"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Frantziako Asanblea Nazionala, artxiboko irudi batean. Argazkia: Europa Press
"Antisemitismo modu berriei aurre egiteko" lege-proposamenak eztabaida politiko eta sozial handia piztu du Frantzian. Caroline Yadan (Renaissance) diputatu zentristak eraman du ekimena Asanblea Nazionalera, eta gaur eta bihar eztabaidatuko dute. Emmanuel Macronen gertukoen babesa du 'Yadal Legea' izenarekin bataiatu dutenak.
Terrorismoaren aurkako delituaren testuan hainbat aldaketa proposatzen dira, eta horien artean, antisemitismoaren aurkako jarreren eta ekintzen zerrenda zabaldu egin da. Israelen edota sionismoaren aurkako zenbait diskurtso delitutzat hartzea nahi da: besteak beste, Israel nazismoarekin parekatzea edota Estatu israeldarra suntsitzea eskatzea.
Adierazpen askatasuna, "zalantzan"
Kritika ugari eragin ditu lege-proposamenak giza eskubideen aldeko elkarteetan eta, baita ere, maila akademikoan eta politikoan. Uste dute Palestinaren aldeko eta Israelen aurkako ekintzailetza isilarazteko tresna bat izan daitekeela. Nazio Batuen Erakundeko zenbait adituren arabera, oinarrizko eskubideak arriskuan leudeke.
Bide beretik, hainbat epaile ere aurka agertu dira, eta salatu dute testuak nahita egiten duela antisemitismoaren eta Israelen aurkako kritikaren arteko lotura. Horrek, zentsura ekar dezakeela irizten diote.
Oraingoz, legeak ez du bermatuta aurrera egiteko nahikoa babes, Macronen blokean ere zenbaitek errezeloz hartu baitute. Ezkerreko alderdiek erretiratzea eskatu dute.
Kalean, berriz, tentsioa areagotzen ari da. Ekimenaren aurkako milaka sinadura biltzen ari dira, eta dozenaka unibertsitateetan ikasleak mobilizazioak abiatu dituzte.
Zure interesekoa izan daiteke
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.