Zure interesekoa izan daiteke
Iranek AEBren proposamenari erantzun dio eta bake akordio baterako hainbat baldintza jarri ditu mahai gainean
Teheranek erasoa "ez errepikatzeko baldintzak" eskatzen ditu, eta gatazkaren amaierak "fronte guztiei" eragitea, Libano eta Irak barne.
Israelek iragarri du Alireza Tangsiri Irango Guardia Iraultzailearen Armadako komandantea hil egin duela
Israel Katz Israelgo Defentsa ministroaren arabera, Ormuzko itsasartearen blokeoaren erantzule nagusia zen. Irango agintariek ez dute oraingoz heriotza baieztatu.
Iranek ez du onartu AEBk egindako bake proposamena, "gehiegizkoa" dela iritzita
Irango agintariek behin eta berriz esana dute Ameriketako Estatu Batuek eta Israelek Iranen aurkako "erasoa eta hilketak" gelditu egin behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.