Trumpek ez du su-etena luzatzeko asmorik, ABC katearen arabera

Donald Trump presidenteak ABC telebista katerari esan dionez, ez du bere AEBren eta Iranen arteko su-etena luzatzeko asmorik. Bi asterako su-eten hauskorraren ingurumarian egin ditu adierazpenak. 

"Trump presidenteak gaur esan dit ez duela su-etena luzatzeko asmorik. Ez du uste beharrezkoa denik", idatzi du X sare sozialean Jonathan Karl ABCren Washingtongo korrespontsal buruak.

Karlen hitzetan, agintariak zera esan omen zion: "Uste dut bi egun zoragarri ikusiko dituzuela. Benetan uste dut".

Joan den otsailaren 28an AEBk eta Israelek Iranen aurka egindako erasoaren ostean hasi zen gerra akordio batekin amaituko ote den galdetu dio kazetariak.

"Uste dut hobel litzatekeela akordio baten itxea, horrela berreraiki ahal izango direlako. Beste erregimen bat dute orain. Ez du axola aurrerantzean zer gertatzen den, erradikalak suntsitu ditugu", erantzun zion agintariak.

Ordu batzuk lehenago, buruzagi errepublikanoak Fox News kateari adierazi zion Iranekin duen gerra "amaitzetik gertu" dagoela, Teheranek akordioa azkar lortu nahi baitu.

Joan den larunbatean, Islamabaden, Iranen eta AEBren arteko negoziazioen lehen txanda akordiorik gabe amaitu zen, eta Pakistanek bigarren txanda bat egin nahi du aste honen amaieran edo hurrengoaren hasieran. "Gauzak norabide onean doaz, eta litekeena da delegazioek bigarren elkarrizketa txanda bat izatea aste amaieran edo hurrengoaren hasieran", baieztatu zien asteartean iturri diplomatiko batek agentziei.

Trumpek Xiri eskatu dio Iranera armamenturik ez bidaltzeko

AEBko presidenteak Fox telebista katean egindako elkarrizketa batean adierazi du Xi Jinping Txinan duen homologoari gutun bat bidali ziola Irani laguntza militarrik ez bidaltzeko. Asiako agintariak erantzun zion ez dela halakorik egiten ari.

"Gutun bat idatzi nion, ez egiteko eskatuz. Eta berak bueltan idatzi zidan, esanez, funtsean, ez zela halakorik egiten ari", laburbildu du.

Trumpek Meloni eta Leon XIV.a aita santuaren aurka egin du

Bien bitartean, Donald Trump AEBko presidenteak Giorgia Meloni Italiako lehen ministroaren aurka egin du astearte honetan, horrek Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.

"Onartezina da, ez zaiolako axola Iranek arma nuklear bat izatea, Italia bi minutuan suntsituko lukeena", azaldu du errepublikanoak Corriere della Serarekin telefonoz egindako elkarrizketa batean.

Melonik esana zuenenez, "lagunak edo aliatuak daudenean, bereziki estrategikoak badira, ados ez daudenean esateko ausardia izan behar da", esan eta egin omen zuen. 

Presidenteak harreman ona zuen Italiako liderrarekin, baina adierazi du "aspaldian" ez dutela elkarrekin hitz egin, "beste itxura bat hartuta zion" Meloniri, haren hitzetan, "aldatu egin da, zeharo", erantzun du errepublikanoak. 

Era berean, Trumpek aita santuaren aurkako kritikak areagotu ditu, eta horrek Iranekin gertatzen ari dena "ulertzen ez" duela esan du. "Ez du ideiarik ere zer gertatzen ari den. Ez du ulertzen joan den hilean Iranen 42.000 manifestari hil zirela", esan du.