Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Hungariako Asanblea Nazional berriak eskuinerantz biratu eta ezkerraren ordezkaritza esanguratsu oro kanpoan utzi du. Igandeko hauteskundeen ostean, parlamentuan hiru indar nagusi izango dira: Tisza alderdi kontserbadorea, Peter Magyar buru duena; Viktor Orban lehen ministroaren Fidesz, eta Gure Aberria eskuin muturreko mugimendua.
Fidesz Orbanen alderdi nazional-kontserbadoreak igande honetan egindako hauteskundeak galdu dituen arren, eskuineko bloke ideologikoak herrialdeko agenda politikoa markatzen jarraituko du. Magyarren garaipena, hala ere, mugarri bat da, 2010etik boterean dagoen Orban ultranazionalistaren etengabeko nagusitasunari amaiera eman baitio.
Tiszako liderraren garaipenak trantsizio prozesu bat ireki du orain, maiatzaren amaierara arte luza daitekeena. Ordura arte, Orbanek gobernuburu izaten jarraituko du.
Eskuineko bloke ideologikoa
Tisza, hauteskundeetako irabazle handia, Europako Alderdi Popularraren barruan dagoen eskuineko alderdi kontserbadorea da, eta zazpi europarlamentari ditu han. 2021ean sortua, izaera liberaleko kontserbadorismoa defendatzen du, eta Orbanekin jarrera batzuk partekatzen baditu ere (hala nola immigrazioaren arloan), ultranazionalistatik bereizten da, Hungariak Europar Batasunarekin harreman estua izatearen alde egiten baitu.
Fidesz alderdi nazionalista eta kontserbadoreak 16 urtez gobernatu du Hungaria, eta etengabeko tentsioa eragin du Europar Batasunean, bere jarrera euroeszeptikoak direla eta. Barne-eremuan, diskurtso populistak izan ditu immigrazioari buruzko gaietan, besteak beste.
Azkenik, Gure Aberriak eta Fideszek bat egiten dute Europar Batasunaren aurkako jarrerari dagokionez, nahiz eta eskuinaren barruan are muturrekoagoa den, joera neofaxistak darabiltza eta. 2019an iragarri zuen alderdi paramilitar bat osatuko zuela, Jobbik alderdi nazionalistak bultzatutakoaren antzekoa (2009an debekatu zen hori). Mugimendu hori Alemaniarako Alternatiba eta Errekonkista (Frantzia) alderdien Europako taldeko kide da.
Te puede interesar
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da.
Trump Pekinera iritsi da bi eguneko goi-bilerarako, eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, 'Air Force One' hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handien ia hogei enpresa-buru.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.